حَياةٌ في زمنِ الموتِ

"الحلقه السادسه عشر"

#حياة_في_زمن_الموت

للكاتبه 💖 الجبوريه 💖

Al_jubouria
"
. مو رخيص وداعتك بس آنه غير
مبسط بروحي لسواد عيونك ..
. تارس عيونك ضوه وماي وخضار
وامطر سنيني بصحاري ضنونك ..
. انه وجه العافية وملگه المضيف
مشرع بوجه اليگلي شلونك ..
. المثلك يصلي الصبح كل ساعة كون
نعمة الله وطاحت بماعونك ..
. وكون ندري
بل عتاب يفيد بيهم
عاتبينة ..
وكون يسوون البجي
چابثنعش ناضر بجينة
"

عمو علي .. استهدو بالله يا جماعه هم خطيه الطفل نايم هسه انتو جلبتو خلي نكوم نتعشى و نرتاح و تجيبه

جان تعيط خاله ريم : لا هسه تجيبه شنو متسمع كلام
زمخ خالد .. كافي خلي نتزهر و عود تكعده ما تخلون احد يرتاح
دتحجي خاله ريم صاح .. يمةة ما ناقصين مشاكل هاي اول طبتكم

كامو غسلو و كعدنه ناكل ...

خاله ريم .. عيني ابو فهد انه اخذ مرتك و اروح بياته خو ما تبقى وحدهه هنا و انت بالواجب

خالد .. تبقى هي و فهد هنا

خاله ريم .. اخذهها هي و فهد ويايه

خالد .. ممنوع

خاله ريم .. من تهدى عود نتناقش لعد

كملو العشا و كعدو اني لميت السفره و رحت كعدت فهد كعد يعيط لان ضاج .. هم حقه النومه الي وره التعب تصير شكد حلوه ..

اجه للهول باوع هواي كاعدين وكف بالنص و راح وكف وره الباب ميحب التجمعات ..

خاله ريم .. دجيبي يمي شبيج
.. والله خاله اني معليه هو بكيفه بعد
خاله ريم .. خويلد صيح بيهه لها صلفه خلي تشيله و تجيبه

خالد .. ما يقبل احد يلمسه
خاله ريم .. هذا شلون حجي
عمو ‎علي .. يا ريم كومي انتي شوفيه اذا رايده طفل مريض قدريه خطيه

عاد كامت يمه وكفت تباوعله و خو ما يباوع بوجهه ..
ولابد وره الباب

خاله ريم .. انت شسمك .. الوو هذا شبيه

دتكيسه عاط و انهزم من يمنه مثل البزون ..

خاله ريم .. هذا شبيه من عزا ولا ينطلع بي
.. مو كلج عمو ما يقبل احد يلزمه هو هيج طبيعته

باوعتلي صفح و راحت كعدت تبجي و تولول و عود انقهرت ..

اخذ نفس و كام كال : مريم اخذي ملابسج من الغرفه جيبيهن يمي و خلي غراضهم بيهه

عمو علي .. لا يابه لا تضايقون نفسكم يومين و نروح للبيت الجبير حتلو وحدنه ما نكفي هنا نضايقكم