حَياةٌ في زمنِ الموتِ

"الحلقه الاخيرة "

#حياة_في_زمن_الموت

للكاتبه 💖 الجبوريه 💖

Al_jubouria

دولبني الوكت و ما عشت بالافراح
عمري بالحزن كله گضيته .
ابجي و دمعتي و الخوف ماخذ حيط
و گلبي من البعد كل يوم اذيته .
اصحى و انام اعلى الجفن دمعات من
ظلم البشر حيل متخاوي
تعبت و يا كبر الحسره الاجرهه
من اذكر العمر الي مر مثل غمضه عين .
اتذكر مسامرنه و ليالينه  و ضحكنه .
اتذكر زعلنه و معاركنه و بجينه .
كله اتذكره بهاللحظه و امنيتي كبال عيني تصير .
بس خلص انطه الامر ..
انطه الامر رب العرش و نزل عزرائيل ياخذ روحي ..
بس يالله شهيده بحبك الموت يهون .. سامحني و لا تنسى ليالينه

الشعر بقلمي 💖 الجبوريه 💖

.... اطرافي ترجف مثل الصاعقه لحظات ....
لحظات مستحيل احد يحس بيهه كانو احنه بفلم رعب ..

الله اكبر الله اكبر ..

صوت الاذان لازم نستعجل ..

اندارينا نتفحص الي خلفنا ..
هذول ديلحكونا ..

.. سميه هذول بس ثنين و راح يلزمونا لا محال

سميه .. امشي مريم شيلي بنتج و انطيني السلاح

.. لا اخذي زينب و امشن انتتن

سميه .. ما نتحرك من هنا اله رجلنا اعلى رجلج امشي

شلت بنتي و صار الرمي علينا وحده من البنات تصوبت بالطلق و اني انداريت اباوع و شايله بنتي ما حس الا على شهكه زينب ..

شهيده ! عمرهه ما يتجاوز ال 4 سنوات ...

عطت يا كلبببببب و شمرت زينب على سميه اخذت السلاح و نقابي وكع ..

ما اعرف شلون اصوب بس سحبت المسدس بصعوبه و دست على الزناد وكع واحد و الثاني طفر ..

لزمت الي وكع دفرته و ضربته لحد ما صرنا نسمع صوت اطلاق و متفجرات ..

مشينا ركض و اني شايله بنتي ..
گلبي اجه يوكف ..

كعدت بين الاشجار و سميه تبجي و تكلي .. الطفله ميته مريم امشي تركيها خلي نروح

.. روحو وحدكم .
سميه .. مريم
.. ما اعوف بنتي ، اصلا ليش دا اطلع و اني فقدت الشي الي جنت مصممه اطلع على موده

سميه .. مريم كومي اني اشيل بنتج لان انتي گلبج بعد ميتحمل بس امشي خلي نوصل بعد شوي هنا ماكو راياتهم انقطعت اكيد راح نوصل اتحملي حبابه

و رجعنا مشينا بس هالمره وصلنه بيت من قصب رحنه دكينه الباب ..

طلعت حجيه ملامحهه مزينه بالخوف بس مو اكثر من الخوف الي بوجوهنا ..

.. خاله فدوه بس دخلينا

.. ما اكدر شتردون
.. احنا انهزمنا من الدواعش خاله فدوه بس وصلينا للجيش
.. وحده تفوت بس تاخذ التلفون تخابر الجيش و تحجي وياهم