انا:بتخسرو بعض لمن تكون هي عايشة اول.
لين:كلامي حرقك صح تحت العيون الكبيرة الواسعة دي ياما موتي شباب جيتي السودان اجازة وحدة م خليتي ولد م لفيتي ماشة فيهم موضة وفاكة ليهم الشعر ده و مرقتي بعريس وفوق م انتي متزوجة لسة بتقدمو ليك.
واصل:لين قلتا ليك اسكتي اسكتي.
لين عاينت لي كده وقالت ليو انت كمان بدافع ليها لي وريني وجات علي ختت اصبعينها في دقني ودنقرت فيني {هي اطول مني} نعل انت زاتك خايف على العيون الزرقاء دي تنجرح و تتملي دموع اواب خاطب قربتي تلفي معز خاطب لفيتي وانتهيتي خالد شلبتي اياد جبتي كمال جبتي وايمن جبتي والاحلى مهندسين و دكاترة ي شييييخة قلتي لي امك ماتت و كل اولاد الشعب عاملين على امك حداد ولا شنو؟!
انا لزيتها لورة ومسكتها من شعرها وقلتا ليها امي م تجيبي سيرتا وتعالي اوريك انا بعمل ليهم شنو كفتها ليك كف وبقيت جارها من شعرها...
انا:الليلة شعرك ده بمرقو في يدي قلتي لي شنو سميتيني شنو خطافة اي خطافة .... يدي وحده في شعرها و اليد التانية في وشها لمن جاب دم.
واصل جا مسكني من وراء وبقى يضغط علي عشان افكها وانا لسه جارها.
واصل:هند فكيها.
وانا لسة جارها اي ي ستي عاملين حداد انت زاتك اعملي حداد على وشك ده...واصل ضاغط على معصمي فكيتا وهو فكاني.
لين:انت صحي وحده مجنووونة.
انا:دقيقة اوريك مجنونة ولا لا وشلتا المزهرية و فكيتا ليك فيها قامت جارية فتحت الباب وجرت وانا دايرة اجر وراها واصل مسكني وانا متلفتة على الباب بعاين ليها و عيوني ديل لمن حمر لمن هي اختفت من انظاري.. لزيت ليك واصل.
انا:اها فلتت كده عاجبك يعني.
واصل:عايزة تقتليها يعني.
انا:اي بقتلها وبقتل عشرة زيها...اها انت زاتك امش الحقها..طلعتا القرص من جيبي.
انا:بتديني الحبوب دي من بتين؟!ولي.
واصل:دخل الاوضة لبس ليو قميص سريع سريع وشال المفتاح.
انا:اها اها اجر وراها بس م تكوون ماتت.
واصل:لو حصل ليها حاجة حتدفعي التمن غالي.
انا:هههههههههاي كووويس بس انت لو خليتا لي خمسة دقايق زيادة كان طلعتها عشانك جنازة.
واصل ضرب الباب بيدو و طلع سريع سريع وانا شلته المزهرية كسرتها في الباب.
انا:لين لين لين كيييف تتكلم معاي انا هند عبدالرحمن كده امانة ما اخليها...ومشيت قعدتا في الكنبة ختيت يدي في شعري و رقدتا في الكنبة و غمضتا عيوني بعد مسافة عاينتة لمعصمي لقيتو محمر مشيت المطبخ شلتا لي تلجة وبقيت امرر فيها ختيت التلجة في كورة وخشيت الحمام فتحتا في نفسي الدش وانا لسة معصبة لمن خلاص هديت طلعتا غيرتا هدومي و رقدتا في السرير غمضتا عيوني وبقيت افكر حأعمل ليها شنو انا البت دي
عشان اوقفها في حدهاا واوريها انا منو طيب هي بتعرف الحاجات دي عني من وين و الوراها منو لازم يكون في تفسير منطقي للموضوع شلتة تلفوني وبقيت اقول اواب خالد معز ايمن اتصل بمنو امممم لين اريج خالد اواب معز ايمن اياد...اممم اياد ده لو خلينا برة الموضوع حنسلط الضوء على خالد!! طيب اشمعنا خالد عشان هي زكرت اريج فبتالي خالد هو الخيار الصحيح معناها خالد اوكي حأتصل بخالد{شايفنا الزكى العندي ده😌😌}...شلتة تلفوني وفتحتا القائمة عاينتة للرقم نفرض اتصلتا ليو حيسألني اسألة كتيرة امممم لقيت فكرة وطوالي رنيت في الرقم...
خالد:الوووو.
انا:اهلين ي خالد معاك هند.
خالد:ي هلا والله نورتي.
انا:بنورك والله...اخبارك وصحتك وامورك.
خالد:كلووو تمام والحمد لله وانتي كيف؟!وكيف واصل؟
انا:والله الحمد لله كلو تمام التمام اها كيف مشروع التخرج!!
خالد:والله قربتا فضل حاجات بسيطة بس.
انا:اهااا كويس والله كنتة عايزة اسألك.
خالد:انفضلي.
انا:لاقيت لي بت الليلة في السوق كنتا عايزة اشتري لي حاجات ميكب اب وكده.
خالد:وبعدين.
انا:المهم سلمت عليها وجرت الونسة واتعرفنا على بعض قلتا ليها انا هند وكده.
خالد:اها.
انا:المهم بجاي بجاي قلتا ليها اياد ده ود خالتي وطلعت بتعرفكم كلكم.
خالد:امممممم...كملي.
انا:وقالت بتعرف اريج وكده سألتها بتعرفك من وين غمزت لي وقالت لي اسألي خالد ودقيت عشان اعرف.
خالد:اسمها منو؟!
انا:لييين.
خالد:لين لين لين.
انا:ووواي لو قال م بعرفا{في سري}.
خالد:ليييين دي اخت اريج اتلقي مش اطول منك بشبرين كده😹😹✊.
انا:شبرين في عينك طممتا ليي بطني.
خالد:معليش معليش لكن دي اخت اريج.
انا:كر علي م تكون حكت ليها عني وما تديني وش.
خالد:لالا م اظن اها انا حأقفل بعد كده عشان انا طالع.
انا:اوكي مع السلامة.
خالد:الله يسلمك.
انا اهاااااا بقت الحكاية كده طلعو المزز اخوات والله كويس 😏😏 نشوووف ورقدتا وانا بفكر لحدي م غفيت...بعد 10دقايق جا واصل بكورك طوالي كشرت ملامحي جا لقاني راقدة جراني من يدي..
واصل:كل م احاول اهدى انت بتخليني اعصب.
انا:كنتا وين انت وخلينا من عصبتك دي.
واصل:بطلي تسأليني كنت وين وجيت من وين وماش وين وانت مع منوو خليك في حالك يكون احسن اسمعي كلامي ده سمح لين دي شيليها من راسك والكلام ده م اعيدو تاني...
يتبعع
