لا لا عليك الله م تعمل فيني كده 😢😢 انت م عندك اخوات عليك الله خليني امشي انا اسفه بس خليني امش عليك الله م تقرب مني لي انت بتعمل كده...
انا هند عمري 16 سنه عايشه في الولايات المتحدة امي اتوفت قبل سنه وعايشه مع ابوي..وفاة امي بالنسبة لي كانت صدمة وم قدرته استوعبها نهائي دخلته في حالة بتاعت اكتئاب قلق زهج وحده كان شي صعب بالنسبه لي لانو امي كانت بالنسبه لي قريبه شديد ابوي بسافر كتير بي طبيعة شغلو وامي بتقعد معاي لمن امي اتوفت ابوي بقى مطرب بالنسبه لي حالتي خصوصا انو هو بسافر وم بقدر يخليني براي وكده كنته متابعه مع دكتور نفسي عشان اقدر اتخلص من الحاله الانا عايشه فيها طبعي بقى حاد واصلا انا قليلة ادب{بصراحه} شديد كمان م بسمع الكلام ولساني طويل ولميضه 😂😂 الدكتور قال لي ابوي م يضربني ويتحملني و بحاول انو يتفاهم معاي بس عشان اعرف اعامل الناس بي اسلوب وانا من الله خلقني اتربيت في امريكا وم نزلتا السودان نهائي بسمع بيو عندي فيو خلاتي اما اعمامي اتنين واحد مستقر في فرنسا والتاني في كندا وانا م بدورهم وهم م بهضموني عشان قلة ادبي دي 😂😂 وقفته القرايه بتعتي لحدي م حالتي تتحسن م حصل شفته خلاتي واصلا م محتكه بيهم الا ود خالتي واحد متواصل معاي بالتلفون طوالي برسل لي وكده مره قلته ليو رسل لي صورتك قال لي لا خلينا كده لمن تنزلي السودان فعلا ابوي قرر ينزلني السودان عشان هو كان ماشي اليابان .. ومع ود جيرانا كريه كده اسمو ماجد متزوج لكن م عندو اولاد..موصفاتي كالاتي{ م طويلة وم قصيره جسمي مليان لكن م لدرجه سمينه شعري اسود طويل امي كانت بتقصو لي طوالي عيوني كبار عندي غمازه وحده لوني فاتح نضييف عشان الجو بتعنا بارد} ستفته شنطتي و لبسته بنطلون اسود واسبورت وردي و بلوزه ورديه و ساعه ونظارتي الشمسيه اهم شي 😂😂 و مرقنا انا وابوي عشان نمش المطار ونلاقي امجد هناك نزلنا دخلنا المطار..
امجد:ده شنو اللابسه ده¿¿ قايله نفسك ماشه وين انت ماشه السودااان ي بت.
انا:اولا مالك كمال لبسي ولي امري غايتو..
امجد:ي بت انت قليله ادب وم بتعرفي تتكلمي..
انا:خليت ليك التربيه والاحترام بعدين زاتو انا كان م مجبوره م بنزل مع خلقتك دي.
ابوي:ي هند وحمر لي..{طبعا ولا بخاف منو😂😂}
انا:كتفته يديني ولولوته خشمي وقلته ليو نعم ان شاء الله خير..
امجد:مع احترامي ليك ي عمو عبد الرحمن لكن بتك دي م مربيه بالحبه..
ابوي:معليش امسحا لي في جبيني..وي هند في السودان تلبسي كويس فاهمه وتتكلمي مع خالتك بي اسلوب م طشرتي عيني.
انا:عاينته لي ابوي وم رديت تاني ..انا بس م بحب زول يدخل فيني والبتقل ادبا معاي برد ليها.
ابوي:الدلع خربك بقيتي قليلة ادب عديل.
انا:ماف شي جديد..
ابوي:الله يهديك بس قبلي م تتصرفي فكري انت في بلد م زي هنا اعملي حسابك.
انا:اووووووف الطياره حتفوت ياخ..وي حاج م ترغي كتير م تمعطني ياخ😂😂.
ابوي:جبتي الكلمة دي من وين؟؟
انا:علمني ليها اياد..
ابوي:هو الود المانافع ده بدل يأدبك بخربك غايتو اوعك تباريو..
انا:😂😂😂 ايودي حبيبي..
امجد:دي قاهره عديل..
كسره:هي عاشت في بيئه كده صاح انها بتنتمي لي السودان بس لقت نفسها في ناس عايشين بي مبدا الحريه عشان كده صعب تنضبط وم صاح انو نحنا نسيء الظن في البنات البتلبس ضيق وكده لانو في بت لبسها شاذ بس احسن من عشره بنات لابسين عبايه اما بالنسبه للاسلوب هي فقدت امها وده شي اثر عليها لانها حساسه عشان كده بقت لئيمه..
ابوي:سكت م عرف يرد ليو..
انا:انت ي زول مالك كمالي قاهره ولا لا بعدين انت بتدخل في امور م بتخصك لي؟؟
امجد:ارح هدا نداء الطياره👊👊 و عم انا بتك من مطار الخرطوم م بعرفها.
انا:وم عاوزاك تعرفني هسي م تعرفني وهمي..
مشيت حضنتا ابوي وبقيت زي القراده😂😂 اول مره اسافر براي احي ودموعي ميه ميه😂😂..وبستو في جبينو وقته ليو حشتاااااق ليك ي اجمل اب❤❤.
ومشيت على الطياره اول م ركبته قبلي م نقلع صلحته الميكب لانو اتخرب وانا ببكي😢😢..طبعا سفره طويله وعبيطه..
اول م نزلتا المطار طبعا بقيت مصدومه جو بالله لهب يلفح مكيفات شنو المشغلنها انهرتا عديييييل وبقيت فاتحه خشمي متر😂😂😂..وطبعا الباقي خلي بالنيه.
جريت امجد..
امجد؛ي بت اختشي شنو جاراني كده وبعدين انا راجل متزوج..
انا:وشايفني بتغزل فيك👊👊..نحنا وين؟؟
امجد:في السودان.
طبعا لمن قال كده م فضل الا اركب الطياره واقول ليهم رجعوني😂😂 لمن دموعي رغرقو..وخشينا المطار.
طبعا المطار كلو بعاين لي الموظفين والناس وانا لابسه نظاراتي وم شغاله بالفارغه.
انا:امجد الناس دي لي بتعاين لي كده؟؟
امجد:فاكه لي شعرك ولابسه لي ضيق وتسأليني بتعاين ليك لي فضحتينا..
انا:يعني عشان كده ولبسي مالو فيو شنو.؟
امجد:ي بت بنطلونك ده دخلتي كيف وريني ولا شعرك عاجبك ولا البلوزه المع كمر البنطلون وعلي علي اكمامه ضيقه ومفتحه بالجنبات..
انا:ولي هم شايفين شنو م يديني بس..
