حَياةٌ في زمنِ الموتِ

.اعلان .

💖 الجبوريه 💖
من المذكرات المكبوته في ذلك الصندوق الاسود الذي يحوي في داخله على الدفتر القديم نصف اوراقه مهترئه و النصف الثاني محروقه و مغبره لكن الكلام و لهيب الذكريات التي كتبت داخله لتشتعل ف تكون اشد جمرا و رثيا من حالته المأساويه ..

انا ابنة الميدان انا ابنة البطل انا ابنة الشهيد و ابنة الشهيده انا ابنة العراق و ضحية العقيده ..

انا ابنة دجلة في عرسها و كنت في زفاف الفرات وحيده ..

انا ابنة الحرب بدون الراء فبالسنين استبدل الحب بالحرب لاكون انا هي الوحيده ..

في زمن يقتل فيه كل قريب و بعيد ! ..لتبقى هي دون قريب ولا بعيد ليبعد كل شيء ليعش قريبا في مكان كل بعيد ..

دخل يمي للغرفه و هو يحط من ايده اكل جايبه من بره سويت نفسي نايمه

تقدملي بزيه العسكري و هو بعده البسطال منازعه نزل لمستوى القنفه

و حط ايده على جبيني .. يتاكد من حرارتي .. باس وجنتي و اشتعلت نار بيه خجل حب من طرفي

حبيته ؟!

صدك مريم حبيتيه ؟ غبائج غبائج

سمعت صوته يصيح مريومه مريومه كافي كسل كعدي

كعدت و هو يتحرك من يمي مسحت عيوني بايدي .. صباح الخير عمو هاي انت شوكت جيت

.. صباح النور هاي جيتي و هاي جبتلج شوربه و مداريج بيهه و هذا المشقاب كله تخلصي

.. بس اني ما اشتهي

حط الصينيه يمي و جاب كرسي و كعد مقابيلي .. لا تشتهين و كتلج ما اعوفج اله تكملين هذا الماعون كله و فخذ دجاج مشوي من هذا الي تحبه روحج

تافافت بكسل و غطيت حلكي بايدي ..

هاي الحركات مو عليه تعرفين امي شجانت تغنيلي من امرض و ما اكل و ابطل روحه للمدرسه
جنت اتي ما اكتب و هي تكتل روحهه تريد تطلعني دكتور لان ابن خالتي دكتور و اني اجيب و اسخت عاد هي تكعد تكتبلي و تغني " يا كسلان يا كسلان يابو راس البيتنجان (باذنجان) انت نايم نعنوسي و اني اقره بدروسي يا كسلان يا كسلان "

.. صدك عمو و صرت طبيب ؟

كفخني بخفه .. شوي شغلي هذا صار سنه تقريبا  انتي يمي و متعرفين شاشتغل !

.. اي غير مريضه

اخذ نفس .. عاد شوكت تطيبين محتاجج كدامي من اكعد اكل هيج تسويلي واهس اكل بحيث ابقى اكلج كافي يمعوده وين هسه اتوسل بيج عاللكمه الله يبن ادم شكد تقهر

.. منو ادم

صفن .. كومي صلي بابا كومي صلي و اتجددي هنا بالحمام القريب لتتقربين من الصاله و طيبه ما بيه حيل عراك بينج و بين جهالهه تره دايخ والله