حَياةٌ في زمنِ الموتِ

"الحلقه 30 "

#حياة_في_زمن_الموت
للكاتبه 💖 الجبوريه 💖
Al_jubouria

و ببدايه التصعيد و مظاهرات بعد الحضر .. الفاتحه على ارواح الشهداء ..

"
اصبر الروح بيش و انت بيه الروح و اذا تطلعاظلن بس جسد خالي لكيتك من جنت ما لاكي كل الناس انت اول محب و انت صرت تالي يلكلك محبه و انت احن مخلوق معقوله الحمامه اتصير كتالي صح ماكو بجمالكاني ادري بهاي وروجه رقتك ما كظها اي جالي حرام اعليك تزعل ونته الصوج اجيك انه اعتذر و بلا ذنب خالي تزعل ليش
"

طلعت من المقر اركض لكيت ابويه متصوب .. انه اخوك

ركضت شلته و للطبابه بوجهي رحت ..

كانت الاصابه بالكتف كبل نقلوه للمستشفى و لان هو صاحب ضغط صار وضعه حرج

كمت من على الكرسي و انه ميت خوف يا رب شوكت عاد تعدي ..

انه اعلم هالانجاس السرسريه ..

كدرنه بعد 3 ايام ننقله لمستشفى ببغداد و بعد اسبوعين طلع للبيت عنده اجازه شهرين لان الاصابه جانت كلش صعبه و بالكوه تلاحكوله ..

و بعد ما كملنا و رجعته للبيت صارت بوجهي ... تربيته ايدي و بعد حيلي اختي ساره .. الحنينه

.. يا هلا بسارونه شعجب شوجب

ساره .. غير بابا مريض تريدني ما اجي لازم ما مشتاقلي اذا وجودي غير مرحب بيه اروح ؟

ابتسمت بتعب .. لا بويه بالعكس هلا بيج مشتاقينلج و انتي غبتي كل هالمده

ساره .. والله يا خويه انت اعرف بالسبب ، ما علينا اني بايته هنا لاسبوع كامل

.. ساره بلا حجي ماصخ و فهد اياني اشوفج متقربتله

ساره .. ليش ؟ مو هو الي اخذ امي من عدنا ؟ مو هو الي حرمني من امي و اني جنت طفله         ط ف له

.. امج محد حرمج منهه تعرفين زين هي راحت علمود تكدر عالاقل تعيش و تخلي فهد يعيش و هاج شوفيه ؟ صار يدرس طب

ساره .. و انه ابوي بالكوه دخيليني اداوم لو عندي ام جان درستني سويتي سويت البنات او عندي ام بيها خير جان ولا صديقه من صديقاتي كدرت تحجي ويايه بكلمه و اسكتلهه عالاقل يخافون من عندي لان اكلهم اجيب امي لو عندي ام بيها خير جان اني ما عايشه ببيت غربه اتهزم من ابوي لان اكرهه لو عندي ام بيها خير جان سوتلي حفله من عرفت اني طلعت الاولى على بنات شعبتي

.. والله ؟ هيج معدلج زين

ابتسمت و صار وجهه احمر من الخجل .. اي اني هيج و ان شاء الله بالمستقبل راح اصير طبيبه و ان شاء الله اول واحد اعالجك الك اتعلم براسك بس لا تخاف والله اني اعرف بس شوي اخاف يجوز اخليك انت اكتب العلاج لنفسك وين تلكيلك هيج طبيبه