كسرة

٧٠

يالله انا جملة كمال الاخيرة دي خلتني احس براحة نفسية وخلاني ارتاح عشان م اكسرو..
انا:كمال انا م بقدر اوعك بأي شي.
كمال:اعملي البريحك لمن انت ترتاحي انا زاتي بكون مرتاح بعدين الحكاية قسم يعني لا بيدي لا بيدك.
انا:بجد كده ريحتني.
كمال:وانا عندي شنو غير راحتك...وخلاني واقفة و فات بعد شوية ملصتة الطرحة المغطية بيها يديني عايزة اصلحها بس زول لفتني..عاينتة لقيتو عيونو دي شرار
واصل:انت لي لابسة كده وريني..
انا:اول شي فكني.
واصل:ولو ما فكيتك عايزة تعملي شنو؟!
انا:واصل فكني.
واصل:ي ستي م فاكيك.
انا:انت حاليا م عندك علي اي كلمة.
واصل:لسة انت في زمتي لمن نطلق ده كلام تاني.
انا:هسي انت عايز مني شنو؟!
واصل:انت لي تقيفي مع كمال وريني.
انا:ي سلام ومالنا قال بنتغزل في بعض؟!
واصل:الغزل ي هانم كملتي مع معز.
انا:عاين م ليك عندي دخل.
واصل:عندي دخل والف دخل كمان.
انا:واصل وطي صوتك وما تصرخ.
واصل:هند لا اله الا الله.
انا:محمد رسول الله.
واصل:كان معز كان كمال اي واحد يعرف حدودو.
انا:معز ده اخ وصديق لا اكتر ولا اقل وما عملنا شي غلط كنا بنهظر بس و كمال ماف بيني وبينو اي شي بس هو كان بوضح لي شوية حاجات...تلقائيا لقيت نفسي ببرر ليو..
واصل:حصل خير ولحدي م تطلقي انت في زمتي فاهمة يعني البمسك بمسني ولحدي لمن نطلق احرقي م بسألك واللبسي الزفت دي...
طوالي صلحتة الطرحة و دبستها جراني من يدي وساقني محل الناس قاعدين...وكل م ارفع عيني القى واصل بعاين لي ولمن يجي جنبي و معز او كمال بحمر لي وحاسة شوية حيتفجر بقيت اتجنبهم...عدينا باقي القعدة و رجعنا البيت ختيت تلفوني في الشاحن فتحتو وخشيت الواتس اب دخلتا لي واصل لقيتو متصل الان بس لا رسلتا ليو ولا رسل لي... نزلتا حالة كتبتا فيها{اعتبروها كسرة كمان الحالة دي}:
في مجتمعي تعامل الفتيات ك الكتب اذا لم يعجبك الغلاف فلا داعي للقراءة و هنا تظلم المحتويات... بعد تلاتة دقايق لقيتو شاف الحالة..قام هو نزل حالة كتب فيها:
كنت انصحها بتخلص من سلبيات حياتها فتخلصت مني...
عاينتة للحالة وقلتا تمام..نزلتا حالة كتبت فيها..
لان حزن النساء عميق وجرحهن غائر فمن اسعد امراءة فعل شيئا عظيما وكأنه ازاح الحزن عن جميع العالم..
هو قام نزل حالة وكتب فيها..
وبينك وما بين البين بين..وشيء من اللاشيء كقاف بعد شين وما قبل الشين عين..
هو قام نزل حالة كتب فيها
عندما اراد الله ان يهبني الحب قال لملائكته انبتو هذا الرجل ريحانا بقلب عبدتي...
هنا طوالي اتذكرت لين و نزلت حالة كتبتا فيها؛
انا انثى سامية سأدوس على الاشياء المستفزة من حولي ولذهب خطوات انيقة فالاناقة تليق بي..
هو نزل حالة كتب عليها
ابتسم دائما عندما تخطرين ببالي فأنتي اختصار للسعادة و مثال للسعادة الابدية وراحة نفسية...
طوالي طلعتا من الواتس اب و خليت ليو مساحة نظام م شغال بي وهو في حبو الضايع قلتا حريقة😹😹واشنطن تقترب و نمتا صحيت الصباح فتحتا تلفوني برضو لا رسل ولا حتى اعتذر عشان الشي الحصل اولا وعشان مواقفو الزبالة وخرب علي اللمة ثانيا اتغظت شديد قلتا ده مالو مفتري ومغرور على شنو على شوية البطاطس العندو😹😹{اصلا لمن امسك على زول زلة رمهة وحقيرة بكون}دخلتا الواتس اب و حظرتو و الفيس عملتا ليو الغاء صداقة وحظر برضو و قفلتا التلفون و نزلت فطرت و وكده وكان يوم عادي كلو هظار و شكل مع اياد و اشاغل في خالتو جاتني و صال زي الساعة خمسة قعدنا اتونسنا مع بعض و وصلها اياد الساعة 10البيت خشيت غرفتي وانا شايلة البرطمانية بتاعت جبنة بووك و معلقة صغبوتة اشيل واللحس عاد سمحة سماحة هسي🌚🌚 و حاسة الموضووع خيالي خلاص بحححح السودان وبكرة طيارتي الساعة عشرة صباحا شلت تلفوني اتصلتة على الكل اواب خالد معز ايمن رهف ميسم شهد لين وهج كمال كامل نمارق ليليان لمن انتيهت منهم كلهم لقيت الساعة ماشة لي4صباحا بالله الونسة جرت كده العجب مع نمارق جنس شمارات تقيلةوالعجب معز😹😹م فضل الا يعزي ياخخ الود ده اموو شاربة عثل على قدر م ظريييييف ودمو خفيف و اواب برضو و خالد قعد يشاكل فيني ويرفع ضغطي استحميت و صليت الصبح وطبعا خالتو ابتسام هدتني فستان لونو كبدي قلتا اللبسو هو طقم كامل بي طرحتو بعد صليت الصبح قفلتا تلفوني ورقتا نمتا م صحيت الا الساعة 9 قمتا لبستا فستاني الكبدي طبعا طويل و مقفل و فاري لميت شعري و طبقتوو و اتمكيجتا و اتظبطت لبست نظارتي الشمسية و نزلت شنطتي بعد كده وجب الذهاب بقيت كارّاها لمن جيت جنب السلم اياد جا نزلها لي ركبو معاي الكل لمن حصلتا المطار كانت الساعة9:30لقيت الكل موجود عملتا لي اخوة و اخوات رهف ونمارق و ليليان وشهد ومعز واواب وخالد و ايمن وهج وكمال وخالتو نورا وخالو حسام وكامل بالاضافة لخالو مصطفى وخالتو فيحاء و وصال...
انا:منوووووووووورين ياخ❤.
وهج:بنوورك...
يتبعع