حَياةٌ في زمنِ الموتِ

"الحلقه الرابعه"

#حياة_في_زمن_الموت
للكاتبه 💖 الجبوريه 💖
Al_jubouria
"
ﺍﻟﻠﻪ ﻣﻮ ﻭﺻﻪ ﺑﻜﺘﺎﺑﺔ ﺃﻋﻠﻰ ﺍﻟﻴﺘﻴﻢ ؟
ﻟﻴﺶ ﻣﺎﺗﻤﺸﻲ ﺃﺑﻜﻼﻣﺔ ﺍﻟﻨﺰﻟﺔ
ﺍﻟﻠﻪ ﻟﻮ ﻣﻴﺖ ﺳﻨﻪ ﺃﺗﺼﻠﻲ ﻭﺗﺼﻮﻡ
ﺭﻛﻌﻪ ﻣﺎﺗﻮﺻﻞ ﺍﺫﺍ ﻣﺘﻮﻛﻠﺔ
ﺍﻋﻜﺲ ﺍﻵﻳﺔ ﻋﻠﻴﻚ ﻭﺍﻧﺘﺔ ﺷﻮﻑ
ﻫﺬﺍ ﻟﻮ ﺍﺑﻨﻚ ﻣﺠﺎﻥ ﺍﺗﺪﻟﻠﺔ
ﺟﺘﻲ ﻣﺪﺭﺳﺘﺔ ﻭﻷﻥ ﻣﺎﻋﻨﺪﻩ ﺛﻮﺏ
ﺍﺗﻮﺳﻞ ﺍﻷﺳﺘﺎﺫ ﺍﻥ ﻣﻴﺴﺠﻠﺔ
ﺍﺷﻠﻮﻥ ﺃﻛﺘﺐ ﺩﺍﺭ ﻭﺍﺣﻨﺔ ﺍﺑﻼﻳﻪ ﺩﺍﺭ
ﺍﺳﺘﺎﺫ ﻣﺎﺗﻜﺪﺭ ﺗﻐﻴﺮ ﺍﻟﻤﺴﺄﻟﺔ
ﺯﻳﻦ ﺍﺫﺍ ﺍﻛﺘﺐ ﻫﻠﻚ ﻛﻠﻮﻟﻲ ﮔﻮﻡ
ﻭﻳﻦ ﺍﺣﻂ ﺍﻟﻮﺍﻟﺪ ﻣﻦ ﺍﻟﻌﺎﺋﻠﺔ
ﻭﺧﺎﻑ ﻧﻮﺻﻞ ﺑﺎﻟﻘﺮﺍﺀﺓ ﻟﺤﺪ (ﻧﻤﻴﺮ )
ﻭﺧﺎﻑ (ﺑﺎﺑﺎ) ﺃﻳﮕﻮﻝ ﻫﺎﻱ ﺍﻟﻤﺸﻜﻠﺔ
ﻳﺎﺷﺮﻳﻒ ﺍﻟﺒﻴﻜﻢ ﺍﻟﺒﺎﻭﻉ ﻋﻠﻴﻪ
ﻭﻳﺎﻫﻮ ﻣﻨﻜﻢ ﺭﺍﺡ ﻭﺗﻔﻘﺪ ﻫﻠﺔ
ﻻﺗﺮﻭﺡ ﺃﺯﻳﺎﺭﺗﻚ ﺑﺎﻃﻞ ﺍﻛﻴﺪ
ﺣﺴﻴﻦ ﻣﺎﻣﺤﺘﺎﺝ ﻣﻨﻚ ﺗﻮﺻﻠﺔ
ﺣﺴﻴﻦ ﺍﺫﺍ ﺷﺎﻓﻚ ﺗﺼﺪﻕ ﻋﺎﻟﻴﺘﻴﻢ
ﺍﻟﺒﻴﺘﻚ ﺍﻳﺪﺯﻫﺔ ﺗﺰﻭﺭﻙ ﻛﺮﺑﻠﺔ
ﺍﻟﻤﻬﺰﻟﻪ ﻣﻮ ﻷﻥ ﻋﺪﻧﻪ ﺍﺣﻨﺔ ﻳﺘﻴﻢ
ﺃﻧﻌﻮﻓﻪ ﻣﻴﺖ ﺟﻮﻉ ﻫﺎﻱ ﺍﻟﻤﻬﺰﻟﻪ
ﺷﺒﻌﺔ ﻛﻠﻤﺔ ﺃﺗﺮﻳﺤﺔ ﻣﻮ ﺃﻟﺔ ﺭﻏﻴﻒ
"

الضابط .. كومي بابا لا تبجين

مريم .. عمو اخر مره اريد اشوفهه

الضابط .. لا ميصير اصلا جدج بالباب ينتظر

فيروزه طفرت .. منو يا جد هي ما عدهه جد ميت جدنا
باوع الضابط باستنكار .. قابل العب عليكم هو اجه و كال مرت ابني المغدورة ساره و اني اتكفل ببنت ابني

بانت علينا الدهشه و انصعقنا..

طلعنا جان واكف هو و مجموعه شباب ..

مبين هو الحد لان رجال جبير معكل ..

يلا امشي منو منجن بنت احمد ؟

مريم .. اني عمو

كفخهه و زمجر بيهه .. اني جدج و هاي الثانيه  بنت دريد مو
أومأت براسهه بايجاب ..

الجد ..عاجبني اعوفج للجلاب بس لا هم نستفاد منج ، صعدن للسياره يالله

اني دا اروح اركب جان مريم تلزمني .. و عمتي منو و شوكت تدفنوها

الجد .. انه اتكفل بالدفن هو ما نعوفنهه تجيف .

مريم .. و ماما ما تجي ويانه

فيروزه .. امج ماتت مريم الله يخليج لا تزودينها عليه امشي
و صعدنا السياره و كاللهم الجد روحو لبيتهن ياخذن هدومهن ..
و نزلونا لمينا ملابسنا

مريم ...... جنت الم بملابسي و اشوف فيروزه مرتبكه و تباوع لجنطه المستمسكات ..

رحت اخذتهه حطيتهه ويه هدومي لان هم عبالهم اني ما افتهم ف مركزين ويه فيروز و يراقبونهه بس الهه
دحستها ويه هدومي و بعدها
اخذونا لبيتهم جان جبير بس شكله قديم و مهترئ