كسرة

٤٠

انا:خلاص الفيو خير ربنا يقدموو..وكنتا حاسة نفسي مضغووطة لدرجة ومخنوقة بعد.
خالاتي بدووو يزغرتو و جات وصال قالت لي مبرووك و مرحب بيك في الاسرة.
دقو لي خالو مصطفى و ابوي يشرو بالحصل
في جانب اخر:
خ مصطفى:خلاااص نعقد بكرة اصلا بكرة الجمعة.
يابا:لي الاستعجال قول بسم الله.
خ مصطفى:ندق الحديد وهو حامي بعدين واصل ده غير العقد قال م داير شي.
يابا:هسي الساعة6ونعقد بكرة ده كلام شنو؟
خ مصطفى:انت بس وافق وخلي الباقي علي.
يابا:خلاص م عندي مشكلة..وضرب لي.
انا:اهلين ي يابا.
بابا:انتي كويسة؟ومتأكدة انتي دايراو.
انا:عاينتة لقيت خالاتي بعاينو لي..اي ي يابا دايراو.
بابا:قالو بكرة العقد.
انا:ب ب بكرة كيف يعني.
بابا:انت مش موافقة م عليك بالباقي و مبروك عليك ي بتي❤ الله يتم ليك.
انا:الله يبارك فيك ي الحبيب❤.
بابا:حأشوفك عروس ي هند وم اوصيك على بيتك.
انا:حاضر ي بابا من عيوني ديل.
بابا:خلي بالك من نفسك.
{كسرة بين اقواس}:
}منو القال انو الام براها بتقدر تحل محل الاب حتى الاب في جوانب لينة وبقدر يحل محل الام}.
طبعا لقيت الشقة اتملت بالناس..وكلهم مبروك و زغاريت و جات مرة نزلوني معاها الطابق الاول..قالت لي اسمها مريم وهي حتشيل لي جسمي وترسم لي.
انا:راسي بقى كبير..
مريم:م تخافي🌚 بكرة تلدي تقعدي تضحكي على روحك{اجي ي اخواني ده كلام شنو عرس البشتنة}.
وبدت لي زي الساعة12بدت ترسم لي رسمت لي يديني ورجليني ورقدتا لمن صحيت.
مريم:م تتحركي.
انا:لي م نشفت؟!
مريم:الفي خصرك لسة عاينتة لي خصري لقيت فيو قلب خرافي لمن دققتا مكتوب عليو واصل عاد جنس شي.
انا:ده شنو ي مريم.
مريم:😹😹معليش الحكاية عجبتني قلتا النطبقى فيك.
صريت وشي وقعدتا نص ساعة بعد كده طلعتا البيقن و خشيت استحميت حتى ضراعي فيو تشيكلات صغيرة صغيرة النصيحة عرس بشتنة.
في جانب اخر:
بهناك جابو الطباخ و ضبحوو و بدو في اعداد المائدة و الاصناف..
واصل:م بتحنن ي خالتو ابتسام.
خ ابتسام:حتتحنن وم على كيفك عاوز يقولو عريسنا مبشتن هو زمن البت اول عرس ليها م اتعمل ليها زفاف زي البنات م تتحنن ليها😪😪.
واصل:حنة شنو ياخ البقعد ليها بالساعات عشان المخلوقة دي.
خ ابتسام:البتتكلم عنها دي خطيبتك حاليا.
واصل:امري لله وقعد يجلخو ليو في الحنة.
وصال:امي اها نرحلا ساي كده بدون شيلة.
خ فيحاء:شينة في حقها حتحس نفسها صحي يتيمة خلاص ي وصال انا عندي طقمين عشاء نديها واحد و دستة كبابي موية ودستة عصير ودستة شاي ودستة صحانة و تلاتة كور و سكريات و سريمسين شاي و جبنة😪..و الحلل م عندها مشكلة فيهم.
وصال:و الهدوم.
خالتو:الهدوم ي ستي تنزلي انت و رويدا وخالتك ابتسام بكرة الساعة8و الساعة9:30تجو تشترو ليها توب بتاع جرتق اهم شي وتياب منوعة و بجامات بيت وكم غرض وعدة مكياج المهم شيلة مصغرة ولو الزمن كفا تمون ليها12×12 القروش م مشكلة.
وصال:حاصل خير؟!
خالتو:هسي هاك تلفوني ده دقي لي اعمامك وريهم ودقي لي معارفنا ودقي لي اصحاب اخوك ديل وريهم بعد تنتهي اطلعي لي ناس العمارة وريهم م تخلي ولا زول.
وصال:ي ربي انا دعيت قلتا اسبوع م ليلة و قلتا يتشلهتو ناس امي م اتشهلت انا معاهم😹😹.
خالتو:بطلي سريع و الرسامة بعد تنتهي تجي ترسم لي حاجة نتشة م يقولو مبشتنة.
انا:نعستا طالعة انوم.
مريم:حتنومي عندي هنا داك بيت مناسبة بقى مزحوم فتحت لي غرفة من الغرف ودخلتني فيها..وانا مرهقة جنس ارهاق غمضتا عيوني على طووول نمتا صحيت زي الساعة 10جابو لي الفطوور..
انا:م عايزة م عندي نفس.
مريم:نفس شنو الما عندك انت العرس ده غاصبنك عليو ولا شنو؟
انا:لالا م غاصبني ولا شي بس م عاوزة.
مريم:لالا ماف حاجة اسمها م عاوزة اكلي ...قعدت معاي لمن اكلتني عيشتين و كورة مديدة..
مريم:يالله غسلي يدك..وتعالي.
انا:على وين؟
مريم:تدخني.
انا:دخان شنو كمان{بخلعة كده}.
مريم:اجي اجي تعرسي بلا دخان يقولو جابوها مبشتنة.
انا:م عايزة ادخن ولا شي.
مريم:ماف كلام زي ده..ساقتني و قعدتني في الحفرة.
انا:ده شنو البووخ الحاصل ده.
مريم:😹😹😹 الصبر هي دخينة وحدة.
انا:مريم هوي حاقعد هنا لبتين؟
مريم:لحدي م يقعدو..
انا:لي صلاة الظهر😳😳.
مريم:ااااي احمدي ربك في بنات بدخنو شهرين عديل بعدين انتي جسمك زاتو م محتاج بنوتة نظيفة و ظريفة.
انا:مريم الدخان بقى حار😭😭.
مريم:بطلي دلع نحنا الجمرة بنشيلا بي يدنا.
قعدتا في الحفرة لحدي الساعة12:30.
في جانب اخر:
معز:مبرووكك ي مان شنو الحكاية كتامي
واصل:الله يبارك فيك لا كتامي ولا شي بس انا زاتي م اتوقعتا ابوي يعمل فيني عملة زي دي.
معز:حصل خير هسي خلي بالك على مرتك بعدين هند دي بعشرة بنات صدقني م بتندم.
واصل:اه كدي سيبنا لي قدام ربك كريم.
اياد:بعد كده حيعقدوو.
واصل:خربانة خربانة.
اياد:كدي قول بسم الله.
اواب:مبروكك ي مان فاجئتنا زاتو.
واصل:الله يبارك فيك...انا زاتي متفاجىء.
خالد:الف مبروك بيت مال وعيال.
ماذن:مبرووووك ياخ...
يتبعع