حَياةٌ في زمنِ الموتِ

"تكمله الحلقه التاسعه و العشرين"

#حياة_في_زمن_الموت

للكاتبه 💖 الجبوريه 💖

Al_jubouria

"
تعال وياك أخذني وخـــــل نروح آبعيد
ونعيش الفرحه كافي وخل نعوف الهـمّ
تعبنه الوكــــــــــت والقدر بينه يدوس
مجروحين آحنه والجرح يلجـــــــــــم
محد بينه داري وعذبانـــــــه الحــآل
وألك هذا الحچـي يـلّ وحــــدك آلتفهم
كل شي يخـون بينه لكن انّـه ويّـــــآك
أبد منخون حبنه وربك اليعلـــــــــــــم
"
مفخخه !!!

طلعنا نركض و اخلينا المكان و ودينا مكافحه المتفجرات و لو لا لطف الله بينا جان هسه كلنا ميتين

سحبت ابويه و انه اعيط و اتمنى منه يردني و يهديني بس مالي كلمه قسمت ضهري و مرمرت گليبي ..

.. ولك اسد هاي مريم مريم روحي ما تتذكر شكد اعتنت بيك انت انت اعتبرتها امك هسه هي بيد الي ما رحمن ارضنااااا راح يرحمونننن حرمناااا عرضيييي و گلبي و روحي كلهن يمهم

نزلت دمعاته خلتني احس باحساسه او بحقاره احساسه ..

صدگ جان احساس حقير ..

جنت اتمنى مريم تطلع بس كل الي يطلعون بيهم شي مو شي اشياااءءءء هوااااي

مو اسبوع مو اسبوع سنه ..

ما كدر ابويه يبقى تعبت صحته و نزلنا سوه ..

رحنا للبيت مثل الجثث على الي دنشوقه و نمر بي ..

مثل الحلم او لا مثل الفلم ..

نبقى خالسين خايفين بس مو على ارواحنا خايفين لا على الارض مالتنا على عرضنا و شرفنا..

على كلشي نخاف بس ما نخاف على نفسنه لان احنا ابطال و اسود العراق اسود الحضاره و اسود بلاد الرافدين ..

حنا نشوف الدم و القتال و عروكنه توكف لو سمعنا احد يحول انسحبو ما نتحمل لازم نرجع ليوره و نرجع و هم يستوولون على ممالكنه و على منطقه منطقه من محافظاتنه

جنت اشوف شباب بعمر الورد بيهم بكد اجدادي و بيهم العريس و بيهم الي اصغر مني يوكع كبالي ..

محد قصر .. الجنوب الي انكلبو شراره و ضحو بالغالي و النفيس من اجل وطنهم ..

و الي من ارضهم و الي و الي .. هواي انطينه شهداء بالعراق هواي اديان و طوائف و ماكو اي دين او طائفه ما انطقه شهيد ..

من كانو يكولون الشهداء بالتلفزيون و اعداهم ما جانو يكولون هذا من كذا طائفه او من كذا دين او حتى من كذا محافظه ..

كانو يكولون جندي عراقييي .. عراقييي

هواي ضحينه من اجل العراق و السبب ؟ كلمه العراقي ..

بيومهه ابويه مثل الجاهل يبجي و يكلي عوفني هنا ..

والله اجيت ابجي وياه من اشوف ياشر بايده و يكلي عوفني هنا بلكي تجي ..