ردات فعلي ايجابية وكويس اني بطلع الجواي م بكبتو والا بحصل انفصام.
م رديت على اياد وقمتا من محلي ولملمت شنطتي و قلتا ليهم انا طالعة اياد هداهم و داير يمرق معاي.
واصل:ماف داعي انا بطلع ليك.
انا:هههههه دور البطولة م لايق عليك خليكك في قوقعتك الكلمة دي خلت ملامحو تتغير للغضب..
اياد وداني بيتتهم دخلتا اوضتي نمتة صحيت الصباح لقيت ابوي راقد جنبي في السرير وعليو اثار التعب رفعتا راسي ختيتو على صدرو و حضنتو شديد.
بابا:هند انت صاحية؟
انا:لالا
بابا:ضحك وقال خوفتيني عليك.
انا:اعفي لي يابا وبستو في راسو...وشكلو كان مرهق قلتا ليو نووم هسي.
بابا:في شنو؟!
انا:بحبك وبس تصحى بنتفاهم هسي ارتاح خليتو بعد غفا قمتا ملصتا ليو جزمتو وبقيت اعصر ليو في رجلينو❤ و اعاين لي في وشو البشووش واقول انا لي اخوفو و اجيبو بالطريقة دي.
ختيت الجزمة على الجنب و رفعتا درجة المكيف و غطيتو بغطى خفيف عشان لا يسخن ولا يبرد..طلعتا برة لقيت خالو مصطفى وخالتو فيحاء والكل متلمين حتى وصال و واصل قاعدين.
انا:السلام عليكم..لكن م قربتا ناحية زوول.
شلتا شنطة بابا عتلتها لمن دخلتها جووة.
انا:بسوومة اسفين على الزحمة واللخمة العاملنها في بيتك لكن اول م بابا يصحى بفضي ليك واعتبري وعد. وقعدتا في الصفرة بعييد...
واصل:بجد م كنتا قاصد.
انا:ولا رفعت عيني عاينتا ليوو زاتو🌚🌚.
خ مصطفى:جر كرسي وقعد جنبي و بدا يتكلم معاي.. {حسيت اني لو م رديت بقلل من غيمتو}وبقيت اتواصل و اتجاوب معاو..
خ مصطفى:لي عاوزه توتري العلاقات بين الاسر وريني بعدين اذا واصل ضربك اياد ده م زول توري طوالي ياخد ليك حقك ولا تجي توريني واصل بتين البزعل بتنا..قمتا ابتسمت ليو...بقى مواصل هسي انت م بتحبيني وبتحبي اياد و وصال وخلاتك؟!
انا:بحبهم اي.
خ مصطفى:وريني طيب واصل شنو البخليك تزعليهم كده
انا:خالو عاين لي انا كنته حاجز امي ده بحاول اتخطاو و تاني ولدك رجعني لنقطة الصفر و الحاجز النفسي انا كنت بتعالج من حاجات كتيرة واولها الغضب و اخرها التوتر و الوحدة ولدك فشل مخطط3سنوات من عمري عاين انا وقفتا القدامي و الوراي وحتى دراستي عشان اخد الخطوة المهمة دي هسي تعبي كلووو راح مهب الريح.
خ مصطفى:المعنى.
انا:المعنى اني مريضة نفسيا زي م انت شايف اي مريضة.
خ مصطفى:م تقولي كده.
انا:لا دي الحقيقة ورايك شنو كانت عندي بدايات انفصام في الشخصية بحححح العلاج كلو راح الكان المفروض خلال الفترة دي م اتعرض لنوبات غضب نهائيا وانا اتعرضتا لونبتين وم انضرب عشان جهازي العصبي و انضربتا ولدك م قصر معاي الله يخضر ضراعو و رفعتا عيني عاينتة ليو.
خ مصطفى:اكتفى بالصمت.
انا:اصلها خربانة خربانة😪😪 خلاص الحصل حصل.
خ مصطفى:لالا م تقولي كده بعدين انتي كويسة وزي الفل.
انا:كويسة؟!بجد امس لو كان عندي القدرة كان قتلتو انا لمن اغضب م بكون زول طبيعي فاهمني انت؟!
خ مصطفى:اي فاهمك كووويس...بعد كدة واصل انت م بتحترميني؟
انا السؤال ده صدمني و خجلني وحسسني بجد اني اتعاملتا بعدم احترام.
انا:بحترمك ولو معقولة م انت يابا❤.
خ مصطفى:وكلمتي؟!
انا:كلمتك سيف منو البكسرا عاين لي واصل واصل دنقر و صرف نظر.
انا قاعدة في محلي جات وصال برضو وقعدت تتكلم معاي بعد كدة جا اياد و خالتو ابتسام و فيحاء.. اتلمو حوليني برضو و اتكلمو معاي..بعد كده ابوي صحى و جا لقى الكل حوليني.
بابا:هلا والله...ردو ليو التحية.
خ مصطفى:معليش جبناك من اليابان.
بابا:لالا بجي ماهي وحيدتي وم عندي غيرها بس داير اعرف السبب..
خ مصطفى:لالا بس في زول هظر معاها او مقلبا مقلب بايخ كده وهي زعلت..
بابا:اها لا تمام..وعاين لي😞😞 نظام م مصدق وكدة.
خ مصطفى:اها كيفك وكيف الشغل معاك؟!
بابا:الحمد لله.
خ فيحاء:الحمد لله والله ياهو الحال.
بابا:بكرة ان شاء الله استأذنكم سايق البت دي تاني م بقدر اخليها وراي.
خ ابتسام:ده كلام شنو ي عبدالرحمن كيف؟! تخليها وراك نحنا برضو اهلها ولا شنو!!
بابا:اي م قلنا شي لكن خلاص كفاية قعدة هنا تكون تقلت عليكم وقام خشى الغرفة النزلو فيها.
وانا مشيت غرفتي كنتا مبسووطة اني خلاص حارجع الحتة الجيت منها واخيرا.
خ مصطفى:اها كده عاجبك شكلو البت وصلت الكلام لابوها وشكلو محبط عارف نفسك عملتا شنو انت؟
واصل:كدي روق ي ابوي م كده و بنعتذر ولو م جانا العفو الزمن بشفي الاهات.
خ مصطفى:الزمن قلت لي كوويس عندي معاك كلام بعد اصلي الظهر...وقام من محلو انا بهناك ستفتا شنطتي وابوي اصلا شنو جاهزة...وقعدنا انا وهو اتونسنا كويس...زي الساعة3جات خالتو فيحاء وقالت لي تمشي معاي انت ونضال عندي حاجات عاوزه اشيلك ليهم.
انا:حاضر ومشيت لبستة العباية الادتني ليها نضال و طلعنا..
خ ابتسام:ارجوووني زاتي جاية معاكم طلعنا كلنا مع بعض و اتوجهنا لبيت خالتو فيحاء و دخلنا.
انا:الحر مبالغ و طلعتا العباية و قعدنا وصال شغلت المكيف و جابت عصير و موية.
خ ابتسام:واي الجو م بتقابل.
انا:انصهرت عديييييل..
يتبعع
