واخبرهم إني فصليه

الجزء الثاني،،،البارت التاسع

#الاخرس
  #والعثر
  #والطاح #والماشاف
ودموع المفارك
واليحب #سكته
واحساس المذله
#وحسرة المسجون
هذن كلهن شفتهن من غبت #انته🍃😔

عبدالله: مجاريش هاي الطايفه وين سيف عنكم  خوما البيت طايف

يبووو من الفشله هسه اضحك لو ابجي اباوع لسندس طكتهه ضحكه واني وموج اتصنمنه بمكانه وحدة تباوع للخ نسينه حته رافعين رداناتنه وجافلين بجاماتنه ومفرعات من الموقف المحرج

سندس كامت بضحكه: حمدلله ع سلامتك عبودي هاي مجاري بيتام صهيب البارحه طافت وتلاحكوها وصلحوها فوت اكيد تعبان

عبدالله مر من يمنا وشكله ممرتاحلنه  رفعت راسي وصارت عيني بعينه جان يخزرني عمه بعينك شمسويتلك والله هالزلمه مو صاحي  هوة فات جوة وسندس لحكته وتباوع علينه تهز بيدها وتضحك

اني وموجكبل رجعنه رداناتنه وعدلنه التراكات وحطينه شالات ع روسنه جانن معلكات ع شباك الهول بطرمه وبسرعه فلتنه كلمن بيتك بيتك ...

رجعت لكيت ماما يم جنان تتعلم الخياطه رحت طبخت غدة وصليت لان اذن وفتت اسبح سبحت وطلعت لكيت سندس تفتر وشايل صحن دولمه تاكل بي وماما دتصلي

سندس: نعيمااا ام المجاري الطايفه وين شردتي هههه

حنين والف المنشفه ع راسي: سكتي بربج لتذكريني مواقفي ويه رجلج سالفه عويصه كل موقف العن من الثاني من الاحراج عويصه سالفتنه بالاحراجات

سندس: لتطوخيها وتصيرين حساسه فدمرة ترة ممنتبه ع شنو جنه نحجي ولوت السالفه ع بيت صهيب وهوة اصلا تعبان فتت حضرت الحمام وطلعت اشوفكم لكيتكم منهزمات كمل سبح ونام كال لتكعدوني للعصر عفته وجيتكم وشفت ام المجاري ثانيه جايه جايبتلكم دولمه خذت ماعونكم اكله ودزيت ع ثاني من عدهم الكم وكتلها لبيتي هم ماعون لان عبدالله نايم هههههه كتلهه نعمي دروبج اليوم نحاجي الشفيه سيف ونقنعه بيج عاد خطيه طكتها ركضه لبيتهم هههههن

حنين: ولج خطيه فشلتيها وبعدين دازة ع ٣مواعين شدعوة مو دزونه واكلتي بلعافيه وجان كلتي اسويلج العشا دولمه

سندس: ترة ذولي عادي حبابين وهمه هم يطلبون مني شوكت ميعجبهم تتعودين وتصيرين اطكع مني بقاطات بس صبرج

ماما تصفط بالمصلايه: حنونه صبي الغدة حته اناملي ساعه وارجع يم ام صهيب اكمل خياطه

حنين: ماشي بس ماما اذا تتعبين كولي اني اتعلم الخياطه بدالج او اشتغل شغله ثانيه متزهك مثل الخياطه وتكسر ظهر

سندس: شنو شغله ثانيه لمتكسر ظهر

حنين: ادرس دروس خصوصيه اهنا بلبيت لكافه المراحل ابتدائي واعدادي خوش شغله ترة

سندس: والله خوش فكرة ...باوعت لماما ..ماما عوفي الخياطه واني وزوجي نحطج بعينه واذا مستحيه خلي حنون تاخذ دروس خصوصيه اهم شي صحتج