واخبرهم إني فصليه

الجزء الثاني ...البارت الاول

عٌذِبًوٌ گلَبًيِّ وٌمًشُـوٌ وٌعٌأّفُـوٌنِيِّ وٌحًدٍيِّ بًدٍنِيِّتٌـيِّ
وبحالي ابد مافكرو وشلون اطيب علتي
لا سألو شحاله ..صبح من يسهر لحد الصبح
لا مرله نوم ولا فرح  محد عرف بمصيبتي 🖤

اذا ماكو تصويت منزل بارت بعد!!!
م/ حنين حتستعيد بعض الاحداث التي لم تذكر بالجزء الاول ،،، قراءة ممتعه 😊

كل عام وانتم بخير 💜💜 نشرت قبل دقايق من دخولنه بسنه ال2020 ⚡

بمناسبه السنه الجديدة محب الح بس اكول
تحقيق امانيكم ان شاء الله وحفظ العراق من الفتن ومن سيلان  دم الشهداء 💜

حنين:  فزيت ع ايد تلعب بشعري وتهمس

سندس: حبي حنون كعدي كافي نوم صار تلاث تيام نايمه مشبعتي

حنين بملل؛ شرايدة اكعد شسوي والله وغلاتج نوم هوة احسن علاج الي ..انهزم من حياتي السودة تدرين من كد حبي للاسود صارت حياتي سودة

سندس  : لا اله الا الله..حبيبتي انتي كومي بقيت اني وياج ممتغديات

حنين ورفعت راسهه من المخدة تفرك بعيونهه: ليش وين ماما ..متغديه لو هم متغدت .

سندس: لا وين اتغدت هيه وسيف وطلعو للسوك وبقينه بس اني وانتي  كومي نتغدة قبل لا ترجع ..وهم النونو مالي يريد اكل يحوص ابو كرش

حنين بمجامله: هههه الله يكومج بسلامه بس والله ممشتهيه خليني انام جسمي متكسر 

سندس وكامت ع حيلهه جرت ايدي: حنين بلقران اذا مكمتي وياي هم متغدة وخطيتي اني والنونو بركَبتج لج شايفه نفسج صايرا تخوفين مابيج روح وين حنين الجانت ضاويه هااا كلنه نمر بشدايد بس المتموتك تكَويك  وانتي سباعيه من يوم يومج ولازم تصيرين سبعه علمود امج محد يفيدج غيرهه ممرود كلبهه عليج والله لوما سيف هم حلف مياكل اذا هيه متاكل جان ما اكلت اطلعي من السواد الي انتي بي وانسي نفس مانسيتي اهل ايان تنسين مصطفى والساعه الانجمعتو بيهه يجوز ع خير كومي ولتظلين تدكين اليتيمه ..

وانسحلت وكمت وياهه محضرة الغدة بس نكعد كعدنه اتغدينه اني ساكته وسندوس تحجي وتنصح ووضعي مو زين اظل ساكته وانام بدون اكل وكافي اقهر امي ووووووو وهوايه كملنه صبيت جاي وكعدت يمهه بلمطبخ ع ميز طعام دنشرب جاي وكالت سندس

سندس بحيرة: ا احم اكدر احجي وياج واسألج

حنين بتنهيدة: اااه ييي تفضلي ولو ادري التريدي بس سألي

سندس: شصار بينكم وصل علاقتكم الهيج ..وليش قافله تلفونج ولج جهاز امج مبطل دك وكل شوي تطلع عذر خو ايه وفرقد ومنار خبصوهه خبص عليج دك ومراسلات حته اا احم مصطفى اكثر واحد وكله رسايل بس  امج اتأذت بسبب حالتج  كوليلي شبيج مو اني صديقتج واختج