- اخبرته: وكأنك اوار حر النار
فرد بهيامه:
و انتي وجدي اشد حبي
لحنت صوتها وقالت:
وكأنك هيلدا صديقة ومعركة أثينا قديمة 💜
- اغلقت هاتفي لحبك جميلتي لأنظر لعينيك فقط واظل اتوهم حبك وانا عاشق وآله بصوت احرفك
أثينا: دايما بنسمع لحنك بس هو لمنو؟
انا: ربما احداهن تلك المبتسمة بصمود تلك القريبة ،، امام الناظرين تماما ولكنها بعيدة التفكير عنها تلك هي تماما امام رؤاي ولكنها ليست بقربي تلك هي❤...
رميت التلفون في الكرسي الجنبي وفضلت اراقب ملامحها وهي مبتسمة بإستغراب قربت لشاشة اكتر وانا بعاين ليها كأنو اول مرة اشوفها شعرها الأسود البلعب بيه الهواء عيونها الزرقاء شاماتها الفوق وتحت عيونها غمازتها الخفيفة و انفها المستقيم رموشها الدايما بتتكلم بيها بطريقة تلقائية💙...
-وكأنك يا جميلة معجزة قلبي يا أثينا 💚
.قمت استحميت وطلعت فتحت غطى المرايا يلي كان أثينتهم وميراي لي💛 كانت بتضحك❤ ابتسمت وانا بلمس في انفها ،،لبست بنطلون و قميص ابيض وجكت البدلة المسطردة لون بدلتها💗...سرحت شعري ولحيتي ونزلت امي وابوي كانوا بفطروا بست راس ابوي وامي وقعدت عاينت لي بإبتسامة وقالت بعربيها المكسر
أسيف كأنو الليلة اتأخرت في النزلة
انا:معليش يا ماما اصلو في حاجة كنت بعملها واخرتني.نكشت لي شعري وهي بتضحك بست يدها وفطرنا وانا طالع رجعت بوستهم وطلعت لقيت السواق منتظر ابتسمت ليه وقلت
خليك ح امشي لوحدي الليلة ليك اجازة💛.ابتسم لي ومشى مشيت الشركة دخلت مكتبي جات كاتي بوراي سرعة اشرت ليه بإنصراف طلعت ورجعت ومعاها قهوتي وملفات الصفقة الجديدة شلتهم منها بإبتسامة اتنهدت براحة وطلعت كملت شغل نهاية الدوام فتحت درج المكتب وطلعت علبتين وحدي كان لونها من لون شعر ميراي ووحدي من لون عيونها اخترت عيونها وشلت بطاقة كتبت
- وانتي أثينا لعرش الخلود الأبدي بقلبي المهلك❤...
طلبت كاتي وقلت
انا طلبت ورد لم يوصل تبعتيه مع العلبة دي للعنوان العليها.شالتها بإبتسامة وهزت راسها قمت ربت على كتفها و طلعت كاتي سورية عمرها 19 سنة صحت ولقت نفسها م متذكرة حاجة وانا كنت ماري جمبها على الحديقة لحظتها وجبتها سكتيرتي من اكتر من سنة طلعت على الإستوديو بتاعي نفس يلي شغالة فيه روح لحني ميراي اذاعة وبرنامج*لحن* دخلت وانا بفتش بعيوني عليها معجزتي💗 م لقيتها دخلت زهجان مكتب المدير الغيابي صحبي كانت معاه وبضحكوا و م حسوا بدخولي💔 عاينت ليها كانت مرجعة راسها لورا و شعرها مغطي نص وشها اليسار كانت كأنو القمر على الشمس قاطع تفيكري صوته وهو بقول ليها
ريو كان منظرهم غبي شديد م شفتيهم بس.وهي زادت بالضحك اتسحبت براحة وطلعت على البيت ومودي زهج دخلت لقيت امي بتشرب في شاي وبتقرا في كتاب قلت
السلام عليكم💕.وطلعت بسرعة دخلت استحميت وانا معصب لبست بجامة مريحة ونزلت السرير في الجزء التحت من الغرفة لقيت امي بتعاين لصور ميراي بإندهاش مشيت اتسطحت جات قعد جمبي ومشت على شعري ختيت راسي على رجولها بعد بست يدها قالت
احكي لي في شنو حبيبي
هزيت راسي بﻷ قالت:
خلينا نتكلم من البداية
ابتسمت وقلت:
انا أسيف فهر(بكسر الفاء)رسلان امي لوسين المانية و ابوي فهر سوداني كنا عايشين في السودان قبل 9 سنوات ورجعنا المانيا انا وحيدهم مهندس ميكنيكا ثاني افضل رجل الماني بتصميم الماكينات واصغرهم سنا عمري 28 سنة وأختي وحدة اما ميراي او أثينا او المعجزة 💜 خلوني اتكلم عنها هي ملخبطة شديد خليجي وسوداني و تركي وسويدي و لبناني وقطري بس اخر حاجة سودانية❤ حلبية او ممكن نقول لونها بينك عديل شعرها عند خصرها لونو اسود غامق اكاد اقسم انه ليل يوم قمر اعتم💕 امم اما عيونها ف حاجة تانية خالص بحر من اللجي💙 عندها شامة قريبة لحاجبها ووحدي تحت عينها اليسار وعندها غمازة كدا خفيفة بتظهر جمب شفايفها وتحتها شامة لم تضحك💗 ميراي وسيم مذيعة سودانية واشهر مذيعة في محيط المانيا واليونان ولقبوها متابعينا ب أثينا الهة الحكمة الإغريقية💕 هادئة بطريقة ملفتة و فيها نور شعاعه غريب💚 عمرها 23 سنة في سنة وحدة خلت كل اليونان والألمان يحبوها وم نجا السودان من حبه الكبير ليها💕 هي م كانت مذيعة اعلامية كانت كأنها طبيبة بدون عيادة💛 وانا قلبي م سلم من سحر طيارها بحبها من سنة من اول مرة شفتها ولمحتها طالعة من الإستديو *لحن* مع صحبتها روسيم بقميصها الأبيض وبنطلونها الجلدي بتذكر لونه كان اسود💙 وكانت رافعة شعرها بيدها وبتتكلم بحيرة صوتها كان لحنو
الحلو ورنته بتحفظوا بسرعة💕 من 9 شهور على مدار اليوم كل صباح وكل يوم كان دوام بالنسبة ليها كانت عادتي اضرب للإذاعة واتكلم عن حبي ليها وهي بدون فهم بتبتسم
امي:طيب اتكلم معاها م ح ترفضك.هزيت راسي بﻷ وقلت
هي حتى م عارفاني هل ح توافق كدا؟
-مالك الإستديو وم بتعرفك؟
-م حصل واتكلمنا
-طيب حصل شنو وخلاك زهجان وعصبي الليلة؟.شلت يدها بين يديني مشت على شعري وقلت
غرت حبتين💕.قامت وهي بتضحك باست راسي وقالت
ح ادعي ليك💛
