حَياةٌ في زمنِ الموتِ

"الحلقه الاولى"

#حياة_في_زمن_الموت
للكاتبه 💖 الجبوريه 💖
Al_jobouria

السلام عليكم ..

ابدء معكم على بركه الله بالقصه و ارجو منكم ان تصوتو و تعطوني رايكم فيها فضلا و ليس امرا ارجو مشاركتها لمساعدتي ..

اترككم مع القصه ...
"
ثكلت اللكمه عليكم مالتي؟!
مو بعدني ازغيره كد لعابتي !!
شنهي مرتكبه وسجنتوني بزواج ؟!
الموت ارحم واشوه من زنزانتي !!
فوك راسي البيت واعيالي وجهال !!
جنت اعجز من حمل شكالتي !!
كبل كله براحتي اكعد انام !!
هسه شغل البيت شكك راحتي !!
ثكلت اللكمه عليكم مالتي ؟!
"
... من المذكرات المكبوته في ذلك الصندوق الاسود الذي يحوي في داخله على الدفتر القديم نصف اوراقه مهترئه و النصف الثاني محروقه و مغبره لكن الكلام و لهيب الذكريات التي كتبت داخله لتشتعل ف تكون اشد جمرا و رثيا من حالته المأساويه ..

انا ابنة الميدان انا ابنة البطل انا ابنة الشهيد و ابنة الشهيده انا ابنة العراق و ضحية العقيده ..

انا ابنة دجلة في عرسها و كنت في زفاف الفرات وحيده ..

انا ابنة الحرب بدون الراء فبالسنين استبدل الحب بالحرب لاكون انا الوحيده ..

خليني ابدي من اليوم الاسود .. أو ليش اسود ! .. هذا جان اقصى أحلامي .. و الي هو أكون بدور العروس .. بس مو بهذا الشكل ... ابدااا مو بهذا الشكل ..

ندست خالتي الي جانت فرحانه و دتصفك .. خاله اني تعبت راح ابطل من اللعبة ما اريد اصير عروس ..

كرصتني بزندي و همست و هي تتبسم .. بعدنا و بعد صديقاتج ما جايات اذا ما راح تكملين و تكعدين مثل الأوادم أو  راح اخذ البدله منج و اطرد صديقاتج صيري أدميه

ردت ابجي بس من تذكرت انو اني دا اخذ دور العروس لأول مره بحياتي ..

اي لان صديقاتي الخبيثات جانو ما يقبلون لان اني جنت أصغرهن و ما عندي بدله و هن بدلاتهم كبيره عليه ..

ههههه حتى هاي البدله كولش كبيره عليه بس خاله كصفتهه الي و عادت خياطتهه ..

عيوني غوشت يمكن من الكحل .. بس اني تعبت حسيت نفسي غريبه احساس احباط ادري ميحقلي أوصف إحساسي بعد مرور كل هاي السنين بس اتذكر الاحساس البشع بسبب .. البدله الي جنت أتمنى امتلكهه مثل صديقاتي

جان المنظر مرعب كلش مرعب من التمو البنات و هم يترقبون شي و كلساع و يسئلون بكلام ..  جوي لو بعد .. منو هم ؟

لعبت نفسي من الهوسه .. وين اني .. لعابتي ! اريد لعابتي !

نسيت كلام خالتي و بجيت وكحركه معتاده ردت احط أيدي على عيوني جان يفزعن خالتي و البنات ! هاي الي تصيح ثول و هاي الي تكول ، عمه و هاي الي تعيط على كيفكم شوي شوي فهموهه طفله