انا:م تهظر معاي كده ياخ طوالي بدوخ.
واصل:ههههه ي بت ي حساسة طيب ارح.
انا:هنا بنتصافى مالو.
واصل:قلتي كده!!
انا:يب يب🐸.
واصل:نزل وجا طالع شايل كيس كبيبيير.
انا:ده شنو؟
واصل:اصبري...وقعد في السرير قصادي..دي عشان انا ضربتك كانت علبة اووميقا.
انا:واااي عرفتا انا بحبها كيف!
واصل:وراني اياد.
انا:اهاااا.
واصل:دي عشان انا بكيتك..
انا:وااااي كدي اجربها{اسورة فضة مباااالغة وفيها حرف H صغير جايت نازلات}.
واصل:ودي عشان قللتا من قيمتك و زعلتك.
انا:والله م كان في داعي{جزمة مسمار نظام عارفني قصارية😹 لونها بالكبدي شييي مبالغ وهي عاملة زي البووت طويلة حبتين يعني جزمة وبوت😍}
واصل:عجبتك؟!
انا:شدااااايد دي دايرة سؤال.
واصل:تتهني بيها طيب ودة عشان اسأتا التصرف مع خالتو الله يرحمها وعمو.
انا:تسلم ياااااخ.
واصل:بتسمحي لي البسك ليها.
انا:امممم طيب.
طبعا ده سلسل في شكل قلب🐸حق دهب يعني مبالغ
وجبتا شعري بي قدام و واصل لبسني السلسل و وقفني قدام المراية😍😍 وهو بوراي وختة يدو في الدلاية العلى شكل قلب فتحها كانت في الجهة اليمين ماما وفي الجهة الشمال صورة بابا😍 يالله دي نفس سلسلتي لكن هو غير الدقة بتاعتا.
انا:بجددددد م عارفة اقول ليك شنو؟!
واصل:ما تقولي ولا شي بس اعفي لي واعذريني.
انا:طيب رز بالبن🐸.
واصل:تسلميييي ي السمينة😹😹همك في كرشك مدام قلتيها ارح نعملو.
انا:ااااي و نلوونو بالكستر يطلع اصفر ي سلااااام
واصل:احم احم انت مساعدة الشيف🐸 ومشينا الاتنين على المطبخ وسوينا الرز باللبن ورحتووو تشهي.
قعدنا اكلنا و دردشنا وكدة.
واصل:اها دكتور كمال عجبك؟
انا:اممممم م عارفة.
واصل:طبعا صحبتك دي لمن جابت سيرة شارع النيل انا بقيت زي الزول المدنو كف😹😹.
انا:واااي والعجب انا لمن قالت عاوزاني لاخوها اتمنيت الارض تنشقا وتبلعني م اتوقعتهم يطلبو طلب كده
واصل:😹✋ انا كان م استغفرتا كنتة حأشيلك اجدعك.
انا:حسيييييت واقسم😹😹قلتا واصل ده بشلتني كر علي وخالو بدا يوزع في التحميرات.
واصل:انا غلبني اطلع السلم😹😹.
وبقينا نتونس مسااااافة واصل الحّ انو نحنا م نقعد في البيت...
انا:طيب بنطلع لكن م نمشي الواحة.
واصل:طيب م عندك مشكلة شلتة المكبات الكبينا فهم الرز وغسلتهم.
واصل:في كيس في ضلفتي شيليو.
انا:امممم فيو شنو؟
واصل:امشي شوفي براك..
انا بعد غسلتة الصحون ونشفتهم ورجعتهم الضلفة.. مشيت على الاوضة و شلتة الكيس فتحتو لقيت فيو هدوم طلعتهم لقيت عبارة عن طونكا فوق الركبة باللون الاسود فيها ورود بالكبدي و بنطلون جلد لامع بالاسود و طرحة كبدية بقيت بعاين ليهم وقلتا مالو اجربهم استحميت و لبستة البنطلون و الطونكا طلعوو ظابطات مع بعض و شعري لفيتو كعكة طبعا طلعت ما شاء الله لانو غزير و طويل ولبستة فيها الطرحة واتمكيجتا مكياج خفيف وعملتا روج كبدي و لبستة اسورة الفضة و البوت الكبدي الكان جايبو لي مباااااااااااالغة عديل كده طلعتة قرضة واصلا البناطلين فيني نفسياااات لكن اول مرة اللبسها بحاجة طويلة اغطي شعري قلتا اضيف لمسات لبستة نظارتي الشمسية و حلق كده كبير نازل.
واصل:ي هند م ارح اطلعي.
انا:طيب طيب وبخييييت ليك الريحة دي شي عجييب.
وطلعتا
واصل:ما شاء الله😍❤ عيني باردة هسي كده استايلك م احلى😍.
انا:ههههه تسلم على اللبسة م وريتني الطقمها ليك منو؟!
واصل:وصال طقمتها لي.
و نزلنا وركبنا العربية النصيحة انا نفسي عجبتني😹😹
واصل كل شوية يعاين لي.
انا:يالله قول ما شاء الله على القرض الجنبك ده🐸✋ و انا عارفة م حتقدر تشيح بنظرك بعيد عني والسمح مرغووووب😹😹.
واصل:اها اها اتعلمتي وحفظتي ما شاء الله و قل هو الله احد😹😹.
انا:الله م ضراككك...م وريتني نحنا ماشين وين؟!
واصل:اممممم ماشين الجناين مطلة على النيل كده نقيل هناك ونجي راجعين❤.
انا:وما شايلين معانا حاجة ولا حتى موية.
واصل:اي شيي جاااهز م تشيلي هم.
انا:طيب.
واصل:اها تسمعي شنو؟
انا:اي شي م عندي مشكلة شغل اغنية عربية تقريبا اسمها صدفة وبقى يدندن معاها...وصلنا الجناين و نزلنا شكلها ظريييف وفيها زي نظام كوووخ صغنن كده وفي زي طربيزة مربعة من فوق عليها في شرشف ابيض م عارفة انتو بتقولو ليو شنو قعدنا في الارض كان في مساند كده مجدعة قعدنا اتونسنا والضحك ده شرطنا بعد شوية واصل طلع الشواية وكده قال لي الليلة حتاكلي اقاشي من يدي😍😍عمركك م اكلتي زيو..وحأعمل ليك سلطة مبالغة وتاني من ضمن اطباقنا لليوم جداد مشوي.
انا:لا ماف داعي للبزار ده😹😹اعمل لي سندوتش اقاشي خلينا نتوكل
واصل:طوووول عمرك حتفضلي رمه بقى يشوي بجها و يقطع بجهة و غايتو وانا قاعدة اعاين بش🌚🌚.
انا:عندك الطهي هواية؟!
واصل:يب يب ممكن تقولي كده بحبو حب مباااالغ.
انا:اممممم.
واصل:اها بتحبي ياتو نوع من الفواكة.
انا:بمووووت في البطيخ😹😹...وغيرووو ماف بحب المنقة عصير و الجوافة عصير وبحب الانناس المعلب.
واصل:ي سلااااااام الانناس ده في زول م بحبو❤..
يتبعع
