خ مصطفى فعلا الصحبة لو م خشت البيت تبقى صحبة و عرفة كيف.
وهج:ي هند.
انا:جاية خلصت والله...جبتا العصير قدمتو ليهم.
خ نورا:خلونا في السبب الانحنا جينا ليو.
انا:اتفضلي سبب شنو؟!
خ كامل:والله لي خير.
خ فيحاء:اتفضلوو وان شاء الله م تطلعو من عندنا مخزولين.
خ مصطفى:خير ان شاء الله وان شاء الله طلبكم عندنا.
كامل:والله هو موجود الطلب وعاين لي🐸 هنا قلبي اكلني.
خ حسام:والله زي م شايفين انتو اتعرفتو علينا و نحنا اتعرفنا عليكم.
خ مصطفى:فعلا وما فيكم اي كلام م شاء الله ناس ظريفين و متواضعين ومتعلمين.
خ حسام:نحنا مقدرين العملتو هند مع وهج و وقفت معاها ونحنا عرفناها بت ناس ولمن ورتنا انها جاية تقابلها اصرينا نجي معاها.
خ مصطفى:ونورتو في اي زمن.
خ حسام:نحنا هند دي عجبتنا سمحة وخلقة واخلاق ونحنا جاين من قبل م نشوفها.
واصل:خير ي جماعة م تتكلمو بالالغاز.
خ حسام:نحنا عاوزين نطلب يد بنتكم هند لي ولدنا دكتور كمال.
يالله دي اسمها الكتاحة البلاء مواعيد ولا حتى تلميح و كلهم بقو يعاينو لي خالتو و واصل وخالو و وصال وانا بعاين لي خالو حسام وكمال وهج في نفس الوقت وانبلهتة😹😹.
انا:ش ش شنو!!
كمال:زي م سمعتي عايزك على سنة الله ورسوله
واصل:ده كلام شنو لكن.
خ مصطفى:كيف الكلام ده.
وهج:والله اخوي م فيو ولا كلمة وعلى ضمانتي ي هند
هنا واصل بقى بعاين لي وانا بعاين ليو عاد موقف م بننحسد عليو.
خ مصطفى:هند دي متزوجة..
وهنا الكل بقى مدهوووووش و مخلووووووع و مقلعين عيونهم واي واحد بعاين لي التاني وانا لسة بعاين لي واصل وهو بعاين لي.
خ فيحاء:ي جماعة هند دي عروس ودخلت في الاسبوع التالت بس هي رافضة الحنة والتقاليد دي عشان كده.
واصل:هند دي مرتي😒😒.
خ حسام:بنعتذر ي جماعة م كنا عارفنها متزوجة مبروك ليها وان شاء الله بيت مال و عيال.
كمال:حصل خير والف مبرووووك ليها ومبروك ليك ي واصل.
خ نورا:م قسمتو ❤ان شاء الله تتهنى.
وهج:الف مبروك ليك ياخ م افتكرتك متزوجة لانو يوم اتلافينا كان معاكم بت اسمها لين صح؟!افتكرتها خطيبة واصل او كده وما اتنبهتة للحنة.
هنا خالو مصطفى عاين لي واصل و واصل عاين لي وانا عاينت لوهج خلاااص انكشفنااااا🐸.
انا:هههههه اي دي لين صحبتي🐸{الكذب ده حبلو م قصير وقعنا على قفانا}.
كامل:بعد كده نستأذن نحنا.
خ فيحاء:اتفضلوو لكن لازم تنورونا المرة الجاية.
عمو كمال:ان شاء الله.
خالتو نورا:اتشرفنا بيكم.
وصال:شرف الله قدرك ي خالتو.
جاتني وهج قالت لي وصال دي حنكا شنو؟!م دايرين نمرق منكم ساي قمتا قرصتها وقلتة ليها تاني م تطبزي 😒😒وصال دي مخطوبة وعرسها فاضل ليو شهر نص.
وهج: 😹😹 الله يتم ليها وانت حقك بعدين لي م وريتيني انك متزوجة.
انا:م صحت فرصة وم خطر على بالي انك تعملي فيني عملة زي كدة🐸.
وهج:اخس لو كان لاقيتك ابدر هسي كان في بيتنا💜 مع اخوي السمح ده.
انا:النصيحة سمح🐸يشبة السعوديين.
وهج قرصتني وقالت لي بطلي انبراش وخلي بالك من التركي العندك ده😹😹هسي النبي ده شعرو!!
انا:لا باروكة اي شعرو.
وهج:الشرع قااااال اربعة شكلي حأكون التانية😌.
انا:اتشرف بيك ي ضرتي😹😹{وقلتا في سري انت التاالتة ي حبة}.
وهج:اها يالله باياااااات ي جماعة.
خ فيحاء:تسلمي انت زاتك عجبتينا وعندنا ليك عريس.
كامل:ده منو الامو م داعية ليو😹😹.
وهج:حيووان🐸 خليني اتفاهم مع خالتو دي🐸..قلتي لي عمرو كم🐸.
انا:ظبطيها والله تتخيلي بما انو الاسرة كلها دكاترة و مهندسين هو خريج هندسة وتخريجو خلال الفترة دي اقل من شهر😹😹.
كمال:ي بختك.
وهج:امي اسمع زغروووتة😹😹اخيرا انحليت.
خ نورا:ي بت ها 😹😹 انعدلي.
وهج:امي ياخ خليني افرح اها م قلتي لي اسمو.
وصال:اياااد..
وهج:اشي اشي وهج و اياد😹😹.
ونزلنا معاهم تحت العمارة ما شاء الله استطاف بتاع عربات.
وهج:اصلا كنتة جاية من الجامعة ودقيت لي امي عشان تكون عارفة انا وين هي كمان قاالت الا تجي و دقت لي ابوي عشان البيت م يلقى فاضي جا من المستشفى ورو كمال وكامل اي واحد جا وخالنا الحبيب لقى البيت فاضي دقة ورينا وجا😹🙈😹والحكاية جرت لمن اتلاقينا تحت العمارة لقيتهم كتارات 😹😹 وقلتة ليهم هوي ها اتلقي م عاملة حساب😹😹.
انا:ناس بيتكم ظريفين و مترابطين 😹😹.
بعد شوية جات عربية مقفلة نزل منها اياد
انا:اقسم ود حلال.
اياد:عليك الله.
واصل:ابشرر ي عريس.
اياد:هوي هوي مالك داير تخليني ارجع بدربي😹😹.
وهج:قلبيييي الصغير لا يتحمل.
انا:ي بت اتقلي🐸✋.
جا وسلم على كمال وكامل والكل لمن جا يسلم على وهج.
انا:دي ياها العروسة😍.
وهج جضوما بقو حمر لمن م عرفتها ي اخوانا هسي م كانت بتشاغل فيو😹😹.
اياد:هههههه مدام كده م عندي مشكلة تب العقد الجمعة الجاية😹😹.
وهج:اهلين اياد.
اياد:تشرفنا ي بنوتة م وريتينا اسمك.
انا:اسمها وهج🌚.
اياد:اطلعي منها🐸.
انا:كان م صحبتي😒😒هسي بكسر الحنك.
اياد:لالا خلاث😹😹...المهم سلفا كده قعدة جميلة لكن اياد جا متأخر...
يتبعع
