حَياةٌ في زمنِ الموتِ

"الحلقه الثامنه عشر"

#حياة_في_زمن_الموت

للكاتبه 💖 الجبوريه 💖

Al_jubouria

جبت كل هذا العمر ألله كريم/
صار أطول من عمر نوح العمر/
عمر كضّيته بعسر يهدم جبال/
موطني وبيتي صفه هذا العسر/
عشت دنية ضيم ممزوجه بجراح/
ومن بطن أمي البست درع الصبر/
صح اعيش بعزه ما مذلول دوم /
وصح اعيش بكوخ أحلا امن القصر/
لكن الدنيه بطبعهه تريد امور/
يا أمر ينجلي متبوع بأمر/

الكل صار يسعى حتى يخليني لا التهي بفهد..

و يوم اجيت اتوسل بيه ياخذني وياه اجاني الرد طاير .. ب  لا

.. و يعني هاي سيسمونهه "ضربت رجلي بالكاع" ارد اجي وياكم لبغداد معليه عمو هو يوم واحد

خالد .. ممنوع
.. حباب بليز عليك الله

خالد .. كتلج ممنوع لا تنكين و فهد يمي انزلي اقري جوه

.. لعد طلگني

كام من مكانه و لزمني من شعري و حجه من بين سنونه .. اطلگج انه ما كاتل روحي عليچ تره ولا هيج ساحل نفسي علمودچ انتظر تكملين اكلان خ** و اطلقگج كفي نگ بت ال***** لحي لحي ما بقيتي بيه عقل لا عندج اهل يحملونج و لا اني جاي اكدر احملج دليني اروح لامج بالمكابر اوديج يمهه يالله ارتاح

و دفعني اني ابجي عطت بوجهه .. لعد عوفني لخاطر ربك عوفني لي تعذبني وديني يم امي و خلصني كافي تره مو حاله هاي

خالد .. و ببيش معذبج هاي الادوار و المسلسلات بطليهه يالله كليلة ببيش معذبج شو دركض و دتوسل بيج لخاطر مستقبلج

.. بس اني مخلصه ماكو داعي تطلعهن عليه الله جبار الخواطر يحسسك باليتم الي حسستني بي قبل شوي و يلسع كلبك نفس ما لجمت جرحي يا رجال يا فاهم يا جبير

فتح عيونه .. لج كلبه شنو هالحجي هذااااااا انتي ليش ما تحترمين هااااااا حيواااانه

و ضربني راشدي ..

.. لتضرب اني مو ملطشة عندك

جابني بالثاني .. انت شبيك تخبلت

جان يجر شعري و وكع عليه ضرب ..

و يعيط ما افهم اصلا شيعيط ..

نهاني بالضرب .. خشمي صب دم هو مشى من يمي و غلط يا كلبه والله ثم والله البعد اعترضتي لو تجاوزتي لقضي عليج و من صدك ادفنج يم اوك هاي الموت

.. همجي الله يطلع حوبتي بيك

و رجع عليه مره ثانيه هم ضربني