حَياةٌ في زمنِ الموتِ

"الحلقه التاسعه عشر"

#حياة_في_زمن_الموت

للكاتبه 💖 الجبوريه 💖

Al_jubouria

يالرايح وناوي الهجر..
تسألني ليش على العمر.
لو ردت عني تبتعد
گلي شنفعهة العافية...
عشگتك روحي من گلب..
وعليهة تتركهة صعب
ونيتهة ماتصفة البشر..
بس الك جانت صافية..
يل ماتحبهة وبطلت
للعشگ المن جربت..
تدري بهجرتك فززت ..
ذيج العيون الغافية ..
جانت مأمنه بعشرتك
هسة صدمتهة بفرگتك ..
راحت بجت يم عتبتك
مثل المضيعه وحافية .

كاعده احل بالورقه و هذا طب شايط ..

خالد .. هاي شحاجيه ويه ريم

هزيت راسي باستغراب .. شحاجيه ما حجيت شي كدامك

خالد .. لا هسه صعدت تاخذ تلفونهه و نزلت تبجي و تكلي ربي مرتك

.. ها دتكول اني الاصل و من هالسوالف البايخه كتلها راح نعيش اني و خالد و اطفالنا تعجبت عبالها يمكن ما عدنا بس فهد و اني حامل شسويلهه اذا تفكيرهه شطح عالترابي

حط ايده على شاربه و يعدل بيه و يحجي و رافع حاجبه.. هااااا يعني سئلتج حامل او لا و انتي شكتيلهه

.. ما لحكت اجاوبها ، هسه رتاحيت و شفت ليش جانت تبجي حبيبه كلبك

ابتسم .. لا ارتاحيت لان مرتي كبرانه و صايره تعرف تبسمر

ضحكت .. اني من البدايه بساميري بالعظم خلي بالك مني

.. كملي يابه كملي

خالد عادته يحب يكبت بداخله .. ما اكول ما تاثر بموت خالتي لا والله تغير هووواي بس مو ذاك الي موت روحه ..

و لا اكول اني ما تاثرت هم مرات اكون لوحدي اتذكر ماما و خاله ريم و اكعد ابجي ..

امتحنت و جنت احاول اجاوب كل شي اعرفه ..

فهد نعوفه يم عمي و اني اروح للامتحان ويايه خالد و من ادخل للامتحان يروح و بالرجعه ارجع ويه خط صديقتي

اخر يوم ..
ريام .. شعجب ما هو يرجعج اخر يوم و كل البنات راح يطلعون لمطعم و منهن الي راح يروحن ويه حبيبهن و يتونسن

.. و شسويلهن اني اصلا تعبانه و ما بيه حيل

ريام .. عالاقل تعالي ببيتنه شوي نتونس

.. لا لا ما يقبل اذا تردين امشي لبيتنا

و هي ما كالت لا .. خابرت امهه و جتي لبيتنا

دخلت للبيت عمي كاعد يقرا قران خطيه اكثر واحد متاثر ودوم يبجي و يتذكر خالتي جان يحبها ..