حَياةٌ في زمنِ الموتِ

"الحلقه الثانيه و العشرون"

#حياة_في_زمن_الموت

للكاتبه 💖 الجبوريه 💖

Al_jubouria

"
تگله ... عشگتك يانبي ضنوني ..
يمن زوارك هوايه ..
وانَ عيوني علشباچك
يجيك الشوف يتخوتل واجيسك
واخذ مرادي
اموتن لچمه لچمه عليك واسم الله على لچماتي
و يجاوب .. ـ كلمات
  من ريش
  كلما تحدثيني
  تنبت لي اجنحة ،
  أصير طير ..
  وأنتِ تقولين أحبك 🙄🧡
"

ابتسمت و كعدت و اني مرتاحه .. شكد كبر بعيني و شكد اهتميت بي و اتمنيت يصيحلي ماما ولو مره و اسمعهه من عنده .. بس يالله ما صار اله بس شهر فهد ب 5 اشهر يالله كدر يتعود عليه و اسد اكيد بمرور الوقت راح يتعود ..

كمت من مكاني بكل اريحيه و نزلت اشتغلت و كملت كلشي ..

صعدت شفت خالد سابح و ديتعطرابتسمت اله .. و هو شافني و كال .. ها شو تتبسمين

.. احبك

ابتسم و اخذني لحظنه .. و انه صرت اعشكج و كل ما تهتمين بالجهال و لابويه تكبرين بعين اكثر يا اصيله صدگ لو گال ابوي هاي تربات ايدك

ابتعدت من يمه .. ايع شنو هاي ريحتك

شم نفسه .. شبيهه هستوني سبحت و عطرت

.. شنو مغير عطرك

.. لا ما مغيره هو نفسه

.. ما ادري دوخني اوي

ابتعدت من يمه و كعدت و اني احاول اسيطر عالدوخه ..

خالد .. مريم انتي ؟

رفعت عيني .. شنو شبيه

خالد .. حاسبه لنفسج ؟؟

صفنت بوجهه .. يعني شنو ه........
و رجعت سكتت
خالد .. فهمتي ؟

فركت وجهي .. اي اي فهمت صار شهر و نص بس

خالد .. مدام بعدهه دنيا كاشفه كومي نسوي تحليل

ابتسمت و هزيت راسي و كمت بدلت و طلعت هو مبدل ..

عمي .. ها يابه على خير

خالد .. لا ماكو شي بس شوي مريضه ما نتاخر و فهد نيمته و عفنا اذا كعد كعدو اسد لان متعودين

و اخذني للمختبر سحبو الدم و كعدنا ننتظر التحليل يطلع ..

صاحو الاسم كال .. ابقي كاعده هنا انه اروح اجيبه

راح و اجه وجهه يهلهل من الضحكه المرسومه على وجنته ..

.. ها شنو '