#حياة_في_زمن_ الموت
.
للكاتبه 💖 الجبوريه 💖
.
Al_jubouria
"
علمني الوكت اصير على الراح
و اعيش بهل زمن و تنعم بقهري
و كابر عالجرح و مسح دموع العين
و جوي النار بيدي و انجوي بجمري
مشيت ويه الحزن من الصغر لليوم
و تحملته رغم طعناته لبظهري
و تكول الناس يضحك ابد ما مهموم
ما يدرون همي مخزن بصدري
الدنيا وياي امشي بالمككلوب
تسرق ضحكتي و تتحكم بعمري
خذت مني العزيز و باكت الخلان
و خلتني بهضيمه و حاير بهمي
"
ريم .. ها حجيه نضيره شكتلج يعتبرهه بنته و مستحيل الي بالج يصير ، مريومه دنلعب بات محيبس تلعبين
.. اني ما العب ويه الجذابين مثلج
الحجيه .. مريم عيب شنو هالحجي
.. والله بيبي هي جذابه مجانت بالحمام جانت تحجي ويه عمو ما دخلت للحمام
الحجيه .. ها ولج ريمه يالمعزايه احجي
و ضربت العوجيه ( العصا ) بالكاع
ريم .. اي يعني من طلعت من الحمام حجينه ادري حرام هو ابن عمي قابل شسويت زنيت و انتي مريم ليش ما تحترمين دخلت للحمام و انتي ما شفتيني اله اكله لخالد عليج
و راحت تركض اريد تكله و الحجيه تصيح عليهه ماكو ..
و اني رحت وراها كبل راحت للغرفه هو جان متمدد دينام دخلت و كامت تبجي و تشهك
ريم و هي تبجي .. عيني سيد خالد اسفه خاف زعجتكم بس لو تعلمهه لهاي الاحترام شوي
نهض من مكانه و هو يستغفر .. ها شكو شبيجن
ريم .. والله اسئل هاي
مريم .. هاي بعينج اني عندي اسم و مريم و لعبالج اكبر مني و تتحكمين لا عيني لا تحلمين اني مريم
ريم .. شوف ما بقت غير الزعط تعيرني بحجايتي وياك يا ابن عمي
مريم .. لتكذبين ما........
خالد .. مريمم اعتذري منها
مريم .. اني مسويت شي غلط هي الجذابه تروح لبيبي تكلهه جنت بالحمام و هسه تكلك اني عيرتهه
خالد .. حيوانه اششش انجبي ، و اعتذري و يالله فضينه بلا مشاكل يالله كدامي
مريم .. بس
خالد .. يلا اعتذري الخاطري بابا يالله
مريم .. اسفه ، بس اني تره مغلطانه و اعتذرت لخاطر عمو مره الجايه لا تجذبين و اذا تريدين دخلي الحمام ويه الصرصر الصرصر ما ياكل ثور
كلتلهه هيج و طفرت بره للغرفه اسمعهه شون تتمسكن بس عرفت اكو شي راح يصير و راح يلعبون بشي
رحت على كيفي وكفت قريب الباب اتسمع لان اول و تالي مراح يحجولي شي خلي اني اسمع بنفسي احسن ..
ريم .. شفت يا خالد هاي تاليهه والله تعبت من كلشي اريد اتحرر وياك ما اريد ابقى اختل حتى اجيك
أنت تقرأ
حَياةٌ في زمنِ الموتِ
Roman d'amourتدور القصه حول طفله كانت ضحيه الحروب في عراقنا الشامخ .. لتقع ببئر كبير و هو الحب و لتاتي متجاوره حبها من اجل طفل لتترك كل شيء و في ما بعد .. ستتعرفون ماذا سيحدث في القصه من المذكرات المكبوته في ذلك الصندوق الاسود الذي يحوي في داخله على الدفتر القد...
