حَياةٌ في زمنِ الموتِ

"الحلقه السابعه و العشرون"

#حياة_في_زمن_الموت

للكاتبه 💖 الجبوريه 💖

Al_jubouria

مشتاكلج اوين الكاج البعد كاسر الواهس
مشتاكلج خليني اشوفج بأي مكان
ردي خجلان بكبر جرح العراق
مشتاكلج واني مو ايوب حته احمل جفاج
والله مو قصدي اعوفج مو ركضت اني ابراج
الحب ابد مو عيب صدكي وعيب اليفارك حبيبه
مشتاكلج

سمعت اصواتهم يحجون كمت سديت باب المطبخ و اتسمع .. لكن هنا خطتي فشلت تماما لان هم يحجون اشياء ابد ما افهمها ماشي مرات افهم كلمه كلمتين بس الباقي لا والله حتى لفض ما اعرف الفظهن

كعدت بالكاع و اني حايره ..

:—:—:—:—:

.. راح اتخبل راح اتخبل وينهااااا صار ست اشهر ما بقى مكان ما دورت بي عليهه ولك اسد فص ملح و ذاب

اسد .. سئلتهه قبل ما تطلع انه و كالتلي رايحه لبيت خالتي

خالد .. دورتهه ببيت خالتهه ولك حتى خالتهه الي بره العراق خابرتهه و كالت ما ادري بس هاي فيروزه متاكد دتكذب اكيد يمهم

اسد .. مو يمهم انه فتشت البيت و هي حلفتلك بس اجتي جانت عمتهه موجوده و طردتهه ما عدكم كرايب بعد

خالد .. هي طلعت من الناصريه و من بغداد وين تروح اكيد بعد كم شهر راح تدهور لان فهد الدكتور مالته منتظم وياه و هي ما ماخذه العلاج مالته

اسد .. كله بسببك

بلعن و بهت .. شلون ؟

اسد .. كله بسببك راحت نهزمت منك و من ضلمك انت اذيتها هواي اكثر من ما تتصور

خالد .. انت تحجي من عقلك

اسد .. انهارت تماما من شافتك تطل بهذا طولك و انت شارب و زايع الدنيا

خالد .. غلطت و انه مو نبي حتى ما اغلط

اسد .. يابه غلطك جان كلش كلش جبير انت مو بس ضربتهم و جرحتهه انتي حرقتها دمرتها

خالد .. بس احبها و انه مستعد اسوي لخاطر عيونهه بس خلي ترجع ابوي طلعته اغير بيت لخاطر عيونهه كلت بلكي تسمع و ترجع

اسد .. هي مجان همها ابوك ولا مرته جانت سايلتهم بين عيونهه اذا غلطو تعدي و تسكت عن حقها بكل هدوء و تخاف عليك مثل ما تخاف على فهد لدرجه تشوف وحده ما تسوه قندرتها تجي تفشر عليهه و تهينها و تسكت حتى ما تقهرك بس

خالد .. اعرف و هذا القاهرني و مغمج صوابي صرت طريقي ما اندله

مشتاگلهه يا اسد مشتاگ الهه و لضحكتهه و لراسهه اليابس
.......

نبهة .. يمصگوعه اقعدي لا تبقينو غايحه و تشتغلي

لزمت بطني و تنهدت بحزن ما جنت اعرف بنفسي حامل الا بعد شهر عرفت بحملي ما اعرف شنو لازم يكون رد فعلي لكن اني جنت كلش حزنانه لدرجه ما كدرت اكتب اي شي من ذاكرتي بهذاك اليوم ..