واصل:هسي م المفروض تلبسي توب؟!
انا:انت شايفني راسمة اسر الحنة زاتو راح لو لبستا توب يقولو علي شنو احسن لي العباية.
واصل:وما كان تمشي ترسمي.
انا:م بعرف لي رسامة ولا كوفير بعدين ده ضياع زمن ساي رسم شنو وكلام شنو.
واصل:راحتك...وحضرتو اتمسح حنتو تبرق برق.
انا:هسي في داعي للحنة بتاعتك دي.
واصل:ي زووولة م عندك شغلة اطلعي منها.
انا:طلعتا يالله.
واصل:شعرك ده ماشة بيو كده.
انا:م عندي ولا طرحة عشان كده استكين وبعدين مش راكبة عربية.
واصل:زكريني تمشي طوالي تشتري طرح الكلام ده م ينفع😒😒.
انا:خير ارح.
واصل:طيب.
ومرقنا من البيت كان همي كلو اصل ناس خالتي واضرب لي ابوي خلاص زهجتا م بقعد في البلد دي اكتر من كده
بعد نص ساعة وصلنا نزلنا...وطلعنا ليهم فوق.
وصال:هندووووية واااي واقسم شوووق دفين خلاص❤.
انا:بالاكتر ي قلب وحااات الله انا زاتي فقدتك.
خ فيحاء:منوووووورة ي العروس.
انا:ههه بنورك والله.
خ مصطفى:كيفك ان شاء الله بخير.
انا:بخيييير الحمد لله.
خ مصطفى:منوووورنا.
انا:نووورك العاكس.
واصل:😒😒 انا م بسلمو علي م علينا.
خ مصطفى:كيفك ي ولد.
واصل:بعد شنو بعد كلكم سلمتو على هند
انا:م تبطل حركات الشفع دي😹😹.
واصل:م ببطلها انتي جربتي زول يسفهك م علينا ودخلنا قعدنا...بقينا نتونس كلنا مع بعض بعد شوية خالتو ختت الفطور فطرنا معاها.
خ فيحاء:الكلام ده م ينفع تمشي ترسمي انت عروس.
انا:لا م عروس ولا شي والرسم ده ضياع زمن.
وصال:واااااي حنمشي الكوفير😍.
انا:انت م سامعاني قلتة شنو بلا كوفير معاك😹😹.
وصال:ماما مرقتا بالحمام الكتير كل دقيقتين تخش تستحما.
انا:اطلعي منها😒✋.
وصال:واصل خربك خلاص بلماضة.
انا:تقولي شنو وكويس انت عارفة انو اخووك لميض😏
واصل:منو لميض.
انا:ولا زول انسو واي دقو لي اياد مشتاقة ليو عديل الرمة.
وصال:انا زاتي مشتاقة ليو واقسم.
خالتو:ي الخيبانات وحدة متزوجة والتانية مخطوبة انعدلن😹😹.
انا:خالتو يووووخ والله اياد ده بالنسبة لي اب واخ واخت وام حتى😍وصديق وكل شييي.
واصل:بالله عليك😏.
انا:جد والله.
وبعد كده بقينا نتلكم عن العلاقات واساس العلاقات وكده
انا:قبلي اي شي ماف علاقة بتنبني بدون تفاهم.
واصل:بتنبني عادي.
انا:هي بتنبني لكن بكون في فراغ وجفا بين الطرفين اهم شي يكونو بفهمو على بعض بدون م واحد يتكلم هسي انا مثلا بحس بأياد لمن يكون مضايق زعلان وهو العكس برضو بحس بي لو حصل اي شي ومن اول نظرة بعرف انا مالي.
وصال:اصلا اياد ده كده زول حنون متفهم.
انا:فعلا والله الله يدي بت الحلال البتسعدو بعدين انا اياد ده لمن يجي يتزوج قبلي الزواج بشهر اتعرف على العروس واشوف اذا بتناسبو ولا لا؟! دايرين وحدة تسعدو.
واصل:ي بخت اياد بيكم.
وصال:لازم اقل شي تعملي عشانو❤.
وبقينا نتونس وكده برضو في العلاقات:
انا:النقاش ده ماف زول بتحداني فيو.
واصل:بالله عليك بتعرفي شنو بضبط كده.
انا:زي م قلتا جبيل في علاقة اساسها التفاهم ودي ممكن يدخل فيها الحب والاحترام والتقدير والمودة و المحبة والعاطفة اكتر من اي شي.
واصل:زي علاقتك بأياد ممكن يحصل فيها الكلام ده؟
انا:{طنشتة وعملتة م سمعتة}وفي علاقة اساسها الاحترام دي بتكون ناشفة حبتين وجدية وعلاقة اساسها الحب ودي بتجيب المشاكل وانا شايفة انو لازم يكون في تفاهم ويحصل الحب.
وصال:اشي اشي😍خطييييييييييرة عديييييييل.
انا:ي بتنا نحنا ناس كبار😂😂 انا نعستة ماشة انوم قمتا خشيت المطبخ شربتا لي موية و اثناء م انا ماشة على غرفة وصال.
وصال:على ويييين!!
انا:اجي كيف على وين ماشة انوم.
وصال:عارفاك عاوزه تنومي لكن امشي غرفة راجلك راس😹 تاني ماف قعدة ليك معاي.
انا:شووووفوها المعفنة م علينا تمام م عندك مشكلة خشيت غرفة واصل كان ديكوها كلو لبني هااادي مخلوط بأبيض مشيت يمين شمال شمال يمين كانت ظريفة و مرتبة رقدتا غلبني انوم جات وصال تاني قعدنا اتونسنا كدا لحدي الساعة5 جات تلفوني ضرب.
واااي نسيت.
وصال:شنو.
انا:وهج قالت جاية ونحنا م عملنا غدا
وصال:دقيقة النوري امي ومرقت بدون م تسألني وهج دي منو.وصفتة لي وهج البيت لمن جات كانت الساعة 5:30 الجرس دقة لبستا عبايتي بس ومشيت فتحتا الباب
انا:اهلين نورتونا{طلعت جايبة معاها ابوها وامها وعمها واخوها قربتا انشلا ونحنا غداء م عاملين وهي م قالت لي انها عزمت خلق الله}.
وهج:بنووورك والله..بابا دي هند البت الحكيت ليك عنها.
ابوها:عاد ي بتي م عارف اقول ليك شنو بجد شكرا ليك
انا:ولا يهمك ي عمو ده الواجب عملتو...اتفضلو ولا حتقيفو كده ضيفتهم في البرندة..
وصال:سجمناااااااااااااا واي واي دقي لي ابوي يجيب اكل جاهز زولتك دي دمها تقيل كان تورينا.
انا:زاتي افتكرتها تجي براها او معاها زول م تخم لينا خلق الله😹😹...دقيت لي خ مصطفى وفهمتو الوضع و قال خير..
وصال:صحي واصل.
انا:بري بري.
وصال:والولد يقعد براو انا بجهز العصير🐸.
انا:واصل بسخنا من يوم شافها شاميها...
يتبعع...
