اريد اعلن حداد وللعشگ ماعود
واريد انساك وانسه البينك وبيني ..
واشگ دفتر غرامك خاطر انه انساك
ودير الوجه عنك من تلاكيني ..
ماريدك بعد لو روحي اتصير
وماريدك لون من الموت تحييني ..
ملح بعيوني احطن وانسه حته النوم
اخافن بالمنام طيوفك تجيني ..
اذا شافتك عيني وفرحت بملكَاك
والله اتبرة منهه وهاي مو عيني ..
واذا صافحك چفي بحجه الخملان
اكَص اثنين ايديه يساري ويميني ..
واذا كَالولي حبك يسري بالشريان
ثق بالله اكَطع كل شراييني ..
واذا صاير شمس انه ابقه دوم بليل
وماريد الضوة وبالظلمه خليني..
عصرت جفون عيني وشلت دموع
وشربتك بديه وانته تدريني ..
ومن مرني العطش صرت انته جربه ماي
كَصدتك معتني ومديت چفيني ..
وانت بكل وكاحه وصلافه عين
درت بچفوفي سم وردت تنهيني..
تذب نفطك عليه وانه بيه نار
وتتحمه ع ناري وماتطفيني..
وصرت محبس بديك وصرت بيه تسوم
ساعه تبيع بيه وساعه تشريني ..
اظل خصمك وفضحك حته من اتموت
وعلى كَبرك اخطن بايگ سنيني..
يي والله بايگ سنيني..😔
___________________
عجبكم الشعر،،،!!!، علقولي😉
سوولي متابعه لحسابي ...
___________________
حنين: التهيت وذبيت كل جهدي بالامتحانات بعد مااعرف اخبار عن زينه وحته متدزلي اي رسايل كلت بلكي نفع كلامي ويه صكَر واتفاهمو اليوم قبل الامتحان الاخير جنت طالعه من الامتحان واتفاجئ من جيت صكَر اول مطلعت صار بوجهي جنت مفكرة جاي ع ميار دامشي جان يكَول .
صكَر: السلام لله يالمعدله
حنين: شونك خويه اعذرني بالي يم الامتحان ..
صكر: ولا يهمج هانت بس ان شاء الله يكون بس الامتحان مو مصطفى شاغل فكرج والزواج مالكم اللي راح يصير ورة جم يوم
حنين بضيكَه خلك: اخي انته مدخلك وبعد عن طريقي وبنت عمك بعدهي بلقاعه تمتحن ممكن شوي ..
صكر: تؤ تؤ ليش عصبتي والعباس ابو فاضل انتي خسارة بولد قحطان ليش متروحين ويه ليقدرج ويحبج
حنين بعصبيه: صدك الطيور على اشكالهه تكَع انته لايك لزينه حيل وخر عن طريقي ولتحاول تحرجني اكثر كدام الطلاب الظاهر جنت ماخذة فكرة غلط عنك من كلت انته احسن من زينه بس ثنينكم نفس الطينه
صكَر وهوة يسوي حركات لان واكف كدام حنين بس بينهم مسافه ليصورهم من ورة بالصورة كأنو واحد حاظن لاخ ويلعب بشعرة من ورة : هدي عمي بويه انتي مدامج دخلتي اهنه خلصت سالفتج جان يأشر ع عقله ...
حنين دفعته وطلعت مفوله كلش ياربي مين طلعلي رحت للخط لكيتهم مكملين بس اني صعدت وطول الطريق افكر معقوله هذا انكَس من زينه والله شكلي غلطت غلطه عمري من كال فرقد راح افتح باب جهنم ع راسي ربي دخيلك ساعدني وابعد عني اي شي يؤذيني والله جنت ناويه خير يارب عونك بامتك المحتاجه لك يالله ظليت افكر لما فزيت ع صوت
أنت تقرأ
واخبرهم إني فصليه
Romanceقصه مختلفه بكل معنى الكلمه عن قصص الفصليات لقريتوهه كثير من العيون التي فرحت بالحب ولكن ابكاها النصيب دخلوا واقروهه وصوتوا
