Good Girls #1: Finding Rhyme

Kabanata 14

Kabanata 14

Anilao

"Saan kayo galing?" Salubong na tanong ni Augustina.

Nasa lounger na sila at kapwa mga nakabalot sa tuwalya.

"Sa loob lang." Sagot ko bago tumabi sa kaniya. Nasulyapan ko si Eros na umuupo na rin sa tabi ni Zeus.

Nginitian ko naman si Anjhon nang hindi naalis ang kaniyang tingin sa akin. Malungkot ang mga mata niya akong nginitian. I feel guilty for making my friend hurt because of me.

Pero wala naman ako magagawa. I can't just dictate my heart on what to do and who to like.

"Nawawala kayo bigla. Sayang at hindi ninyo nakita ang pagpapahiya ko kay Stephanie." She mocked once nowhere and faced me after.

"Nakakaawa ang mukha niya. Buti nga sa kaniya nang mapagtanto niyang umalis na."

"Umalis na sila?" Medyo gulat kong tanong.

Grabe naman ang kaibigan ko, pero dahil siguro na rin sa inis niya kay Stephanie at lagi niya pang naaalala ang nangyari, hindi niya na makontrol minsan pa ang kaniyang emosyon.

"Oo. Feeling may-ari 'yang si Augustina, eh." Singit ni Zeus kaya siya naman ang binalingan ko.

Eros is just silently listening to his loud bunch of friends beside him. Madalas naman talaga siyang walang imik kapag kasama ako, pero sa likod ng isipan ko, sinasabing tahimik siya dahil sa ibang bagay.

Ngumuso ako at nag-iwas ng tingin. Ano naman ngayon kung si Stephanie ang dahilan ng pagkaka-walang imik niya?

"Aba, masisisi mo ba ako? Kulang sa pansin lagi 'yang si Stephanie."

"Eh hindi naman ikaw 'yong hinahabol, ah. Daig mo pala naaagawan ng pagkain kung magalit." Si Anjhon natatawa.

Matalim siyang tinitigan ni Augustina at tinaas ang ring finger niya.

"Excuse me pero hindi ako nagagalit kapag inaagawan ng pagkain." Sarkastiko niyang sagot.

"Weh?" Dagdag na pang-asar ni Zeus kay Augustina kaya pare-parehas silang pinagbabatukan ni Augustina. Talo sa pamimikon ng dalawang kaibigan.

Tumabi naman sa akin si Jeanelle at inalok ako ng canned juice na iniinom niya.

Tinanggap ko ang inabot niya sa aking Tropicana pero hindi ko iyon binuksan. Bukod sa lamya ako kung magbukas, hindi naman ako nauuhaw.

Hinabol ko ng tingin ngayon si Augustina at Zeus na naghahabulan sa pool. Napangiti ako.

"Hindi mo mabuksan?" Napaangat ako ng tingin kay Anjhon na biglang sumulpot sa harap ko.

Tinignan ko ang hawak hawak kong juice at sasagot sana na hindi pa ako nauuhaw pero nang maalala ko ang usapan kanina, tumango na lang ako. I don't want him to feel like there are things that will change between us.

Tahimik niyang kinuha ang juice ko at walang kahirap-hirap na binuksan iyon. Magpapasalamat na sana ako sa kaniya kung hindi ko lang narinig ang maingay na pagbukas rin ng isang canned juice.

"Oh my, Eros!" Narinig ko ang hagalpak ni Gelou sa kabilang lounger.

Napatayo naman agad ako dahil sa gulat. The canned juice that Eros opened burst out to his face.

Nakapikit ang kaniyang isang mata habang nilalayo ang juice sa sarili. Kinuha ko iyon at inilagay sa lounger na inuupuan ko.

He opened his other eyes to see me pero hindi ko na binigyan pansin iyon. Dumiretso ako sa lounger kanina ni Zeus at kinuha ang isang puting tuwalya.