في عز انهياري ده وبكاي بحرقة حسيت قلبي و حواسي اتعاطفت معاي لكنها م عاوزة تديني امل وما عاوزة تكسرني كأنهم بفضلو يقيفو بعيد...بكيت زي نص ساعة قشقشت دموعي لكني لسة مدنقرة فضلتا مدنقرة زي خمس دقايق خلال الخمسة دقايق دي كنتا بحاول استعيد شكل وشي الطبيعي بدون تورم او احمرار..
واصل:مستنية زول؟؟انتظارك طال...
رفعت راسي من الخلعة لقيتو قاعد جنبي..
انا:ما عارفة بجد ما عارفة.
واصل:انت بتحبي؟!
انا:لا م بحبو ما بحبو ما بحبو ضماني عليو...
ضربتو في صدرو قلتا ليو طولتا علي..
واصل:غصب عني كنتا فاكر اني خسرتك..
انا:لا م خسرتني ولا حتخسرني...
وقفتا على حيلي واصل قعد على ركبو..
واصل:هند بتوافقي انو نحنا نكمل مع بعض؟!وكان مادي اوراق الطلاق..
انا:هزيت راسي بمعنى لا.
واصل:جد يعني افرتق🌚...شلت منو الاوراق عاينتة ليها لقيتو حتى م موقعها.
انا:لي م وقعتها؟!
واصل:م عارف قدر م اشيل القلم ارجع اختو هند انت حاجة خاصة بي يعني لا اوراق ولا محكمة ولا غيرو بقدرو يبعدوك عني...
انا شرطتا الاوراق وجدعتها في النيل..
واصل:فقدتك حسيت انهم م تلاتة يوم ديل كانو تلاتة قرون بدون ضجتك وزعلك وصوتك وشكلك ونصايحك.
انا:اما انا كنت كل يوم برجع بفتح تلفوني على امل اللقى منك اتصال او مسج بس م لقيت.
واصل:وزعلتي شدييد وحظرتيني صح..
انا:اي خصوصا بعد نزلت حالات عشان لين.
واصل:ي هبلة لين شنو انا كنت برد على حالاتك بحالة.
انا:م خطر على بالي كده واصل انت عارف انا كنت مستناياك تبادر ولمن م بادرت ولقيت مكالماتك م اترددت اني اخلي شي وراي.
واصل:وانا كنت بحاول ابادر بس انت م اديتيني ولا فرصة كنتي دايما بتسكتيني..
انا:لانك تغيييظ.
واصل:
انا:كنت كل مرة بتخلق مشكلة من ولا شي لاتفه الاسباب...واصل جا علي..
انا:واصل اوعك تقرب مني🌚..وهو لسة مواصل.
انا:واصل اسمعني😹😹...ولا حياة لمن تنادي.. في النهاية جريت منو سكاني واول م قبضني شالني.
واصل:انا م بخلق مشكلة من ولا شي بغييييير اقسم بالله بغييييير وحات غلاوتك بغييييير بغير عليك من كل الناس م كنت بتحمل اشوف معز بتغزل فيك ولا كمال واقف معاك ولا اياد يسندك...انا عايزك تكوني حقتي اول اولوياتي و ممتلكاتي الخاصة شي خاص بالنسبة لي و حاجتي الخاصة م بحب ولا زول يطفل عليها عايز اتغزل فيك براي و اقيف معاك براي واسندك براي..
انا:🙈🙈🙈 و وشي كلو حمر بقى صلصة البستان بس😹😹.
واصل:يسلم عشاني الخجول.
انا:واصل تعبتني معاك انت كنت قاسي معاي شديد.
واصل:عارف اقسم بالله عارف لمن ازعل م بشوف قدامي وده عيب من عيوبي لازم انت تصلحيو.
انا:وتاني عيوبك شنو؟
واصل:كتيييرة ي هند مع الايام حتكشفيها..مستعدة انك تصلحيني؟!وتغيريني.
انا:ايوة.
واصل:الله يخليك عشاني
{والكلام ده كلو وهو شايلني} بقى ماش بي.
انا:على وين؟!
واصل:على العربية ومن هناك على بيت ناس امي عشان يحبسوكك ي حاضري ومستقبلي.
انا:نحنا متزوجين على فكرة.
واصل:تستاهلي واقسم بالله حاعمل ليك عرس ولا حصل قبل كده عرس يكون حديث الناس لمدة قرن كامل.
انا:كفاية نحنا مع بعض ما عايزة شي تاني م تخسر.
واصل:اخسر؟اخسر ي هند وفيك انتي والله انا اخسر حياتي خلي شوية قروش اخسر حياتي عشانكك... وركبني العربية..
واصل:خلي تلفونك فاتح على طول.
انا:حاضر.
واصل:اكلي تمام وابعدي عن اي شي ممكن يوترك و يزعلك.
انا:حاضر.
واصل:ما تخلي تلفونك شحنو يخلص.
انا:حاضر.
واصل:وخلي بالك مني ومن نفسي ومن حياتي ومن مستقبلي ومن حاضري.
انا:طيييب...وانت بطل تاخد حبوب منومة.
واصل:اقسم بالله من قلتي اخليها بطلتها على طول.
انا:وما تساهر في الشغل.
واصل:وحات الله عشانك عاطل اقعد😹😹.
انا:لا كمان م تبالغ...بقينا ندي لبعض نصايح لحدي م وصلنا..
نزلتة:خالو وخالتو و وصال م صدقوو.
واصل:ي ابوي العرس الجمعة الجاية معاك اسبوع واكتر من كده بخطفا وبمش بيها🌚.
خ مصطفى:حااضر.
وصال:😒😒اها تاني حتلتلونا ياخ م كان تتمو عرسكم يوم العقد ولا شنو ي واصل كنتا عامل فيها تقي الدين 😹😹وانت سايح سوحان م طبيعي.
واصل:شايف لسانك طال ي وصال واقسم افضى ليك الا انتف ريشك.
وصال:معليييييش واقسم م قصدي.
واصل:😏😏عفنة الواحدة الا يعاملوها معاملة رمه
و ضربو لخالتو ابتسام و ورهم وضربو لبابا لكن للاسف م كان بقدر اجي وحبسوني عند خالتو ابتسام.
اياد:البيت رحيتو طلح طلح😹😹بتين اجيب مرتي.
خ ابتسام:اصلك م نافع همك في العرس.
انا:مرتك منو هسي جيبها وعرسا.
اياد:لالا عرسك ده مكلفت😹😹انا داير عرس بي فن و فنانين.
انا:واصل وعدني بعرس ابداع.
اياد:واصل ده ماسورة واقسم.
وصال:اسمو حبيبي واصل😹😹.
انا:ي بت قدي من هنا..
وصال:اح شوكشوني واياد كل يوم يقول لي عرسك مكلفت كلفتة...
يتبععع...
