واصل:شنو لي ماشة المطار؟!
انا:طيارة بابا الساعة8:30قوم عشان نلحق.
واصل:طيب...لبس هدومو..قومي اللبسي.
انا:اللبس شنو؟!م هدي لابسة.
واصل:عايني ي بت الناس طالما انت في زمتي اللبسي كويس.
انا:دي طريقة للبسي وم عندك فيني اي شغلة.
واصل:هند م تختي راسك في راسي.
انا:انا م خاتة راسي في راس زول قلتا ليك ده لبسي كده.
واصل:مطار كده ماف.
انا:وكمان غير كدا ماف مطار.
واصل:كويس خلي النوريك...كبا الشنطة كلهاا في الواطة حتى التياب...
واصل:شايفة؟!
انا:
طلع من جيبو ولاعة و جدعها في الهدوم انا طوالي مرقتة برة الاوضة من الدخان...بعد15دقيقة جا جراني قال لي شايفة الرماد ده؟!انا م بعيد كلامي مرتين صلحي لبسك بمعنى صلحي لبسك.
انا:دكتاتوري على نفسك م علي.
واصل:انا في وانتي في ونشوف كلمة منو البتمش و طلع فات...
بس بركتا في الواطة وختيت يدي في شعري و خلاص و شي ده كلو عرق{لمن اضايق او كده} بس بقيت ساعتين قاعدة كدة بعد كده ضرب لي بابا..
بابا:مالك م جيتي ودعتيني في المطار.
انا:ولا يهمك ي الحبيب حصل خير بجيك انا.
بابا؛انت كويسة واصل بعاملك كويس.
انا:م تشغل بالك بس خلي لي بالك من نفسك.
بابا:حاضر من عيوني ديل.
انا:تسلم لي عيونك..
انا:بابا انت بتكلمني من وين؟!
بابا:مصر.
انا:الوداك شنو؟!
بابا:من مصر ماش الامارات ومن الامارات بمش امريكا.
انا:شغل ولا شنو؟!
بابا:لالا بس قلتا اغير جوو.
انا:طيب استمتع بعطلتك....بعد كده اتونسنا و قفلتا الخط
نزلتا تحت معاي ميساء..
انا:ميساء م بتعرفي ليك صراف الي؟!
ميساء:هدا قريب مشينا سوا..
وطبعا سحبتا لي اتنين مليون وانا اصلا عندي اكتر من بطاقة وحسابي مليان بابا كان بنزل لي من فترة لي فترة لو احتجتا حاجة والشي البسيط عندنا في السودان كتير.
شلتهم مشيت السوق اشتريت لي لاجنز واسبورتين و بنطلونين جينز{يعني امشي حالي}وشبشب بيت و فنايل و داخليات...فضل لي زي150بس مشيت اشتريت منها لابشكري جبنة بوك وجردل طحنية وميرندا باقة كبيرة وشلتة لي عيش ورجعتا البيت...
دخلتا حاجاتي التلاجة والهدوم دخلتهم الاوضة عشان جداد اديتهم غسلة وختيت الاسبورتيات.
واصل:جبتي القروش من وين؟!
انا:م عندك شغلة.
واصل:ي بت الناس احسن تجاوبي جبتيهم من وين.
انا:م بجاوب جا شال المحفظة طلع البطاقات عاين ليهم و دخلهم تاني.
واصل:انا راجل زي الرجال م برضى مرة في زمتي تدخل علي قرش من بيت ابوها.
انا:ما دخلتو عليك دخلتو على نفسي.
واصل:قلة ادب كتيرة م بتنفع.
انا:مرقتة خليت ليو الاوضة جبتا جردل الطحنية حشيت لي نفسي حشوة وقعدتا اكل.
واصل:افهم شنو؟!
انا:افهم اني مرة بت راجل وقروشك دي تحرم علي و جميل منك م دايراو...شال تلفونو و وطلع هدومي نشفو نزلتهم و خشيت استحميت و غيرتهم...والباقيات رصيتهم في الشنطة...قعدتا احضر.
واصل:الرماد ده لي م لميتو.
انا:
واصل:بتكلم معاك.
طوالي نزلتا من السرير وجيت وقفتا قدامو انت لي م عاوز تفهم انا بحاول اتجنبك خليني في حالي م عندك معاي شغلة م بلم ليك رماد كان تبقى شنو داك م شغالة عندك انا عايز تاكل داك المطبخ وسختا حاجة تلمها.
واصل:اها النوريك كمان طالما انت في زمتي باب البيت ده م بتعنبي لو عتبتي بقطع رجلك.
انا:تمام.
بس بقيت حاصرة نفسي مع نفسي رجعتا لحالتي الاولى قبلي ما يجيبوني السودان...وحنتي طلعت وحالتي بالبلا
حتى واصل بقيت م بشوفو كتير وقافلة على نفسي الاوضة...مرة اسبوع وانا في حالتي دي.
واصل:هند افتحي الباب.
انا:خير عاوز شنو؟!
واصل:افتحي و بوريك.
مشيت فتحتا ليو الباب بقى واقف بعاين لي من فوق لي تحت.
واصل:ده شنو العاملة في نفسك ده هسي لو امي جات او وصال جات او اياد يشوفك كده.
انا:كلهم حتى انت م عندك معاي شغلة لو خليت نفسك في نفسك يكون احسن وانا راجعة واشنطن.
واصل:على طول بتسمعيني النغمة دي انك راجعة لمن الله يسهلا.
انا:خير.
واصل:طيب اجهزي عندي اصحابي اتنين وفي نفس الوقت زملان شغل جاين هم زوجاتهم.
انا:لا بجهز لا مارقة من الغرفة دي اصحابك ضيفهم وامشي جيب لين خليها تستعرض ليهم.
واصل:لين وتستعرض انت قايلاها زيك الطالع و النازل يتكلمو فيها.
انا:عشان الطالع والنازل بتكلمو فيني جيب لين.
واصل:لين اسمها على خشمك م بتجيبيو.
انا:م عاوزة معاك نقاش كتير هي لين شنو البتهزني انا ارجغ لقوقعتك.
واصل اداني كفين لمن عملو صدى صوووت بس بقيت بعاين ليو.
واصل:عشان قوقعتك دي قلتيها لي مرتين تالت مرة تتكلمي معاي بأحترام واظن ابوك زاتو عارف خلقتك دي زول دايرة ماف قام سلكك فيني.
انا:بس رجعتا قعتا في السرير بتاعي و خشمي ده م فتحتو...وتاني لي الصباح م شفتو ما عارفة اصحابو جو ولا م جو خشيت المطبخ اشيل صحن صحن واكسرو في الواطة واصل جا جاري مخلوع بعاين لي.
انا:شايف الصحن ده ورميتو طوالي على الارض صحن ورا صحن وكباية ورا كباية وبقيت بجدع الكبابي في الحيط...
واصل:هند براحة م كده اسمعيني المشاكل م بتتحلى بالطريقة دي...
يتبعع
