اياد كل يوم يقول لي عرسك مكلفت وانا رسمو لي داك ي الرسم اما الحنة عملتها صغيرونة وبس الاسرة و الاصحاب اما واصل حنتو رابة رب ولابس ديك ي الجلابية والحنة دي ترقش رقش وفيها كترت ناس مسخ علي حنتي زاتو{حضرتها باللابتوب}...يوم الخميس الصباح كان في بوري تقيل خالتو ابتسام طلعت و طلع معاها اياد.
اياد:في شنو ي جماعة؟!خير ان شاء الله..
في واحد قال ليهم دايرين العروس.
اياد:عروس شنو؟!...
قالو ليو رسلنا سيد واصل وقال م نقول اي حاجة الا تطلع العروس ...
وكان الحي كلو طلع بتفرج على الناس القالو عاوزين العروس جات خالتو قالت لي اللبسي توب لبست لي توب و كمكمتا وشي و طلعتا ليهم برة...جا علي راجل وقال لي مبروك مقدما
انا:الله يبارك فيك..مدا لي مفتاحين وبقو ماشين.
انا:لو سمحتا م فاهمة شي.
اياد:ولواري دي خالنها هنا لي...التاني قال لي مبروك ي عروس واصل قال ليك دي الشيلة ي رب تعجبك و نزلو الستارة الكانت في للورين..معلقة فيهم صورتي و مكتوب عليهم مبروووك عليك ي هند{الناس دي بالكوم و الردوم} مديت لاياد المفاتيح فات فتح الباب البي ورا حق اللوري وختة يدينو في راسو فات فتح التاني.
اياد:واصل ده مختل عقليا...مشيت اتجاه اللواري لقيت واحد مليان هدووم لحلقو بناطلين طونكات بلاوز تياب و التاني شباشب جزم اسبورتا شباطة...وراسي ده بقى كبييير لمن غلط بعاين في الكمية العجيبة دي لو عشتا قرن م اظن االبسهم كلهم..
خالتو:واصل بالغ عديييل م كده بجيب العين فتحو البوابة الكبيرة دخلو اللورين البيت...ودخلوني جوة..انا م عارفة نفسي زعلانة ولا فرحانة ولا الحكاية شنو؟!
اتصلت على واصل تلفونو مغلق..
اياد:اذا الشيلة كده العرس كيف.
انا:واصل ده م نصيح عديييل بالغ م بطريقة دي..
اما العرس كان مبهم زول عارف ولا تفصيل عنو ماااف واصل م ورا اي زول حاجة لحدي م جا يوم العرس الصباح مشيت الكوفير...كان في عروسة قدامي جهزوها واتعرفتا عليها وكده..لمن انتهو منها كانت الساعة2 اما انا لبسوني و سرحو لي ومكيجوني فستاني كان فاري مبالغة ومركبين لي طوق حق زهور وفيو الطرحة يدين الفستان حدها ضراعي و لبسوني جويناتات راقيات تبع الفستان{بناء على طلب من واصل}لمن انتهو مني كانت الساعة4:30 جا اياد و واصل داخلين.
اياد باسني في جبيني وقال لي الف الف الف مبروووك ي احلى اخت في الدنيا ان شاء الله تتهني.
واصل:الف مبرووووكك لينا ي رب❤.
انا:الله يبارك فيك وكان لابس بدلة اسود في اسود شي مبالغ و حالق ورابط شعرو بورا{خليتو يوعدني م يقصو} شي نفسيات عديل و الحنة فيو مبالغة برضو باسني في جبيني.
اياد:فضل اللمسات الاخيرة.
واصل:شنو؟!
اياد طلع من جيب البدلة حقتو حوووابس❤{دبل} واصل لبسني الدبلة وانا لبستو وشكرنا اياد طلعنا ركبنا انا و واصل ورا واياد هو الكان سايقنا{واياد زاتو ما شاء الله لابس بدلة بنية تاكل منو حتة}لمن وصلنا الساعة كانت خمسة وما كنت شايفة شي بس في ممر دخلنا بيو انا و واصل..
الفنانة:قولو ما شاء الله...الناس دي لمن قالت ما شاء الله انا لمن قلبي وقع من قوة الصوت..خلتهم يكرروها تلاتة مرات بعد كده من الممر كان في سلم واصل غمض لي عيوني وطعنا سوى وكانت الدهشة كمية هاااايلة من الناس الدعووة كانت عاامة تلاتة ميادين مع بعض دي الحتة الفيها العرس والباصات دي واقفة اكتر من 200 بص و الدعوه بالمساجد والمكرفوون وكل بصين مسؤولين من حي يجيب الناس العاوزين يجووو شي كلمة خرافي عليووو شوية...لمن طلعنا المسرح الصفافير دي خليها ساي واصل طوالي ضماني كأنو بدسني من عيون الناس وشغلو لينا اغاني اجنبية كانت في غنية تركية اسمها سيلدافا سيلدافا انا م كنت فاهمه معنى الغنية بس واصل شكلو بتكلم تركي{ليو حق بشبهم} ومكبرات الصوت تقريبا 10مكبرات من الحجم الكبيير..بعد انتهت غنية سيلدافا اشتغلت غنية صدفة وكنتا لابسة شي زي السماعة بتاعت الاعلاميين لانو انا حافظاها و واصل كمان لابس زيها...اشتغلت غنية صدفة..
كان لقائنا احلى صدفة***لاني جنبك كنت عارفة.
انك انت جيت حياتي*****انت جيت حياتي تملى كل سنيني فرحة☆☆☆ربنا يخليك لقلبي تبقى طول العمر جنبي....كل ما اسمع حاجة عنك بعرف اني اخترت صح...
انا:واصل سيبني شنو حاضني كده م شايف الهول و الكم الهائل من الناس ده.
واصل:م عندي بيهم شغلة بعدين انا حاضن مرتي..
انا الخجل قاتلني غنينا وهو حاضني وبنرقص مع بعض بعد كده واصل شال المايك وبدا يتكلم.
واصل:بشكركم انكم جيتو تكملو معاي فرحتي و تباركو لي زواجي من اجمل انسانة في حياتي والعقبال للعزابة الاولاد ديل لمن صرخو حسيت انو طبلة الاذن اتقدت واصل انا عشانكم جايب تلاتة مبدعيين عشان الجو يحلى اولا سمعتو لندى القلعة وقطعنا ليكم نحنا بأغاني عربية عشان هند دي م بتفهم الفن حقنا لكن م تخافو حأخربها ليكم رسمي😹😹لمن قال كده الصفافير دي م تديك الدرب والنساوين ديكك ي الزغاريت...
يتبعع
