حَياةٌ في زمنِ الموتِ

"الحلقه السابعه عشر"

#حياة_في_زمن_الموت

للكاتبه 💖الجبوريه💖

Al_jubouria

. ما أگلكم كلش حلوه
بس يالوادم مدري شبيها
.لا كلش سمره و لا هي كلش بيضه
مدري شلون الله إمسويها
. ومدري إشلون البيت يلمها
. ومدري إشلون أمها إتغطيها
. ومدري إشلون الشارع صابر
لسه وما ماكل رجليها. 🖤🤍⚔️

خالتي .. انت شبيك مسودن خلي الليله تمضي على خير خليها ترتاح ، صدك وين ابنك الثاني ؟

خالد .. باربيل

خالتي .. هم ببيت جده

خالد .. لا يم اخت رجل شيماء

خالتي شهكت .. يا عمه بعينهه ولا تحجي
خالد .. و قبل فتره جبته حطيته يم حسناء

خالتي .. والله بهاي الحاله حقهه مريم تزعل اذا حسناء و شيماء هاي بس اني و هي ما ندري ..

خالد .. تجين انه اروح اجيبهه هذا فهد ما يكدر بلياها بسرعه حيل تعود عليها

خالتي .. هو فهد او ابو فهد فهد خمس تيام و ابو فهد سبع سنين

ابتسم .. لا فهد طبعا انه شدخلني

خالتي .. اي عيني حقك سبع سنين ما طلعت من هنا بس كلي شلون لزمت نفسك عنها شو اروح و ارجع تصيحلك عمو

خالد .. عادي جنت ممضي احتياجاتي اتزوجت زينه و قلبهه المرحومه ام علي و قبلهه جنت متزوج هاي الخنزيره شهد

خالتي .. اي هسه خنزيره لو ما جانت موش بنيه ما حجيت و طمطمتهه و ردت تطلگ

اندار عليهه .. و هذا الي متعرفه مريم

خالتي .. و صار لازم تعرفه

خالد .. ان شاء الله انه رايح اجيبهه و اراضيهه و احجيلهه

خالتي .. اي روح بس ها تره هي اعند من ابوك

خالد ابتسم .. بس مو اعند من عندي

و ساعه 11 جنت كاعده ابجي و عمي كاعد مقابيلي يقرا قران و يهدي بيه و يتحسب على خالد ..

اندكت الباب حيل و طب خالد ..

الظاهر يمه المفتاح ..

ضل يباوع عليه و اني دايره من عنده ..

عمو علي .. ها خير

خالد .. شنو يابه غير جيت يمكم هذا البيت هم بيتي لو صار حرام اطباله

عمو علي .. اي اتطبله من وياك الحگ مو من تتجاوز على بنتي