Good Girls #1: Finding Rhyme

Kabanata 17

Kabanata 17

Annoyed

I heard from our friends that Eros will take the HUMSS strand. Isang linggo ang lumipas pagkatapos ng brigada at hanggang ngayon, hindi ko alam kung bakit simula nang araw na iyon ay lagi na lang ako nakakaramdam ng hindi mapangalanang saya.

Although I never heard anything about him after that news, it doesn't affect my whole of being happy. Kaya sa unang araw ko sa panibagong yugto ng buhay ko sa high school, ngiting ngiti ako habang naglalakad sa Senior High Building.

"Oy ang saya mo, ah."

Habang naglalakad sa first floor ng Senior High Department ay nakasalubong ko si Akira.

Unang araw ngayon ng pasukan at ine-expect ko na maraming maagang papasok, pero ito na at halos mag ala sais trenta ay iilan pa lang ang estudyante.

"Excited ako mag-senior high." Nakangiti kong sagot sa kaniya.

Wearing our new uniform in senior high, she looks cute.

"Mukha nga. Ang ganda ng uniform natin, 'no? Siya diyan ka na, aasikasuhin ko pa ang programme sa stage." Aniya at agad nagpaalam. Mukha rin naman kasi siyang nagmamadali at bumati lang.

Tumaas ako sa pangalawang palapag ng building dahil naroon ang room ng mga magt-take ng HUMSS. This building consists of four rooms in each floor. Apat na palapag lang ito at ang mga katabi pang building nito ay naroon ang ibang strands. Nakakalungkot lang dahil ang STEM nasa pangatlong building. Hindi naman ganoon kalayo, pero kung kailangan kong bumaba mula second floor at akyatin ang fourth floor ng third building ay paniguradong nakakapagod.

Tinignan ko ang list ng names sa pangalawang room dahil wala sa una ang aking pangalan. At sa tuwing hindi ko nakikita ang pangalan ko, kay Eros naman ang hinahanap ko. Umaasa ako na kahit siya man lang ay maging kaklase ko. Bago ang kultura sa senior high, at medyo mahirap makisama kung bago ang mga mukha, kaya kailangan ko ng kaibigan.

Napabuntong hininga ako. May magbabago kaya ngayong taon?

"Oh." Tangi kong nasabi nang makita ang pangalan ko sa dulong room nitong building.

Dapat pala ay dito na lang ako dumiretso nang hindi na ako napagod.

Hinanap ko ang pangalan ni Eros sa names ng boys at halos tumalon ang puso ko nang makita ang pangalan niya.

Tumunog ang bell na hudyat na kailangan nang pumunta sa gymnasium para simulan ang opening ceremony of this school year. Nahanap ko sa kumpulang mga tao ang mga kaibigan ko kaya mabilis akong naglakad papunta sa kanila. Hinanap ko pa si Eros sa kanila, pero wala siya.

"Late na naman iyong si Eros. Lagi na lang tuwing first day of school." Reklamo ni Augustina bago ako nginitian at sinuri na ang aking mga gamit.

"Ang sipag mo naman magdala ng gamit, Hera. First day of school pa lang." Asar niya sa akin na sinabayan pa ng iba.

Umiling na lang ako sa kanila at hindi ko man lang magawang umimik dahil abala ang mga mata ko sa paghahanap kay Eros. Pero natapos na't lahat ang programme ay wala pa rin siya.

Malungkot akong kumaway sa kanila nang dumaan kami sa unang building ng senior high department.

"Kita tayo sa canteen mamayang lunch." Sabi nila bago dumiretso sa paglalakad patungo sa kanilang building.

Umakyat ako at hindi ko na kinailangan pang makipagsiksikan sa mga humahanap ng kanilang room dahil nakita ko na kanina pa ang akin.

Umupo ako sa unahang silya at sinulyapan ang bagong mukha na nasa tabi ng bintana. She looks at my way shyly kaya nginitian ko siya. She didn't react instead she looked away.