حَياةٌ في زمنِ الموتِ

"الحلقه الحاديه عشر"

#حياة_في_زمن_الموت

للكاتبه 💖 الجبوريه 💖

Al_jubouria
"
عجيب إنتَ شكثر غالي !
اسولف إنتَ سالفتي
اغني إنتَ موالي
ابالي ما سكنت إنتَ ، إنتَ صرت كل بالي
بحيث إنتَ گعدت گدامي ابرالك و تبرالي
درت وجهي على غيرك لگيتك إنتَ الگبالي
"

انتكست صحتي تماما و صرت كلش ضعيفه و گلبي تاذه لان كلش تعبت و حالتي سائت

من صخونه و تعب و يومين اني اتقيأ رغم عمو ما كعد و بقى يساعدني و ينطيني علاج و اكل و جانت الاوضاع كلش سيئه ما يكدر ياخذ اجازه يكول بطيبه تجي تبقى يمي

هو شافني شلون صرت اتقيأ بعد ما شربت بس الماي لو تخبل لان جان عصبي و ضايج من الدوام

كام يفسر و يسب و ليش متحجون و اني وين اصخم بيج بنص هذا الليل
بالاخير بدل بسرعه و اخذني للمستشفى قلبي جداره ضعيف و جفاف حاد صاير بيه ..

بقوني يومين بالمستشفى بعدها طلعنا للبيت هو بقى يهتم بيه و يسويلي كمادات لان صخونتي ما تنزل
.. مريم كومي نتغدا و اقري باجر امتحانج لا تضيعيه عليج يالله بابا كومي
كمت لكيته حاط الصينيه و ديصب مي صاح و اخيرا يالله حبيبتي تعالي كعدي

كلي حبيبتي ! يعني هو يحبني ❤️

كعدت و اجه كعد يمي وخرت ليغاد شوي ..

تقدم و ابتسم .. لا تخافين مناعتي قويه ما انعدي

كعد يحطلي و اني اكل بيدي الكينونه كال من نخلص الغده اشيلجياها بعد متحتاج

و يجيب و ينطيني سوائل ..

كتله .. الله عمو هاي شنو ريحتك
و قدمت راسي لركبته اشم العطر
كلش طيبه ريحته هذا العطر
وخرت و اني ساده عيوني العطر كلش عجبني
من فتحت عيوني شفته فاتح عيونه على وسعهن

.. ها عمو ؟
هز راسه كال .. لا لا ماكو شي كملي اكل انتي اني شبعت
.. بس لساتك ما اكلت شي
هز راسه .. بس شبعت

كام و اني كمت حطيت الصينيه عالكاونتر و رحتله جان متمدد و صافن عالسكف دكيت الباب بالبدايه ما انتبه بس بعدين باوع كال .. ها اكو شي

.. لا عمو بس وخرلياها اريد اغسل المواعين
.. عوفيهن اني عود اسويهن انتي تعبانه
.. لا اني تمام بس شيلهه اليه
كام من مكانه وكف يمي و وخر البلاستر على كيفه حتى لا تتاذه ايدي و اني عيني عليه ما شلتهه بعدين باوعت ما بقى شي و يشيل الابره غمضت عيني هو شالهه و حط گطنه كال .. شوي و شيليهه و اذا تعبتي عوفي اني بعدين اسويهن

كتله لا ماكو داعي هن قليلات ..

غسلتهن و نضفت السنگ و رحت اقره جان اول يوم امتحان عربي على كد النجاح اصلا اني اكرهه
شوي و كعد عمو مبدل : كملي قرايه من اجي امتحنج يالله عفيه ببنتي انه طالع تردين شي