كسرة

٤٩

#كسرة للمجتمع{تركييز}
فجيت ليك الناس ودخلتا في النص...قشطا ليك الولد كف و لحقتو التاني...واتلفتا على البت.
انا:بتبكي لي وريني غلطي في شنو.
جات وحدة ناطة وقالت هي لو كانت لابسة كويس م كان هبشة.
انا:انت مدام متخلفة وده فهمك م مشكلتي ومالو لبسة عشان الخطوة دي؟!هسي انت اللابسة لي اسكيرتي و طرحة نافعة؟؟كلكم متخلفين هو البلد دي زول سايطا غير البلبسو عبايات مااااف وهو زاتو الود المحترم ده كان قعدت جنبو بت عريانة م بعاين ليها😏😏الاحترام احترام والادب ادب ولا شنو؟!
سكتهم ليك زوووول فتح خشمو ماف والولد ده بحمر لي بس.
انا:عينك دي نزلها عشان م اقدها ليك😏😏وعاينت ليو من فووق لي تحت وجريت البت من يدها.
وطبعا لين و واصل بس بتفرجو و عليهم الدهشة😳😳
اتناولتة لي موية صافية من دكان واديتها تغسل وشها
البت:شكرا ليك بجد عملتي معاي معروف.
انا:ولا يهمك انا زاتي بت م برضاها لي نفسي.
البت:انا م م كان قصدي.
انا:ولا يهمك انت كويسة وسمحة وجميلة ورزينة من دواخلك💜 وانت فاهمة وعاقلة ويوم الوقف العظيم ماف زول حيتحاسب معاك ولو الحاجة انتي م اقتنعتي بيها م بتسويها💜.
البت:بجد كلامك خفف علي انا اسمي وهج💜.
انا:وانا اسمي هند تشرفنا ي وهج.
وهج:شرف الله قدرك💜..
واصل:ي هند.
انا:ايووا ي واصل دقيقة بس...تعالي معاي ي وهاد اعرفك💜.
انا:وهج ده واصل ودي لين.
وهج:تشرفنا ي شباب💜.
لين:لينا الشرف هند نمشي بعد كده..
انا:طيب يالله.
وماشين على العربية وهج كوكرت لي..
وهج:ي هند...اتلفتة عليها.
انا:عيوونا.
وهج:يسلمو عيونك بس ممكن رقمك و عنوانك.
انا:اممم طيب م عندك مشكلة سجلي عندك09.
وهج:و العنوان💛.
انا:ههه عاوزه تجيني ولا شنو؟!
وهج:ايووون.
انا:خلاص نتلاقى في الواتس و بوصف ليك.
وهج:اوكي م عندك اشكالية...ومشينا ركبنا العربية دورنا و ودعنا وهج.
واصل:م كان في داعي تدخلي.
انا:اتلفتة عليو وفكيت حزام الامان واتربعتا في الكرسي و قلتا ليو بجد! انت شايف كده.
واصل:مشكلة م بتخصك.
انا:لا بتخصني المجتمع كلو كان واقف ضدها واسمعني ي واصل فهمكم السوداني ده كلووو غلط في غلط لي الناس بترمي الغلط على البت مهما بدر رجال و نساء بقيفو ضدها هسي سؤال اي بت لبسها محترم شريفة؟!
واصل:لا لكن برضو.
لين:الوحدة لو م احترمت زاتها زول بحترمها ماف.
انا:احترام الذات م بلبس✋ احترام الذات بكون لمن اي زول يعرف حدودو مع الناس وصلت.
وربطة حزام الامان و سكتا
انا:انت عارف ي واصل السودان الانا شايفة اليوم في 2018مليء بذئاب البشرية ومليء بقلة الفهم و الثقافة.
واصل:كييييف؟!
انا:ماما كانت بتحكي لي انو هم زمان ايام طفولتهم عندهم انو ولد الجيران عندو كلمة على كل بنات الحي💛 يعني ماف ولد مهما كان نسبو بعاين ليك بنظرة م كويسة هسي بقو كشافين حال اخت فلان واخت علان الشعب شاغل نفسو بناس اكتر من م يعاينو لنفسهم.
لين:م بتقدري تغيري نظرة المجتمع.
انا:فعلا م بقدر لكن نحنا كجيل لمن فهمنا يكون مختلف الاجيال التانية بتطلع غير...الزمن الاحنا فيو زمن صعب الاخت م بتضمنها مع اخوها ي م بنسمع قصص وحكيات منافية للاخلاق حاجات م بتشبهنا نحنا كمجتمع سوداني.
واصل:متأكده انك اتربيتي في امريكا؟!ي بت ي خطيرة
انا:ههههه.
لين:الولد ولد والبت تحترم نفسها.
انا:اتلفتة ليها وعاينتة ليها وقلت:اسمعيني ي لين نحنا دايما بنضبط البت لدرجة انو نكتم عليها النفس صاح وبعد ده كلو بحصل الغلط لكن لو خلينا البنات وضبطناهم بقدر معين الامور بتكون تمام وزي م ضبطنا البت نضبط الولد.
واصل:كيييف.
انا:المووضوع بسيط بالتربية.
لين:م فهمت.
انا:ننشىء جيل مشبع بالافكار السبعينية التربية الكانت بتقوم على انو اي بت اختكك وصدقيني طالما اولادنا افكارهم صحيحة بعاينو للبت بنظرة شريفة بناتنا بكونو بخير لو اولادنا بخيير بناتنا ببقو بألف خير لو الاولاد انصلحو البنات بنصلحوو لانو هم الضابط وهم الكلمة.
واصل:💜فكرك بجد جميييييييل جدا فعلا لو الاولاد بخير البنات بالف الف الف خير💜.
لين:
و وصلنا لين و اتجهنا نحنا على بيتنا
واصل:كلامك حلو سكتيني.
انا:م عارفة غايتو لكن اي شي عندكم غلط بمليووون غلط
واصل:كيف.
انا:مثلا ماااف اسلوب بتاع نقاش هو جيل السبعينات زمنهم كان جميل لكن ليهم عيوووب انتو زاتكم ماخدنها.
واصل:كيف؟!
انا:اسلوب النقاش الزكرتو جبيل ده ماف البتة انت م بتقدر تناقش ليك زول عمرو كم واربعين كم وخمسين في فهم هو خاتي في راسو.
واصل:برضو م فهمت.
انا:واصل النقاش عندكم اسمووو قلة ادب جادة انا م بتقدر توري زول اكبر منك طريقة تفكيرك اول كلمة بتطلع منو لو حاولت تغير فكرة انت قليل ادب.
واصل:100%بتفق معااك...مستحيييل م تطلع الكلمة دي نص الشعب السوداني كده.
انا:نصف!!كل الشعب كده...لكن زي م ليو عيوب ليو اجابيات الشعب السووداني مشهووور بالطيبة دي خصلة جميلة مفروض يتوارثوها ويزرعوها من جيل لي جيل💜
واصل:ان شاء الله...
يتبع