انا:اممممم م كنتا بتكلم عن نفسي على فكرة.
واصل:انت قلتي واحدة عيبها لي وانت مرتي و مارضية اني اعرس عايزني اسيب لين و مشكات و اقعد معاك؟
انا:واصل م كان قصدي كده على فكرة😨😒.
واصل:😹😹 عارف ي هبلة.
وقعد جنبي بقينا قاعدين نحضر مع بعض قمتا من محلي خشيت المطبخ كبيت لي عصير ليمون و بديت اشرب فيو و سمعتا صوت ختيت الكباية.
انا:واصل كسرتا شنو😒😒.
ما ردة علي بقيت اكورك ي واصل ي واااصل انا بتكلم معاك.
واصل:هند م قادر اتنفس...انا جيت جارية عليو لقيتو خاتي يدو في صدرو.
انا:واصل اضرب للاسعاف؟!
واصل:
انا:طيب عندك بخاخ او كده؟!
واصل:اي...قمتا جريت من محلي فتحتا الادراج و الدولاب نكتو م لقيت اسر بخاخ...جيت قعدتا جنبو شرطة ليو القميص والفنيلة وختيت راسو في رجليني بقيت اقول ليو عاين انا م لقيت بخاخ؟!قاعد وين؟!
واصل:بقى يشهق...هنا انا غلبني الاعملو خيتو في الواطة و وشلتا التلفون دقيت لي خالو قلتا ليو اللحقني سريع...رفعتا ليو راسو لي فوق وقلتا اعمل ليو تنفس صناعي بقيت اخد نفس واديو وهو ماش غميان جريت الاوضة نكت السرير وما خليت لي درج م نكتو جيت طالعة لقيتو قاعد في الكنبة و ببتسم وانا لوني ده لمن بقى شاحب من شدة الخوف قلتا الليلة بموووت و قلبي انخطف وجاني هبوووط بس بقيت اعاين ليو وهو يعاين لي ويضحك{يالله زول يمقلبني كده بقتلووو عديل ولا بتفاهم زاتو}وانا واقفة والوقفة غالباني من شدة الخوف جا علي وضماني قال لي معليييش انا طوالي زحيتو مني قلتا ليو لا بجد انت شايف موضوع زي كدة بهظرو فيو نحنا شفع؟!وريني بس نحنا شفع انا كنتا حأجن عارف يعني شنو حأجن دي نفرض هسي انا كان عندي مشكلة مع الهبوط ده م كنتا حامووت موضوع زي كده لا والاحلى اني صدقتك وعمال تاخد نفس بصعوبة و تشهق صح وبقيت اضرب فيو عاين لي هنا عايز تموت صاح يالله موت موت سريع خليني اشوفك جنازة يالله موت قام ضماني عليو ويقول لي اسف والله بجد م اتخيلتك تعصبي زي كده وانا طوالي انهرتا من البكا ياخ موقف خيالي تشوف ليك زول عيونو مشات يبقو بيض كأنو بموت و يشهق انا هبطااا عديييييل.
انا:واصل فكني.
واصل:بعد تهدي اول.
انا:لا بجد فكني م حأهدى هسي.
واصل:وقت م تهدي اهدي.
انا:واصل فكني...ضماني شديد عليو بعد مسافة فكاني
وقال لي انتي تمام؟!
انا م فكرتا زاتو ارد عليو رجعتا الاوضة و رقدتا في السرير واهبش في جبيني والله لمن جسمي سخن و راسي لفة و صداااااع لدرجة قف تأمل.
واصل:جاب فوط مبللة وبقى يختها لي فوق جبيني.
انا:ماف داعي هسي كلو بهون.
واصل:بتخفض ليك الحرارة وسكت تاني ما قال شي... بعد مسافة جاب لي حبة بلعتها و نمتة.
صحيت بعد زي ربع ساعة هبشتا جبيني لقيت درجة الحرارة خفت قمتا من محلي خشيت غسلتا وشي و صحصحتا تمام شلتة لي بشكير نشفتا بيو وشي عاينتة للسلة فيها قرص مجدوع عاينتة ليو وما اهتميت تاني قلتا اشوفو حق شنو.
في جانب اخر:
خ مصطفى:لا كدا م ينفع ولدك ده لازم يرجع لي رشدو
خ فيحاء:انت اهدى انا بتكلم معاو بشوف الحاصل.
خ مصطفى:اسمعي هنا ي فيحاء دلع كتير ما ينفع البت دي م بتخش البيت ده الا على جنازتي و ولدك ده لو عرسا لا هو ولدي ولا انا ابوو فاهمة...ومرق.
خ فيحاء:انا اسوي شنو واقعة بين نارين ولدي و راجلي اعمل شنو؟!
وصال:وااضحة ولدك ده يشيل البت دي من راااسو بس.
خ فيحاء:خلينا من واصل انت عملتي شنو في موضوعك.
وصال:ي امي اتشكلتا معاو كيف يعني اعرس هسي ده كلام شنو وريتو خلي اجازة السمستر تجي كلها شهر و نص م يرجاني ولو م عايز الباب يفوت جمل فترتا انا.
خالتو:هو الفتر م انتي الفترتي ي بتي الود ده دايرك شوفي انتظرك و صبر عليك كم سنة.
وصال:وانا خاتة فوووق راسي ده والعملو معاي م بنسى لكن كمان هسي م ينفع.
خالتو:راحتكم اعملوووو الدايرنو كلو انت واخوك م بتسمعو من زول.
وصال:والله ولدكككك عنيد يعملو ليو شنو.
في جانب اخر{عودة}:
عاينتة للقرص لقيتا حبوووب منومة لمدة ساعة و نص عاينتة للقرص لقيتو فاضي بقيت افتش في السلة بركت بركت لقيت حبة نفس الحبة الاداني ليها واصل بس راسي بقى يودي ويجيب يجيب و يودي بس قلتا م يكون لمسني و قرب علي ومن بتين هو بديني الحبوب دي هو البطبخ وهو البسوي العصاير الموضوع ساهل عليو.
مرقتا من الحمام وانا من شدة الافكار الخيالية البقت تجيني حأاااجن حق و حقيقي غلبني الاسوي قعدتا في السرير ختيت يديني في راسي و بقيت اعصر في راسي و الصداع تاني جاني راح شوووية كده كنتا حأصرخ بكل ك اوتيت من قووة...بقيت افكر وقت انا اختة الحبة دي لي م نمتا ساعة ونص السبب الاول انو انا المخدر و ما بمش فيني والسبب التاني اني كنت شاربة عصير ليمون و عصير الليمون بكون افسد المفعوول بتاع الحبة و المنوم تلقائيا فسد طيب خلال الفترة دي انا م حسيت بحاجة نهائي معناها هو م لمسني لكن انا كمان م بضمن من بتين بديني ليها وده قرص كامل فيو12حبة...بس ختيت القرص في جيبي بتاع البنطلون...
يتبعع..
