💓✨💜الصبر ببساطة هو :
ان تهمس في اذن الحياة لن انحني ما دام الله معي.🙂
م/بطلب من صاحبه القصه اسرع فترة الاحداث من هذا البارت١💫🥺
حنين: سمعت طبه قويه التفتت اشوف ماما وكعت من طولهه وذولي ديتكاونون صدك شما اوصف كرهت هاللحظه بالله عبدالله مغسله ايدي منه مو خوش بس حسام شجابهه مو سافر لتركيا ويه زوجته عفتهم وبيدي سندس رحت على ماما همه حسو وجوي يركضون شالهه حسام وعبدالله وياه حسام طلع ماما للسيارة ردت اطلع محس غير عبدالله شمر على راسي شال وعبايه اخذ سندس وكال
عبدالله: لبسي بسرعه ويله ...
بسرعه لفيت شال مدري شلون لبست العبايه سحبت سندس وطلعت لكيت حسام مفوتهه لماما مكعده بصدر كبل صعد عبدالله لان مكعدهه بسيارة عبدالله واني وحسام ركبا ليورة بيدي سندس ودموعي تصب ..وعبدالله خبثهه بس يستغفر بصوت عالي
حسام بحركَه: متستعجل تمشي على بيض متعرف تسوق كَول وخل اسوق بدالك
عبدالله بعصبيه: ليش متسد اثمك وتلصم ...
حنين بعصبيه: كااااافي مو جهال ولا روسيه ان صار بماما شي والله مسامحكم بسببكم انتو صار ...
كامت تبجي سندس من الصوت الصار بس هاك استلم شلون اسكتهه ومن السرعه والثول نسيت مميتهه وكلشي شسووي يربي
حنين بتعب: ماما تسمعيني شون وضعج هسه
ماما بلكَوة صوتها يطلع: يمه لتخاافين ..شوفي البنيه
رجعت انتبهت شسوي يي هاي تراك سندس امها قربتهه على صدري وهيه عبالهه تيد ارضعهه بقت تحاول لما ايست واني اهز واقرب بيهه عليا لما نامت ..وصلنه احس نمشي دهر كامل من التشتت الجنت بي بسرعه نزل حسام ساعدهه وعبدالله هم بس حسام جان اكثر اهميه اهتم بماما ...
وصلنه وجيكو وضع ماما طلع هبوط بالضغط وبدايه سكر يمه ربي رحمتك ليش هيج جنه كاعدين وياي حسام وعبدالله وسندس بحظني طلع دكتور كمت بسرعه
حنين: دكتور فدوة طمني ماما شبيهه
دكتور: هبوط بضغطهاا وبدايه سكر لازم تهتم بصحتها اكثر من هيج وتتجنب الضغوطات مو زين الهه ..
حنين بتوسل: دكتور فدوة اكدر اشوفهه
دكتور: يي بس بدون متسولفون شي يقهر مو زين ترا احتمال تنجلط وضعها مو زين لصدمات ...
التفتت لعبدالله: هااك الزم بنتك شوي حسسني انته اب
خزرني واخذهه ..
دكتور: ليش زوجج هذا ...اني شفت الاخ هذا عبالي ..جان يقصد حسام
عبدالله نط؛ يي زوجهه عندك مانع
أنت تقرأ
واخبرهم إني فصليه
Romansaقصه مختلفه بكل معنى الكلمه عن قصص الفصليات لقريتوهه كثير من العيون التي فرحت بالحب ولكن ابكاها النصيب دخلوا واقروهه وصوتوا
