انا:والبنات ديل اهاليهم ما بسألوهم؟!
واصل:الله اعلم بطلعوو كيف.
دخلنا جوة قعدنا في طاولة بعد شوية واصل قام جاب لينا شوكلاتة😍❤ واااي مكبوبة في كاسات مبالغة معاها بسكوووت فظيع ومرشوشة بجوووزة.
واصل:اتفضلي مش بتحبيها.
انا:انا ثااااانكس بحبهااا موت من م جيت السودان م اكلتها.
واصل:انا قلتا بكوون نفسك فيها.
بقينا ناكل ونتونس ووتاني جاب كاسات فيها شوكلاتة سايلة😍😍شي مبااالغ.
انا:طبعا طعمهاااا خيالي مجنووون المابحب الشكولاتة انت عارف انها وجبة ثابتة خلال اليوم باكلها وكمان معاها الباسطة😍😍.
واصل:انت بتحبي بس الاكل😹😹.
انا:احسن لي من وجع القلب.
اثناء م باكل الشكلاتة وسخت لي خشمي.
واصل:هند قشي خشمك.
انا:خليو😹😹بعد انتهي بنتفاهم.
واصل بي يدو قشة لي خشمي وختة يدو على شفايفي وبقى بعاين لي في عيوني وقال لي عيونك حلوات انا طوالي مخي اشتغل😹😹 وقلتا هي ها الحاصل شنو هوووي ي هند طوالي زحيت ليو يدووو.
انا:شكرا...و طوالي زحيت الشكولاتة بعيد وقلتا ليو شبعتا.
واصل:بجد؟!
انا:اااي{عاد غلبني الاكل}.
واصل:طيب يالله..
انا:يالله طلعتا برة ركبتا العربية وقلبي ده بضرب ضرب مبااالغة ختيت يدي في قلبي واخدت نفسسس عمييق.
وخليت واصل بحاسب....جا طالع وشايل ليو كرتونتين باسطة وقال لي ديل عشانك.
انا:تسلم.
واصل:ولووو.
ركب العربية و دورنا بقى يسألني وانا اجاوب على قدر السؤال نعسانة ياخ لمن حصلنا البيت الساعة كانت 11:30 نزلنا خشينا دخلتا الباسطة التلاجة وخشيت الاوضة شلتا لي بجامة و غيرتا هدومي مشيت فكيت شعري عشان يتنفس ويرتاح وطلعتا نمتة...صحيت الصباح اول م افتح اشوف ليك واصل{اجي ي خواني ده كلام شنوو}فتحتا عيوني وانا لسة راقدة لقيتو بعاين لي قال لي صباح الخير.
انا:صباح النوور وقمتا واتربعتا في السرير عاينتة لي شعري لقيتو مضفر.
واصل:ضفرتو ليك انا
انا:شكرا ليك م قصرتا😍😍.
واصل جا وقعد قدامي وختى يدو في خدي وقال لي هند انتي قمر وانتي نايمة...انا بقيت بعاين ليو نظرة استغراب؟!و تساؤل.
انا:ههههه شكرا ونزلتا من السرير على طووول دخلتا الحمام استحميت واتسوكت وطلعتة شربت لي عصير و قعدتا احضر في التلفزون.بقيت اقلب في القنوات شمال و يمين...خشيت المطبخ.
انا:واصل عاوز حليب؟!
واصل:اي.
انا:بتشربو بارد ولا اسخنو.
واصل:بارد..وما اسمو حليب اسمو لبن😑✌
انا ههه طيب...كبيت اللبن لي ولي واصل و طلعتا الباسطة و خشيت الاوضة لقيت المسجل شغااال وصوتو عالي.
انا:واصل وطي الصوت.
واصل:لا
انا:واصل ده ازعاج عام.
واصل:لا يعني لا.
فتحتا الباسطة وبقيت اشرب م اشتغلتا بيو كتير🌚🌚
قعدنا شربنا اللبن قمتا من محلي عايزة امشي المطبخ واصل مسكني اتلفت عاينت ليو وعاينت لي يدي وانتو عارفين سلفا اني بكره الحركة دي.
واصل:يالله نرقص.
انا:لالا م عاوزة شكرا.
واصل:ي زووولة تاني م بتصح ليك فرصة ترقصي مع واصل😌😌نفسوو.
انا:م بعرف😑.
واصل:مالو اتعلمي لو جاك عريس م تشرطي عينا.
انا:ههههههه.
جراني عليو وقال لي كده م ينفع انتي قصيرة زيادة عن اللزوم طولي حبة رفعني{عاد زي الام الشافعا لمن يشابي فيها مش بترفعو عشان تختو في رجلينا بس ده واصل لاقيني خفيفة ومسكينة حاقر بي}وختة رجليني فوق رجلينو ويدو في وسطي عشان ما اقع وانا في لحظات بتاعت دهشة وريحة عطرو تجيب العشرااقة من شدة م قوية بقى لافي بي خلال الاوضة وده كلو انا م واعية بعد وعيت اتحركتا وكنتا حأقع سبتني عليو شديد حسيت اثر يدو بكون انطبع في خصري و دنقر فيني شديد لمن انفاسنا اختلطت مع بعض.
واصل:اهدي شوية☺☺م حصل شي...
يالله جملتو دي خلتني اطوطح😹😹 عدييييل كأنو بقول لي م عندي ليك شي باللفة لكن...بعد كده واصل جملتو.
واصل:لي النهاية نحنا طريقنا مختلف ولا شنو؟!
انا:اي بعد كده وقف وانا ختيت رجليني في الموكيت و فكا لي يدي وزحّ يدو من وسطي.
انا عملتا خلف خلاف وطلعتا من الاوضة وانا م شايفة جنس احراااااجات 😹😹 كان يخلينا كده شنو جملتو التسد البدن😤😤...بقيت براي اقول واصل ده مالو بمغرزني بلين ولا شنو كل م نكون برانا يجيب سيرتا كأنو بقول لي م تفهميني غلط...دقت لي مشكات قعدنا اتونسنا بالساعااات❤❤...و واصل كان شغال.
مشكات:جاية بتين؟!
انا:والله م عارفة اموري م وضحت.
مشكات:هوووي ها بعد كده م ينفعش بجيك.
انا:تعاااالي ازريني في مصيبتي..
مشكات:ههههههه حاضر من عيوني ديل.
انا:تسلم لي عيونك يالله بعد كده لازم اقفل...قفلتا الخط و سرحتا.
واصل:هي الشاغل بالك يتهنى بي.
انا:ماف زول شاغل بالي بس شردتا شووية خلصتا شغل.
واصل:اااااي.
انا:كويس والله.
واصل:اها مشكوتة قالت ليك شنو؟!
انا:ي سلام من بتييييين بقت مشكووووتة.
واصل:من لمن اسمهااا دمرني دماااااار.
انا:رمههة بوري لين.
واصل:الشرع قاااال اربعة😌😌.
انا:اربعة في عينكككك قال اربعة😑😒 واحدة دي مالة عيبا لي!!.
واصل:ما فيها عيب والله كسارة وقرضة و وناسة و ظريفة و سنفورة...
يتبعع...
