اواب بقى يعاين لي ساي من فوق لي تحت وانا مطنشة عاملة نفسي م شايفة واصلا م عاوزة احتك معاهم زي م نمارق حذرتي اني اطنش ديل ناس مضادة...بعد شوية اياد جا و وداني البيت..خشيت البيت سلمتة على خالتو.
خالتو:اها اول يوم كان كيف؟؟
انا:اسكتي ساي انا منهارة..
خالتو:اخت ليك تاكلي؟؟
انا:لالا عاوزه انوووووم بس..وخشيت اوضي شغلته المكيف ورقدته في السرير طوالي نمته م صحيت الا الساعة6..اول م صحيت خشيت استحميت شلته هدومي الوسخانة ديك دخلتهم الغسالة..وحيلي ي حليلي ميت من الحوامة الانا حمتها..
مرقدته خالتو ختت لي اكلته وشربته لي كباية عصير و جا اياد..
اياد:اها ي مزة..
انا:لا مزة لا حاجتين الله يقتلك انا فترانه تاني م ماشة 😭😭..
اياد:م بتعرفي شي اسمو المثابرة والاجتهاد؟؟
انا:انعل ابو الاجتهاد اجتهد عشان شي م حاستفيد منو ي زول اخطاني..
اياد:اخسسسس وين الخوة..
انا:ي ولدنا انا م بعرف الخوة سيبني😂😂 انا انهرته عديل كده..
اياد:بتتعودي ابردي..
انا:م ماشة عشان اتعود خليني👊👊..
اياد:قومي ارح اوريك المخطط بتاع المشروع وتوريني النقاط حقت محاضرة الليلة..
انا:ارح..فعلا مشينا بقينا شغالين في اللاب و ورق الهندسة..
اياد:م هدي ممتازة بتستهبلي مالك؟؟
انا:م بستهبل لكن جد انتهيت انا الليلة..
اياد:بتتعودي..فتحتة جوالي دخلته الواتس اب دردشتة مع الشلة كده..وكنته بفكر اوري اياد ولا م اوريو بالحصل الليلة ومخي يودي ويجيب ي ربي كانو بتهامسو بقولو في شنو و ناويين على الشنو..بقيت اقول اللهم اجعلو خير..الله يجيب العواقب سليمة👊👊..وبقيت على اني م اوريو واصلا كده كده م حيقدرو يعملو لي حاجه واحل مشاكلي براي ولو استعصت بكلم اياد..ونمته على كدة تاني يوم صحيت الصباح خشيت استحميت لقيت الهدوم الغسلتهم امس خالتو كوتهم لي❤..دخلتهم الدولاب و مرقتة شربته العصير{م بشرب شاي نهائي بي الصباح} و خشيت عشان اللبس بقيت محتارة اللبس شنو وشغالة افكر بقيت على اللون الكحلي بالابيض بنطلوني الكحلي و عندي بلوزه مسطرة كحلي بي ابيض فيها ورده بيضة لبسته ساعة بيضاء و شبط ابيض وحلق ابيض و ركبته في شعري ورده بيضا وخليتو فاكي وطلعته لقيت اياد برضو لابس كحلي في كحلي❤..اول م دخلنا الجامعة لاقتنا ميسم سلمت على اياد و حضنتني لكن اصلي م ارتحتة ليها نهائي..
ميسم:صباح الخير بنوته..
انا:صباح النور..
ميسم:انا ميسم..
انا:اتشرفنا ي ميسم..
ميسم:ي اياد بتبقى ليك شنو؟؟
اياد:دي اختي حبيبتي وبت خالتي..
ميسم:ايواه..مالك دمك بارد ولا مفترية؟¿
انا:رفعته عيني وعاينته ليها قته ليها الاتنين😏.
اياد:بطلي مساخه ي هند ي ميسم معليش بس هي قافلة معاها من الصباح وم بتخش في الناس سريع..
انا:وانت لي بتبرر👊👊..
اياد:قته بطلي مساخه وامشي القاعة بتعتك👊..
ميسم:رلاكس ي بنوت شكلك سامعة عني فكرة غلط ولا م بعرفك مالك معاي لكن على العموم مع الايام بتعرفيني وبتعرف عليك😊..
انا:اياد مش نحنا ماشين الكلية..
اياد؛يب يب..
انا:وطيب مالك شابكني امشي انت في طب وانا م عارفه👊👊..تمشي معانا ي ميسم؟؟
ميسم:لا اعذريني اسفه يالله See you وفاتت..
اياد :ي بت مالك معاها كده..
انا:م هضمتها..
اياد:غليظه شديد لقيتك..
انا:من زوقك.
ومشيت على القاعة بتعتي خليت اياد واقف بعاين لي و شغال دي مالا من الصباح؟؟
بهناك ميسم مع باقي الشلهة..
ميسم:واي لكن غليظه ودمها بارد ومفترية..
لين:ابردي نحنا بنجيها ليك..
معز:وانتو لا بتعرفوها لا بتعرفكم شايلنو معاها لي؟؟
رهف:والله من شفتها ابت تتبلع لي..
معز:م سبب مقنع..
شهد:وانت مالك امور بنات وقعتك ولا شنو؟؟
معز:ولا وقعدتني ولا حاجتين بس انتو قاويات مشاكل افهم انتو الاربعه واقغين ضدها..
ميسم:افهم الداير تفهمو وانا مستحيل اسكت على الاهانة الاهانتا لي الليلة..
شهد:عملت ليك شنو؟؟
ميسم:انت شفتي طريقة كلامها معاي كيف وبتكلم معاها شغالة بي جوالها ولمن سألتها رفعت عينا عاينت لي بي عين اسكتي ساي هي م عارفه انا منو..
رهف:اعذريها ي بيبي بكرة بتعرف وبتجي تبوس يدك.
ميسم:تبوس يدي وبس اصبري👏.
لين:استكينو..
رهف:خطوة الليلة خلوها علي..👌.
شهد ولين وميسم:ابدعي😂😂..
معز:انتو وين خالد نظرات😂😂..
لين:بري..ي ربي يكون بدردق في هند؟¿
خالد:ادردق منو انتي وهمية انا لي هسي م شفتها..
لين:بسم الله جيت بتين؟؟
خالد:Now..
انتو اواب وين ؟؟ رهف ولين بعاينو لي بعض بي خباثه الله اعلم..
ميسم:علمي علمك..
بهناك انا قاعدة في البينش بقلب في الفيس..وسرحانه ..فجأة جا زول قعد جنبي انا مستوعبة في زول قعد جنبي لكن م مركزه ده منو؟؟وشغالة في الفيس..
تاني رفعته راي القى ده اواب..طبعا بقيت م بين كلام نمارق البتردد في اضاني وم بين متجدمة م عارفة اتصرف تاني قدته استكين وم اظهر ليو اني سمعتة حاجه ولا شفته حاجه ولا بعرفو اساسا..طوالي عملتة تسجيل خروج من الفيس ومسكته جوالي دخلتو في الشنطة وطوالي قمته على حيلي في سكات..
