حَياةٌ في زمنِ الموتِ

"الحلقه الثالثه و العشرين"

#حياة_في_زمن_الموت

للكاتبه 💖 الجبوريه 💖

Al_jubouria

ماظن تنحمل لحظات صفناتــــــــــــــــه
اذا برموشه شايل كومـــــــــة سيوف
ياكلب اليشيل اصواب طعناتــــــــــــــه
يمكن بالبشر مــــــــــــــاشفت مخلوق
واحد بالارض يضحك بضحكاتــــــــــــــه
نغم موسيقى يضحك جنهــــــه قانون
بت هوفن تراهــــــــــــه اتصير سكتات

طلعو و عيوني تراقبهم .. شكد احبه .. الله لا يحرمني منه شلون يدافعلي بس اني اعلمه لاسد ليش يفتن مو حذرته

انداريت هو ورايه واكف .. ها اسد

اسد .. ها

.. ليش حجيت لابوك مو كتلك خطيه تعبان

اسد .. هيج خاف يصير ما يصير

ابتسمت .. تخاف عليه

اسد .. ها لا لا هاي معليهه بس انتي لان انتي حامل باخويه

ابتسمت بوجهه و حطيت ايدي على بطني ..

بديت بالدوام ..

جان خالد يوصلني الصبح مرات يلحك يجي و مرات السايق مال اسد و فهد يجي عليه ..

من ناحيه فهد كلش تعذبت علمود المدرسه و كل يوميه مستدعينا لان فهد يكتلوه و يشاغبون عليه و هذا يروح لاسد و اسد يكعد يدميهم انوب اكله ل خالد حاجيه رزله يجاوبني

.. ليش ارزله هذا اخوه و هاي حالته هم خطيه تردينه يشوف و يسمع و يسكت ..

و مر شهر ثاني و اني احس ب خالد شكد يحبني بس من جهه ثانيه تخيب فرحتي و تزول لما اشوفه شلون تارك فهد و مرات يعيط عليه و يكره عبالك مو ابوه ..

والله ينكسر كلبي .. يمكن هاي لو غيري جان ما سعت جان ذبته و عافته لان ابوه ميريده و اذا اني ما ردته راح يقضي عليه .

بس لحسن حض فهد اني الي جنت احبه و بودي اضمه بروحي تعلمت عليه و تعلقت بي هو روحي من الدنيا ..

الجامعه لبست عباة راس بالدوام .. و من بدت الجامعه زملائي بالمرحله كانو يسوون فعاليات و تعارف و من هاي السوالف و اني اعرف بلا ما اسئل الجواب حيكون ممنوع ..

اصلا مجانت تهمني جان الي يهمني هو دراستي لا غير ..

و مشت الايام بالجامعه حتى صديقات ما عندي انعزلت نهائيا و بالبيت مشاكلي ويه هند زادت ما نقصت والله احس بيهه تغار ..