#حياة_في_زمن_الموت
للكاتبه 💖 الجبوريه 💖
Al_jubouria
السلام عليكم هذا البارت و البارت الخامس و العشرين اعتبروهم بارت نهايه الجزء الاول ..
نهايه اوراق مذكرات الجزء لاول لقصه حياة في زمن الموت .. اي كلمه كتبتها فهي منقوله نصا من دفتر ذكريات كم موقف اتغاضيت عن ذكره حتى لا تنكشف عليكم هويه الابطال الي طلبو مني السريه التامه الها ..
اتمنى ان تكونو استمتعو ويايه خليكم ويه المبارتين الاصعب بالقصه .. اترككم مع كلمات الذكريات المؤلمه بهذا الدفتر الكئيب ..
عن لسان مريم ..
سلبو راحتي و نشدوني ها مرتاح ؟!
ما مرتاح !
شو هو الحزن نفس الحزن !
و الجاي نفس الرااح !
انه ما شايل عمر كافي حتى افصل و اگلكم طااحح !
ما مرتاح صدكوني ما مرتاح !
ليش ؟
لان قفل المحبه إنباگ !
و رهم عليه مية الف مفتاح !
احس مو عالارض عايش بطرف اجناح!
و احس روح الفرح فاضت !
هه لكن حزني سبع ارواح !
ما يتركني اتهنى بالوكت ولا يتركني مثل العالم ساعه ارتاح !
ما مرتاااح !
خالد .. ها الله يساعدج يالحلوه
ركضت عليه و حضنته .. وييييي حبيبي شكد مشتاقتلك شهل غيبه هاي طولت هواي
ابتسم و نزل راسه لمستواي باسني .. والله يا مريومتي الحلوه انه لا بيها ولا عليها اخذونا للحدود و انه صرت الضابط المسؤول و هاي خلوني هناك شهر انه ادري بهذا الريس الجديد قندره ولج انه خالد علي صارلي اخدم بالجيش بكد روسهم يسحبوني لهناك
.. يا سوده عليه و شسويت
خالد .. رجعت لهنا بعد التوبه اذا قررو ينقلوني والله احير شعمل بيهم حدود و سنطه بس كاعدين و على الله ننتضر الافرار و الي يطلعون تهريب بلكي يمرون من يمنا
.. يا هم هم خطيه التهريب لو ما ضاكو المر من وره هالوضع المخربط هم يطلعون ؟
خالد .. اي والله يا عمري شنسوي ضلمه و دليلها الله
كعد ينزع ببسطاله .. رحت يمه انزعه و اساعده ما قبل ..
خالد.. دوخري بويه لا تشتمين الريحه يكرم الله تزوعين ابنج من حلكج
.. اذا اني ما اتحمل الريحه لعد منو يتحملهه هند
ضحك .. اي تذكرت اليوم الصبح شنو سالفتجن
رفعت حاجبي و نزعتله البسطال رغم رفضه .. لازم وصلك الحجي
خالد .. هههههه لا بس نص العياط و انگطع راحت الشبجه كلت اخليها على باجر
.. صدگ يعني سمعت السبرايز يعني
خالد .. اي يا مدرسه العربي سبرايز شني والله ناسي ذكريني
.. يعني مفاجئه
و كعدت يمه عالسرير ..
خالد .. لا ما سمعت هيج شي بس سمعت هاي ال استغفر الله شلون تعيط عليج و تسب
أنت تقرأ
حَياةٌ في زمنِ الموتِ
Romanceتدور القصه حول طفله كانت ضحيه الحروب في عراقنا الشامخ .. لتقع ببئر كبير و هو الحب و لتاتي متجاوره حبها من اجل طفل لتترك كل شيء و في ما بعد .. ستتعرفون ماذا سيحدث في القصه من المذكرات المكبوته في ذلك الصندوق الاسود الذي يحوي في داخله على الدفتر القد...
