واخبرهم إني فصليه

الجزء الثاني،،،البارت الحادي عشر

ماتدري من تبتعد شيسوون عيوني
وببهامي  من انهضم   يتلاكن سنوني ...💫💭🎇

صاحني سيف

سيف: حنين وينج اكو موضوع يهمج واني الابشرج

طلعت اني وسندس وموج لضاجت من كلام سندس

حنين فتت كاعدين بربطه المعلم

حنين: هااا شكووو

سيف بفرح: اتجهزي يحلوة راح نداوم اني وياج هالسنه بس مو بالكورس الاول لا بلكورس ثاني التقي وياج

حنين : شلوون و ..صفنت ...رجعت اكمل كلامي مخنوكه ..شلون واني اوراقي بالبصرة و...

عبدالله قاطعني: لتشيلين هم اني ادبر السالفه واحلها وان شاء الله من الاسبوع الجاي تداومين اهنا

ماما: والله يايمه شلون اشكركم ع وكفتكم ويانه وهسه ويه حنين تكمل ..الله يرضى عليكم

عبداالله: شنو قابل بمانيه هااي بنتنه وحقها علينه

سيف: البشاااارة اني البشرتج بالخبر

سندس حظنتني وباركتلي وكالت: انته الك الشرف توصل الخبر ابشارتيش ولك تبيعيهن براس هالمكرودة

موج: اتدلل بشارتك عندي

اباوع لوجه سيف خجل وكام ينطي الوان

هههههه دائما موج احسها خطر يم سيف وهوة احسه شايل روحه بخاشوكه لا تجفص وجفصت همات اباوع لعبدالله يضحك ع شكل سيف

عبدالله: هذهوة يجرالج يابه سيف بشارتك يم جوجه

موج بهمس يم اذني اني وسندس: اكولكم هذا شو يدلعني خااف شارب شي لج سوسه زوجج بس لا حس عليا عيب

حنين: ليش تجفيصتج هاااي شدل بالله نوب تكول عيب الله يالله ...

عفتهم رجعت للمطبخ اكمل شغل فاتت سندس

خنين: وين موج لعد

سندس كعدت ع كرسي: راحت لبيتهم تكول ممنتبهه لنفسها وخجلت من عبدالله لاحظ تجفيصها وراحت

سكتت كملت غسل مواعين العصرونيه اجيتامسح الميز

سندس: عوفي الوصله وكعدي فهميني كلامج لقبل شويه حجيتي

حنين بستفسار: كلاميش الحجيته حجيت هوايه

سندس: من اشاقيت كتلج سيف خاف يخطبج كلتي
لاتعشك كَلب مبيوك باجر صاحبه يردله شافتهم بعدج هاويه مصطفى

حنين بتهرب: انتي ليش مدوخه روحج وياي انسي  ردت اطمن موج لا اكثر

سندس: ترة فاهمتج اكثر من روحج واعرفج بعدج روحج هاويته ومناسيته بس ليش تكابرين والله احس اني سبب لو بذاك اليوم مصارت تقلصات بنفس اليوم لتصل مصطفى بيج وجاوبتي جان هسه اموركم توب ااااخ والله احس بذنب