#حياة_في_زمن_الموت
للكاتبه 💖 الجبوريه 💖
Al_jubouria
اصبر الروح بيش و انت بيه الروح
و اذا تطلع اظلن بس جسد خالي
لكيتك من جنت ما لاكي كل الناس
انت اول محب و انت صرت تالي
يلكلك محبه و انت احن مخلوق
معقوله الحمامه اتصير كتالي
صح ماكو بجمالك اني ادري بهاي
وروجه رقتك ما كظها اي جالي
حرام اعليك تزعل ونته الصوج
اجيك انه اعتذر و بلا ذنب خالي
تزعل ليش غالي و كلشي عندي
و ما اهدكدووم غالي
وهسه حبك جيف صرت غالي
احسك تختلف عن كل الناس بعيوني اشوفك علنجم عالي
واشوفن دمعتك ما جنها تنزل ماي
ذهب تنزل دمعتك تجدحاتلالي
الك بستان عمري بكل ثمن مزروع
راضي بكلشي منك كلشي يحلالي
اجيك ومن ارد فارغ ارد للغير
وعنب بس اعله مودك تارس اسلالي
يمك انسه روحي و مناكون وياك
وعلى فنجان شفتك تركع ادلالي
الواشي بلا بخت مرني و زعلك اموت
انه ولا يوم اجرحنك و زعلك حلو كلك على بعضك و زعلك بحلاتك فدوة بس ارضىعليه
....
واكفه دغلس ايدي جان احد يلزك بظهري انداريت !!! عزه هذا شجابه معقوله اشتاقولي و تراجعو عن كلامهم بالتخلي عني ؟
كتله .. صباح شجابك هنا خاله اجتي ؟
صباح .. لا ، لا اني اشتغل هنا الحارس "غمز" بيانج مرتاحه شلون العرس ها حلو ها ها شلونه
.. و ليش تسئلني عاجبك روح اتزوج و جرب اني شكو
صباح .. يعني كلت اخذ رايج يا بنت خالتي العزيزه
دفعته و مشيت .. روح اسئل امك الي كايله لعمو اني تبريت من مريم قبل ما تكولي بنت خالتي
هزيت ايدي و رحت يم الحجيه الي بدورهه كعدت تسولف عن ايام زمان و طلعت فلوس كالتلي روحي دزي الجهال يشترولج نمنات منا للغده
و اني مصدكت ردت اركض بس الدشداشه وكعتني في سبعين داهيه ..
خالد و هو يضحك .. الله الله على كيفج
رحت للجهال اشترولي و كعدو ياكلون ويايه و نقسم جبسايه الك جبسايه الي و اتبقى وحده نقسمهه بالنص
سمعت اسمي ديصيحوني .. كمت و اني اشيل بالدشداشه بالاخير شديتهه و سويتهه للركبه
رحت بالحولي الحجيه كالت هذا رجلج ديصيح ..
.. يعني منو عمو خالد ؟
الحجيه .. هي يا الله اي عمج خالد روحيله صار هواي يصيح
رحت كاعد يلم بالكزاز ..
.. اي والله نسيت راحت عن بالي
رفع راسه بارع و ضحك و هز براسه .. نزليهه بابا نزليهه جنج عباس المطيرجي
.. عمو توكعني لهذا شديتهه و خلصت
خالد .. طبي جوه غيريهه اذا تحبين بنتي و تعالي سوي غده شتعرفين تعرفين تمن ؟ اكو مرك بالمجمده طلعي هم خلي يموع ؟ لو ما تعرفين كولي
أنت تقرأ
حَياةٌ في زمنِ الموتِ
Romanceتدور القصه حول طفله كانت ضحيه الحروب في عراقنا الشامخ .. لتقع ببئر كبير و هو الحب و لتاتي متجاوره حبها من اجل طفل لتترك كل شيء و في ما بعد .. ستتعرفون ماذا سيحدث في القصه من المذكرات المكبوته في ذلك الصندوق الاسود الذي يحوي في داخله على الدفتر القد...
