حَياةٌ في زمنِ الموتِ

"الحلقه الثانيه"

#حياة_في_زمن_الموت
للكاتبه 💖 الجبوريه 💖
Al_jubouria
مساء الخير عليكم ..
"
أنه اليتيم أنه اليتيم يامن يجاوب صرختي
الجوع ينهش في حشاي والبرد ساكن غرفتي
أمرض ولا أحدا بي درى أسهر وصارع علتي
أن شفتي لعبة مع صغير قمت أتذكر لعبتي
اللي شراها أمي وأبوي أخترتها من رغبتي ماتت بعد مات الحنان دفنتها مع فرحتي
أنه اليتيم أنه اليتيم
أنه اليتيم أنه اليتيم
أنه اليتيم يامن يجاوب صرختي
بقيت أنه بين الذياب عازل وحيد بغربتي
مظلوم في هذا الزمان من خالتي من عمتي
لساني موت الكلام والحزن عاشق نظرتي
أسألك ياالرب الودود تلطف وتفرج كربتي
أنه اليتيم أنه اليتيم
أنه اليتيم أنه اليتيم
أنه اليتيم يامن يجاوب صرختي
مالي ملاذ ألا حماك وأنت الخبير بحالتي
"

حطيت راسي على السرير و كنت كاعده بالكاع و رجعت دخلت عالم الاحلام .. عالم جنت اخاف منه و لحد هسه اني اخاف منه ..

... ابتسمت بوجه ماما و لزمت ايد فيروز من جهه و ماما لازمتني من أيدي و اني اكمز و امشي ...

ماما جانت شايله على راسهه صينيه بيه مواعين واكل هالقاسمه الله ثواب لبيبي الله يرحمهه ..

دكيت الباب و ماما نزلت راسهه و فيروزه أخذت الماعون من الصينية الشايلتهه ماما و نطت للجيران ..

ماما :- بعد هذاك البيت حبابين دائما امي الله يرحمها جانت تحبهم خلي نوديه الهم و نرجع مضل وكت صار المغرب

مريم :- اروح ادك الباب
و كمزت ردت اروح كدامهه

جان تصيح :- مريممم امشي ويانه و لتطلعين صوت

جانت ترجف و تمشي بسرعه

ما ادركت سبب خوفهه الا لما انداريت و شفت الملثمين الي جانو البليل يحطولنه متفجرات ..

عطت بخوف امي رأسا بسرعه شمرت الصينية و شالتني و كالت :- فيروز اركضييييييي راح يكتلونا

دنركض سمعنه صوت طلقه .. طلقه وحده بس ! و اباع قطرات الدم لوثت قميصي الابيض ..

و نقاط قليله لوثت رقبتي ..

امي .. و دمها الطاهر دمرني ..
ريحته ريحة دمها جان اطيب شي اشمه بحياتي و بعد هاي امي .. اي امي

عطت لما وكعت للكاع جراء وكعة ماما و الملثمين انهزموا ..
باوعت ماما الطلقه برأسها .. أو فجرت كلشي بدماغها و هي كدامي و اني ما اتجاوز ال 11 عام .

دمها دم امي اي امي الي روحي بيهه دمهه عليه بقيت ابجي احاول ارجع الزمن حتى ما اخسرهه ..

حضنتهه و ردن قميصي و جزء من صدريتي صار كله دم ...
.. فيرووز ماما ماما راح تموت ماماا