انا:درة؟!منو الدرة والله وشك عامل زي الحمار الرايح😹.
واصل:احم احم الرد على السفية مزلة😏.
انا:سفيها والله الحقيقة بتوجع..
واصل:😎😎 انا م شغال بيك كتير ي المنبرشة😏😏
انا:هههههاي انا م بنبرش ببرش بس وضحت😏😏 وما تصدع بي عندي مكالمة ضرورية خليني انوم.
بعد كده اي واحد اخد غفوووة و نام حالة صعبة🐸🐸
قمتا مشيت استحميت وجيت كنتا برضو لابسة لي ردا 😹😹 قريب لي حق واصل..وانا م رتبتة شنطتي رتبتة ليو شنطتو هو بس..فتحتا شنطتي و واصل كان واقف بعيد يرفع عين وينزل عين🐸...عاينتة للهدوم البي فوق مسافة.
انا:منو البلبس الانحطاط الاخلاقي الحاصل ده😹😹. لقيت واصل بعاين ساي.
انا:انت زاتك انا شاكة انك م نافع اطلع من هنا بتعاين لي شنو😹😹 كشيتو بمزاج...وبركتا الشنطة الهدوم الخاتنها بفوق كلها ختيتها بتحت وهدومي والبجامات الجابوهم ختيتهم بفوق...لبستة لي بنطلون جينز اسود و فنيلة نص كم رمادية...لميت شعري ضنب حصان و طبقتو من قدام برمتو{نفسيات وكده🐸} وفتحتا الباب قعدتا في البرندة ضربتا لي مشكات قفلت ورجعت لي هي.
انا:اهلين مشكوووتة.
مشكات:لا مشكوتة لا مشكوتة.
انا:واقسم بالله ي مشكات اي شي حصل بسرعة ياخ انا زاتي م كنتة متوقعة اتزوج بالطريقة دي هو زاتو م تامي عرس عقد بس ي كان في البلاء مايك ما رفعو لي
مشكات:لا م بصدق مستحيييييل هند تتزوج بالطريقة دي
انا:والعجب العريس.
مشكات:مااالو اوعك تقولي لي شين😱😱.
انا:انسي انسي اكبر مني بحوووول كامل و الشي البعجبك.
مشكات:شنووو😱😱.
انا:كان دايرني ود خالتو التاني لمن رفضتا داك عرسو لي هوو.
مشكات:و وافقتي لي؟!
انا:والله العظيم غصب عني دي خطط خالاتي خبزوها و عجنوها خطبوني الخميس الساعة6و عقدو لي الجمعة الساعة وحدة و رحلوني الساعة6:30.
مشكات:لاااااا اصلوووو م ممكن ياخ في الهنود م شفتا عرس اسرع من كده اها هو شغال شنو.
انا:والله م عارفة شغلو بضبط كده.
مشكات:م تقولي لي وهو مدام ود خالتك م شفتي قبلي كدة.
انا:ابدااااا اول مرة اشوفو قعدتا اول يوم في امن و امان تاني يوم حصلت مشكلة وتالت يوم خطبني والرابع عرسني.
مشكات:سجمكككك اسمو منو؟!
انا:واصل.
مشكات:ي بت اوعى يكون عاطل😹😹.
انا:بطلي شماتة😑😒...هو م عاطل لكن هو اتخرج من اقتصاد و ادارة اعمال.
مشكات:وبعدين.
انا:وبعدين ي ستي هو م شغال في المجال ده عندو كده زي تجارة الشي الفهمتو من وصال انو عندو مزارع مشتركنها هو وصحبو بالنصف والمزارع دي فواكة خضروات و دواجن و اللبان ومشتقاتها جبنة زبادي وكده يعني.
مشكات:م هدا وضعو تمام بتقلي ادبك مالك😒😒.
انا:هو بياع فواكة و خضار...المرة الفاتت سمعني قلتا عنو كده.
مشكات:م تقولي لي😹😹 وعمل ليك شنو!!
انا:ولا اي شي🐸.
مشكات:رسلي لي صوركم.
انا:صور مييين و الناس نايمين🐸ي بتي اذا مايك م شفنا نشوف استديو.
مشكات:اها حتسوي شنو؟!
انا:والله ماني عارفة لكن مستحيل استقر في البلد دي.
مشكات:توووووفي من خشمك...سودان شنو البتستقري فيو.
انا:ياخ زاتو اي شي🐸 حصل بسرعة م عارفة هو حيقول لي شنو وانا دراستي مرتبطة بهناك غير كده التأقلم حيكون لي صعب؟!
مشكات:هو جا امريكا قبلي كده؟؟
انا:اي اختو قالت لي فات سياحة مرتين معاو اصحابو.
مشكات:مظبووووط بس حاولي اقنعي🐸.
انا:هع هو بالله العظيم ضريري الله يعين.
مشكات:ولو قال لا؟
انا:ودي كمان دايرة سؤال يديني ورقتي على طول هو زاتي خالاتي م عندهم فهم واحد في الشرق والتاني في الغرب البلمهم شنو؟!
مشكات:الحب😏.
انا:حبة التقوووم ليك في نص راسك حب شنو مع المخلوق ده.
مشكات:ي بت كدي اهدي هسي انتي عروس بتفكري في طلاق.
انا:لا احسن افكر اجيب تؤم ولا رايك شنو؟
مشكات:ي سلااااام و يا ريت يكونو كتاكيت وسمان.
انا:مشكات.
مشكات:نعم.
وظوووووط فصلتا الخط في وشها😹😹قال كتاكيت و سمان قال...
واصل:بتتكلمي مع منو؟!
انا:مع صحبتي في واشنطن.
واصل:اكيييييد قالت دايراني وانت غرتي صاح.
انا:هههههاي اي بغير شديد كمان.
واصل:ظاهر.
انا:واصل انا عايزة ارجع امريكا.
واصل:شنو!!
انا:زي م سمعت.
واصل:امشي امريكا انا ماسكك.
انا:بجد خليك جادي.
واصل:ومنو القال ليك بهظر امشي.
انا:اممممم.
واصل:😏😏.
انا:انت بتستفزني ي عبيط و ضربتو بالمخدة و دخلتا الاوضة..جا وراي..
واصل:انا عارف سلفا انو نحنا م بننفع مع بعض انت اصغر مني بكتييير و غير كده انو انا مرتبط بانسانة تانية
انا:شنوووو معرس وعندك اولاد😱😱.
واصل:😒😒 يعني بحب لي زولة تانية ف شنو حنحاول نقنع ابوي انو نحنا م مناسبين مع بعض.
انا:طيب م عندي مشكلة.
واصل:يالله عشان م تعملي لي فيها المحقق كونان😏.
انا:كييييف؟!
واصل:حتشوفيها كتير و انا قلتا اكون واضح معاك.
انا:يالله خير م عملت.
واصل:اتفقنا حنشوف نقنع ابوي كيف!!
انا:م عارفة هو ابوك يعني.
واصل:حنقول ليو انك تشخيصك وعلاجاتك و دراستك هناك وانا شغلي وحياتي هنا؟! م حنقدر نستقر مع بعض واي زول فينا عندو نمط حياة مختلف...
يتبعع
