انا:ماف حاجة اسمها واصل حق منو صلحي المصطلح بتاعك اسمها واصل داير يكون مع منو لانو زول م خاتم عشان تقولي حق منو.
واصل:بقى يعاين لي ساي.
انا:جعتا ي جماعة خلينا نتغداء هنا ولا رايك شنو ي واصل.
واصل:م عندي مشكلة تقول بتعرفي تطبخي😏😏.
{انتو م ملاحظيين انو هم من جبيل بطعنو فيني بالكلام اصلا واصل عارفة تعاملو معاي زفت}.
لين:{طبعا صحبتنا دي استغلت الحتة دي} وااي م بتعرفي تطبخي بالغتي الشاغلك شنو انا خريجة الصيدلة دي اتعلمتا الطباخة انتي الخليتي دراستك م اتعلمتيها بعدين انا بعرف كل الاصناف البحبها واصل عشان اطبخها ليو.
طبعا الجملة دي خلتني احمر لي واصل من شدة الغضب الكان علي يعني هو وراها انو انا خليت دراستي.. ورجعتا تاني عاينتة ليها وابتسمتا ابتسامة عريضة.
انا:عشان انا بت ملياردير الوراي و القدامي بطبخو لي ف شفتا انو الموضوع م ضروري بعدين انا زاتي راجل بحب لي كرشو و جايبني طباخة م لازمني😏..
{طبعا ردي ده كان بمثابة صفعة قووية ليهم الاتنين}
الجرسون جا خت لينا الاكل في الطاولة...
انا:دنقرتا في صحني بقيت ي الله ابلع اللقمة من العبرة الماسكة حلقي اول مرة يحسسني اني ناقصة او هو افضل مني بعدين صيدلتا القاريها دي لو ختوني واقسم افضل منهاا...واعاين في الداخل والمارق المارق و الداخل..بعد انتهينا جا شال الصحانة و خشيت الحمام اغسل يديني جات وراي وطلعت قبليني لمن جيت لقيتا قاعدة جنب واصل☺☺.
واصل:اقعدي مالك واقفة😏😏.
انا:جريت الكرسي الكانت قاعدة فيو و قعدتا.
لين:اسفة لكن كان لازم اي زول يقعد في محلو الصحيح
واصل:اصلا كلها كم يوم واطلقها.
انا:
واصل:فات جاب لينا تلاتة ايسكريم وقعد..
لين:دايرة اقول ليك حاجة لكن م تزعلي.
انا:اتفضلي..
لين:انا م كنتة قايلاك بسماحة دي😏😏 بعدين لمن عرفتا انك مريضة نفسيا.
انا الكلام ده وقع فيني زي الصااااقعة م قدرتا استوعب مرضي النفسي ده بس عارفين بيو الاسرة و صحبتي مشكات.
لين:وانك بتتوحشي لمن تغضبي وبتعملي اي شي قلتا لي واصل بس يعقد وكنتا خايفة تحصل ليو حاجة او تأزيو و كده لكن طلعتي مجنونة عاقلة😏😏.
واصل:هسي الكلام ده م كان في ليو داعي ي لين.
انا:ههههههه حلوة مجنونة عاقلة دي انت وحدة فهمك سطحي☺☺و بالنسبة لي صيدلتك الفرحانة بيها دي اتلقي قاريها خاص من شكلك ده وبعدين لو ختوني انا و البروف بتاعكم زاتو بكون احسن منو والمابعرفك بجهلك و مجنونة وما مجنونة ده شي خاص فيني☺☺يعني م دخلك وبياع البطاطس ده شيلي م لازمني و قمتا من محلي وطلعتة.
واصل:هند هند
انا:اشرتة لي امجاد وقفت لي.
واصل مسك يدي لزيتو و ركبتا وانا من الغضب كان ممكن اكسر المطعم واوريها انو انا فعلا مجنونة اول مرة زول يعيرني بمرضي مع انو هناك في امريكا شي عااادي جدا واي زول عندو طبيب نفسي ف الموضوع بالنسبة لي كان عادي اول مرة انجرح من حتت مرضي ده.
{كسرة بين اقواس}:
المرض ده عمرو م كان عيب☺✋ نحنا في السودان بنعير الناس حتى بالعيووب الخلقية زي شوف الاحوص ده امشي ي اعرج عاين ليو منقولي☺وده الشي الخلانا لي يوم الليلة في نقطة الصفر لانو فهمنا للحاجات في منتهى السطحية الحوص عيب¿ العرج عيب؟ المنقلة عيب!!ده شي جا من الله كده نحنا م نجرح ونجدع الناس بالكلام و فكرنا وفهمنا ده لو م اتغير حنقعد كده ليوووم يبعثون☺☺.
رجعتا العمارة خشيت لقيت رميساء نازلة شكلها ماشة بقالة ولا حاجة..
رميساء:ازيوووو..
انا:اهلا والله.
رميساء:خبراتك وامورك.
انا:الحمد لله وانت؟
رميساء:الحمد لله انا ماشة البقالة دي اتناول لي بنانبريز اقيفي نجي نطلع سوا.
انا:حااضر...رجيتا لمن جات.
رميساء:تطلعي معاي شقتي قاعدة براي طلال زاتو ماف.
انا:طيب م عندي مشكلة...طلعتة معاها و قفلتة تلفوني قعدنا نتوووونس لمن عاينتة لساعة لقيتا8:30 فتحتا تلفوني لقيت50مكالمة من واصل المكالمة51 رديت.
واصل:وينك انتي...انتي كويسة؟!..قاعدة وين بجيك هسي.
انا:لا ماف داعي وقفلتا الخط...الزمن فات بعد كده استأذن.
ميساء:حرام خليك يعني هسي انا اقعد براي.
انا:المرة الجاية عندي سلامات.
ميساء:طيب تصبحي على خير.
انا:وانت من اهلو ونزلتا الطابق التالت..ضربتا الجرس فتح لي واصل خشبت لقيت لين قاعدة.
واصل:لين عايزة تعتذر ليك نحنا من جبيل بنفتش ليك.
انا:عاين انا تعبانة لا فاضية ليك اولا ولا فاضية ليها ثانيا و احسن المخلوقة دي تبعد مني والا وقسما عظما اجيب اخرها رفع القلم عن ثلاث😏😏.
واصل:هي م كان قصدها.
انا:☺☺ زح من قدامي..وجدعتا في الجزلان..انا اسفة م كان قصدي خشيت الاوضة ملصتا الفستان و بديت اغير🐸 لبستا لي جلباب ورقدتا نمتا...صحيت الصباح الساعة 7خشيت استحميت وطلعتا من الحمام فتحتا شنطتي شلتا لي فستان لونو اوف وايد لبستو شعري ده بس ضفرتو جبتو بي قدام وشبط اوف وايد اسورة وساعة وخاتم واتمكيجتا مكياج ناعم.
انا:واصل قوم.
واصل:لي في شنو؟!
انا:عاوزاك توديني المطار.
واصل:شنو لي ماشة المطار..
يتبعع...
