حَياةٌ في زمنِ الموتِ

"الحلقه الخامسه و العشرون " نهايه الجزء الاول

#حياة_في_زمن_الموت

للكاتبه 💖 الجبوريه 💖

Al_jubouria

مريم .. خالد هذا ابوك لا هيج تعامله فدوه اروحلك خطيه والله هو هم بشر و يحس

خالد .. انتي مدخلج ما يحس هو مخبل مخبل مريض ما يحس خبلني خبلني اصيح عليه ما يجاوب مخبل

مريم .. لا تضربه خالددددد

دفعني .. وخري من يمي لج اليوم انه جتاله خبلنيييي

.. خالد الولد

خالد .. انتي مدخلج لج ولي عنييي

.. بداعتي عوفه شجاكككككك تخبلت

رجعت مريم تقدمت يم ابويه الي ديضرب فهد لان ما يسمعه ولا يجاوبه انهارت اعصابه ..

و رجع ابويه كرر حركته و دفع مريم بس هالمره مريم ابتعدت و جرت نفسهه كعدت و لزمت بطنهه و غمضت عيونهه بالم
اسد .. مريم شبيج شكو شجاج

مريم .. ما بيه شي اسد اخوك راح يموت بايد هالظالم ماما حبيبي ج....

قطعت كلامها بصرخه و وجهه انگلب لونه كلهه تغيرت و بالكوه اجر نفس و ابجي ..

اجه ابويه يركض .. مريم شبيهه مريم مريم

انخبص ما عرف شنو يسوي ..

لفها بالعبايه و ركض للسياره اخذتله السويج ..

خالد .. صيح ام ياسر عالسريع البنيه هتروح من ايدي

جتي ام ياسر و بقت واكفه ما اقبل تجي ويانه ابويه عاط و سب عافني يم فهد و اخذ مريم و راح للمستشفى بس هو وياها ..

كعدت حاير خابرت عمتي شيماء جانت هستوهه واصله الناصريه الفجر و هاي هسه احنا ساعه تسعه الصبح ..

راسا جاوبتني كتلها هيج و هيج الصار و هي هم اتفاجئت لان مريم مريضه بالقلب و هيج صار ..

كالت اني رايحه للمستشفى بقيت كاعد ابويه ما يرد عالاتصالات و فهد مغمى عليه من شده خوفه و المه بسبب ضرب ابويه اله ..

للعصر و محد يرد حتى عمتي شيماء تلفونهه مغلق .. و جدي راح يشوفهم وين شالقصه ..

لليل يالله عمه شيماء رجعت هي و جدي و عيونهه حمر

.. ها عمه شصار مريم شلونهه

شيماء .. ادعيلهه وليدي ادعيلهه الله يكسر ايده لابوك راهب البنيه كلبهه راح يوكف

.. شكو غير تفهميني شصار

شيماء .. سوولهه عمليه و جابت بنيه بس النبض مالتهه ضعيف و حتى تنفسهه بالكوه تاخذ النفس