حَياةٌ في زمنِ الموتِ

"الحلقه واحد و عشرين"

#حياة_في_زمن_الموت

للكاتبه
💖الجبوريه💖

Al_jubouria

عاجل ...
امدد وقت النشر لحد الساعه الثانيه فجرا بسبب شغل و تعب الفطور و مواعينه و السحور و مواعينه 😁
"
وبذيج بحة صوته و خشونه كلامه يكلها بهمس :
شمدريني اليشؤفك ! يؤم
يخلص عمره يتصفن 💜🍂
.. ابتسمت و خجلانه نزلت راسهه و تفاح موش خدود صارن بيهه ..
حب و يسامرهه بعد كللهه
شگَد چبیرَه ..
من تحس كلشي  ..
بحياتك .
صار ضدك ،
حتى گلبك ..
عافك لخاطر ..
ظِفیره   ..!♥️
"

اني كبل لفيت راسي و سويت نفسي نايمه ..

ما سمعته غير من يضحك ويه ام ياسر ..

اجه وكف يم راسي .. مريم مريم

رفعت الغطا .. ها صار الصبح ؟

ضحك .. ادري منايمه كعدي يابه كعدي سولفيلي ليش ماكله صابون و ياهو اليشوفني يضحك

.. و يعني شكو هو صابون مو نعمه و هذا اسد ليش يفتن و يحجي عليه

ضحك بصوت عالي.. والله عليج سوالف يعني عفتي كل نعمه الله ما توحمتي الا على صابون

.. اهوووو ما ادري و بعدين اني ما احجي وياك

تركته و انداريت نمت و هو بقى يحوص فوك راسي ..

خالد .. كومي حضري هدومي باجر اداوم

ما جاوبته
خالد .. مو احجي وياج
.. حطيتن باول الخانه مو كتلك و محضرات و مكويات

سكت و هم رجع يحوص على راسي طككني الى ان صدك غفيت وين ما كعدت الا و هو يطلع ..

انتظرت صوت سيارته طلع يالله نزلت جوه ..

الجهال و عمي و ام ياسر كاعدين و يسولفون و اني هم صرت وياهم واحجي ..

اسد .. مريم ليش اكلتي صابون

كلبت عيوني هذا لطش .. لان جنت جوعانه و ما بيه انزل هسه اكلت صابون او كتلت الريس

هو هم فشل و بعد ما حجه شي ..

عاد اني كمت لملمت البيت ويه طبت خالد من الدوام طبو عمومته ابو عيسى و بيت ابو صفا

و انخبصنا بيهم جايين يباركون عالبيت ..

و طبعا ريم جانت بالمقدمه ..
فاتو كعدو بالاستقبال و يسولفون و اني رحت اسوي جاي و كعك و اقدملهم ..