ي ريت كل الناس تكون زي اياد و ياريت الناس م تحكم على الغلاف بس وم تعاينو للبنات بي جانب واحد..كم من محتشمه وهي ليست كذلك وكم من شاذه وهي ليست كذلك..الشواز م في الهدوم في التحرر زاتو..
خالتو:اي وريها ي اياد.
انا:م بخصككككككككككككككك..
اياد قرصني في يدي وحمر لي😂😂.
انا:اسفه ي احلى خاله وعلى عيني وراسي وربي❤ واسفه على تصرفي الجبيل عملتو وبستها في جبينها و دخلته غرفتي.
خالتو:بتمنى ي اياد انك تغيرها حبه حبه هي بتريدك شديد وبتسمع كلامك..
اياد:حاضر ي امي هي زاتا هند رزينه بس عندها شويه سلبيات وحترجع لي امريكا بي هيئه تانيه❤❤.
خشيت نمته نووووم م صحيت الا الصباح وكان في حركه في البيت سامعه صوت اياد وصوت خالتي وكان في زول تالت معاهم..طوالي خشيت غسلته وشي وتسوكته ومرقته...قته ليهم هاي كان اياد و الولد المعاو فاتحين لابتوب الود قال لي هلا..طبعا وبقى بعاين لي من فوق لي تحت بي الرداء حقي داك😂👊.
اياد:هند خشي جوه😡😡.
ولاحظ للولد بقى مركز معاي قال ليو ي ايمن انا هنا بتكلم معاك..
انا:لي اخش¿؟
اياد:قته ليك خشي..طوالي جري على الاوضه وبهناك ايمن بقى كل شويه يتاوق اتجاه غرفتي ويعاين اياد لاحظ ليو..
اياد:ي ايمن خلاص امش نتلاقى في الجامعه ونتم الموضوع حقنا..
ايمن:خلاص كويس..وفات.
هناك في الجامعه..م شفتو ي شباب والله اياد عندو بت اهلووو فايته القرض بي درجتين عدييييييييل..واحد اسمو خالد..
خالد:كيف؟؟
ايمن:شكلها زاتا م عايشه هنا ياخ جات مارقه بي ردا قصير وبلوزه خليها ساي وفيها قوام اسكت اسكت ولا الشعر بتقعد فيو ياخ انا امس م نمتا كل م اغمض بتخيل صورتا وهي بتقول هاي..
خالد:ي زول جبتا لينا سمعه من بتين نحنا بننبرش نحنا بنبرش بس.
اواب:انا قبلي م اشوفا ادردقتا😂😂 خلينا من ده لونا كيف ده الشي الوحيد الماوصفتو؟؟
ايمن:بيضااااا عديل التقول اجنبيه م من هنا ياخ انا قربتا امسك رجلا وهي خاشه اوضتا💔💔.
خالد:وم عرفتا بتبقى ليو شنو؟؟
ايمن:لالا هو زاتو خارجني و اختصرني👊👊.
خالد:م يكون في شي بيناتهم..
اواب:وانا اقول هو لاصق في البيت مالو👊.
ايمن:ي خالد شايفك بارد مالك قال.
خالد:انا والله م قاعد انبرش لي في بت..جات بت اسمها رهف.
رهف:م انت اقرض ولد في الجامعه كان انبرشتا تبقى مشكله ياخ شلتنا دي فيها اقرض اولاد في الجامعه..
اواب:احم احم م تكبري لي راسي..
رهف:اصلا اي زول بجي بتمنى انو يكون من شلتنا دي .
خالد:اي اي.
ايمن:اها م حتتخذ اجراءات تجاها.
خالد:م عندي ليها حاجه.
رهف:غريبه انت مسجل رقم قياسي في البنات 😂😂.
ايمن:اي ده فات الحدود م خلى لي بت حايمه من كل كليات وم بربط الا مع الجكس النضيف😂😂.
اواب:ده موسوعه في الفشل المشكله مدي امي فكره انو الود الرزين وشغاله لي خالد بغض البصر😂😂.
خالد:لازم ي صاحبنا الوش ده هنا بس نحنا ناس شفاتا.
رهف:ي خالد شايفاك مستكين ليك اسبوعين م ربطا شكلو عندك هدف منو دي؟؟
خالد:والله داير اقفل القائمة 500 بت فضل واحده بس.
رهف:البرالمه نزولو ليهم اسبوعين ماف وحده عجبتك؟؟
خالد:اي في وحده قرض اسمها اريج قبلي م ادردقا بدت تدردق😂😂.
لين:والله انا بت م برضى البتعملو في البنات ده يعني من م دخلتا ربطة مع500 بالغتا.
ايمن:ونسيتي انتي العاملة في اولاد الجامعه م تخليني افضحك😂😂.
لين:لالا اتلميت استكين ي قلبي.
اواب:وانا م قلب زول😂😂.
ميسم:شلتنا دي فاسده افسد شلة في الجامعة.
رهف:لالا غلطي قصدك اقرض شله في الجامعه النصيحه كلنا سمحين وطبيين😂😂.
ميسم:نحنا اللمانه شنو؟؟
اواب:اصلا نحنا وناس خالد دفعه جيتو انتو قررنا نفردكم عشان نكون اقرض شله❤❤.
ميسم:يعني دي خطتكم انا قايلاكم فردنا بجد👊👊.
خالد:شله مثاليه من 10 اشخاص من سته اولاد واربعه بنات وغير كده شرط😂😂.
ميسم:وين اياد و راشد و معز ؟؟
خالد:م عارف والله👊👊.
رهف:هداك اياد لكن مالو؟؟
خالد:اهلين ي حبيب❤.
اياد:خالد اخطاني وي ايمن دي شنو حركاتك دي.
ايمن:كدي استكين اي حركات.
اياد:بتاعين لي اختي كده مالك.
ايمن:ويعني؟؟
اياد:انت لو بتاعين ساي م كويس نظراتك دي م داله على خير👊👊 وقسما عظما تقرب منها الا اقتلك.
ايمن:عاوز تسوي شنو لو قربتا..
خالد:حتتشاكلو عشان بت كدي اهدو..
اياد:انا عارفكم وسخين كلكم لكن والله العظيم تقرب منها الا انتهي منك..
ايمن:هسي داير تقنعني انها قاعده معاك كده وانها اختك ماف ولا شرارة علاقه ولا الحاصل اكبر من شرارة؟¿
اياد:انت عشان واحد وسخ مفكرني زيك لكن انا حذرتك بس.
رهف؛اهدى ي اياد هو اصلا حيلاقيها وين والله م يقرب عليها على ضمانتي..
ميسم:اي روق..بعدين بس بكون اعجب بيها ماف شي حيحصل..
اياد:انا عارف وانتي عارفه القاعدين يعملو في البنات..
ايمن:قاعدين نعمل فيهم شنو هم بجونا لحدي عندنا لا غصبنا بت ولا خطفنها الوحده بتجي بي رجليها..
اياد:بس انا حذرتك...وفات خلاهم.
ميسم:ي ايمن اخطى البت..
ايمن:والله انا م خاتيها في راسي زاتو..عاينته ليها بس.
