رحيل

الفصل الأول

اهلا بيكم احب اعرفكم على نفسي انا رحيل الجارحي دكتوره رحيل الجارحي انا دلوقت عندي ٣٥ سنه وعندي احلى ولد وبنت في الدنيا عايزه احكي لكم حكايتي من خلال مذكراتي حكايتي غريبه زي حكايات الأساطير اللي كانوا بيحكوها لنا زمان تعالوا معايا نرجع بالزمن سنين كتير اوي
تبدأ حكايتي لما امي فيروز راحت تشتغل في قصر الجارحي اه مهي امي كانت بتشتغل عند عيله الجارحي لان والدها كان الجنايني عند هم وهي لما بقى عندها ١٨ سنه اشتغلت معاه
يلا نبدأ مع بعض
في قصر كبير اشبه بقصور الملوك والبشوات نجد رجل ذو هيبه ينزل من على الدرج ويرتدي بدله سوداء انيقه ويمسك في يده السيجار ويدخنه فهو راشد باشا الجارحي
راشد :خير يا سعيد كنت طلبت تقابلني
سعيد :هو والد فيروز ويعمل في حديقه القصر
سعيد :ايوه يا سعاده الباشا انا طمعان في كرم سيادتك انك توافق ان بنتي فيروز تيجي تشتغل وتعيش معايا هنا في اوضتي اللي في الجنينه
راشد :ليه يا سعيد بنتك لسه صغيره على الشغل وبعدين هي مش هتكمل تعليمها
سعيد :لا يا سعاده الباشا كفايه عليها كده هي كانت قاعده عند خالتها في البلد بعد وفاه امها بس خالتها هتسافر مع جوزها وهي لازم تعيش معايا
راشد :طيب يا سعيد هاتها وخلي عاليه تشوفها وانا هأمرهم انهم يجهزوا لها الاوضه التانيه اللي جنب اوضتك
اقترب عزيز من راشد وامسك يده وقبلها :ربنا يخليك يا باشا ربنا يعمر بيتك ربنا يطول عمرك ويزيدك من نعيمه
مرت الايام وأتت فيروز مع والدها سعيد لكي تعمل معه في قصر الجارحي
مرت الايام والسنين وأتت رحيل الي الدنيا ودارت الايام ومرت السنين ووجدت رحيل نفسها وحيده بعد وفاه والدها ووالدتها ولم تجد لها أي مأوى سوي قصر الجارحي فعاشت فيه تعمل خادمه فيه وتعيش في حجره الخدم داخل حديقه الفيلا وتراعاها سيده حنونه تدعي داده سعيده فهي تعمل داده في قصر الجارحي
في يوم غير عادي استيقظت رحيل من النوم على صوت داده سعيده
داده سعيده :رحيل رحيل قومي بقى يا حبيبتي ورانا النهارده شغل كتير
فتحت رحيل عيونها :صباح الخير يا ماما سعيده
داده سعيده :صباح الخير يا حبيبتي يلا قومي عندنا شغل كتير وعاليا هانم أعلنت حاله الطوارئ في البيت كله
نهضت ليالي من الفراش وهي تلملم خصلات شعرها الحريريه :ليه يا ترى في ايه النهارده
داده سعيده :اصل جاسر بيه جاي
ابتسمت رحيل وهمست :جاسر بيه
داده سعيده :ايوه وهيعيش هنا على طول أصله هيمسك الشركات وكل حاجه مكان راشد باشا
سرحت رحيل بخيالها وعادت بذاكرتها للخلف عندما شاهدت جاسر لأول مره
Flash back
كانت رحيل عائده من المدرسه وكانت متأخره وتخشي من غضب عاليه هانم من والدتها حيث أن والدتها كانت مريضه وكانت رحيل تقوم بالعمل بدلا عنها فكانت تركض ولكن فجأه كادت ان تصدمها سياره مسرعه كانت خارجه من القصر أثناء دلوف رحيل اليه ففزعت رحيل وسقطت على الأرض ونزل من السياره شاب وسيم جذاب نعم فهو جاسر فزع وركض عليها ليتفحصها
نزل جاسر لمستواها على الأرض ومد يده ليساعدها على النهوض
جاسر :انا اسف يا انسه بس انت كنت بتجري ومش مركزه في الطريق
رفعت رحيل عيونها ونظرت اليه
جاسر لنفسه :ايه الجمال ده احلى عيون شفتها في حياتي
رحيل :انا اللي اسفه لحضرتك اصلي مستعجله اوي
جاسر :انت كويسه تحبي نروح المستشفى نطمن
نهضت رحيل من على الأرض :لا ملوش لزوم شكرا انا كويسه الحمد لله
جاسر :انت جايه تزوري حد هنا
نظرت رحيل بخجل الي الأرض :لا انا بشتغل هنا
جاسر :حظي وحش لاني ما شفتكيش قبل كده
فجأه شهقت رحيل :انا اتاخرت اوي بعد اذنك لازم ادخل وركضت رحيل للداخل
جاسر :طب استني ما اتعرفناش انا جاسر ولكن رحيل لم تجبه وركضت بعيدا واختفت عن نظره
رحيل لنفسها :جاسر اسمه حلو اوي
عاد جاسر الي سيارته ولم تراه رحيل مره اخرى
Back
داده سعيده :رحيل رحيل روحتي فين
رحيل :هه بتقولي حاجه يا ماما سعيده
داده سعيده :ايوه يا بنتي يلا قومي افطري وغيري هدومك مش عايزين عاليا هانم تتعصب علينا
رحيل :حاضر يا ماما سعيده ثواني وهكون تحت امرك
في الأسفل نجد عاليا تقف في كبرياء تأمر الخدم بتجهيز جناح جاسر في القصر وتعطيهم التعليمات لتحضير وليمه الغداء عند عوده جاسر
عاليه :مش عايزه اي غلطه لازم كل حاجه تبقى مظبوطه
الخدم :تمام يا هانم
ثم نظرت الي الدرج حيث تجد ابنتها شهد تنزل من عليه
شهد :صباح الخير يا مامي
عاليا :صباح النور رايحه فين
شهد :اكيد رايحه الجامعه
عاليا :مش انا قلت لك امبارح مفيش داعي تروحي الجامعه انهارده عشان تكوني موجوده في استقبال جاسر
شهد بامتعاض :يوه يا مامي وانا اكون في استقباله ليه انا مالي انا عندي محاضرات مهمه
عاليه بصوت عالي :انت ليه مش عايزه تفهمي جاسر هو اللي هيبقى في ايده كل حاجه جدك بعد وفاه اخواتي والشركه كانت هتقع و لولا جاسر هو اللي قومها تاني قرر يخليه مسؤل عن كل حاجه واحنا لازم نقرب منه عشان نضمن حقنا
شهد :حق ايه يا ماما انا اللي اعرفه ان جاسر هو اللي عمل كل حاجه بنصيبه في الورث اللي جده كان وزعه زمان زي ما طلبتي يبقى كل حاجه بتاعه جاسر واحنا ملناش حق فيها
عاليه :انت بتخرفي بتقولي ايه احنا لينا حق في كل حاجه الفلوس دي كلها كانت فلوس امي الله يرحمها وكانت من حقي انا وجدك اللي راح اتجوز بعد وفاتها وخلاهم يشتركوا في المراث بس كل حاجه هي حقي انا
شهد :مامي انا معنديش وقت دلوقت اناقش حضرتك في الأمور دي انا لازم امشي بعد اذنك
وتركتها شهد وذهبت
عاليه :غبيه
سمعت صوت مهاب وهو قادم من الخارج
مهاب :مين اللي مزعل عاليه هانم على الصبح
عاليه :اختك هتجنني
مهاب :ليه يا مامي عملت ايه
عاليه :مش مهم دلوقت انت كنت بايت بره
مهاب :اه اصلي كان عندي شغل كتير اوي
عاليه :شغل ايه انت فاكرني هصدق الكلام ده انت مش هتبطل عمايلك دي سهرك واستهتارك اللي خلت جدك يحط كل حاجه في ايد جاسر
مهاب :ما تخافيش يا ماما جاسر ده انا هعرف ألاعبه ازاي واخليه يرجع مكان ما جه
ثم نظر مهاب الي الباب فوجد رحيل تدخل منه
نظرت لها عاليه :ما لسه بدري يا رحيل هانم
رحيل :اسفه يا هانم اصلي كنت سهرانه بذاكر طول الليل
عاليه :انت هتحكي لي قصه حياتك انا مليش دعوه بمذاكرتك دي انت هنا بتشتغلي يبقى تلتزمي مش كفايه فاتحين لك البيت تعيشي فيه يلا اتفضلي اطلعي الجناح اللي في الدور الثالث تنضفيه وتوضبيه وبعدين تدخلي المطبخ تساعديهم في تحضير الأكل
رحيل :تحت امرك يا هانم
صعدت رحيل الي الأعلى لتقوم بعملها فظلت تعمل وهي لا تشعر بالوقت فارادت ان تريح قدمها قليلا فجلست على الكرسي ثم سمعت صوت الباب يفتح فنهضت سريعا
دلف جاسر وعاليه وزوجها ومهاب الي الجناح
عاليه :اتفضل يا حبيبي الجناح بتاعك جاهز انا أشرفت عليه بنفسي
جاسر :شكرا ياعمتي مكنش فيه لزوم تتعبي نفسك
نظرت عاليه لرحيل :انت واقفه عندك بتعملي ايه مش خلصتي شغل هنا يلا انجري على المطبخ
رحيل :تحت امر حضرتك
خرجت رحيل وهي تشعر بشعور غريب فهي سعيده لرؤيه جاسر
رحيل :معقول هشوفه كل يوم انا مش مصدقه انه رجع تاني
ثم فزعت رحيل عندما وجدت يد تمسكها من خسرها نعم فهو مهاب يحاول مضايقتها
رحيل :مهاب بيه ارجوك نزل ايدك
مهاب :اسمعيني بس طوعيني وانا اخليكي هانم
رحيل :ارجوك يا مهاب بيه بلاش كده ابعد عني
حاول مهاب ان يمسكها وهي تحاول الفرار من يده فسمع صوتها جاسر وعاليه وزوجها
جاسر :ايه الصوت ده في حد بيصرخ
عاليه :تقريبا تعالي نشوف في ايه
خرجوا الي الخارج ووجدوا مهاب يحاول مسك رحيل من زراعها وهي تحاول الفرار منه
عاليه :ايه اللي بيحصل هنا
مهاب :مفيش يا ماما انا كنت بقولها تعمل لي قهوه بس هي قالت إنها مش فاضيه خلاص يا رحيل انا هخلي حد من تحت يعملها
جاسر :بس انا شفتك وانت ماسك ايدها
عاليه :اه صحيح تلاقي البت دي كانت بتحاول معاه اصل انا عارفه الأشكال دي كويس مهي طالعه لأمها
رحيل :ارجوكي يا هانم بلاش تجيبي سيره امي انا معملتش حاجه مهاب بيه هو اللي
فجأه نزلت صفعه قويه من يد عاليه على وجه رحيل جعلتها تسقط وترتطم راسها بالأرض
عاليه :اخرسي ياسافله انت من النهارده مالكيش عيش هنا يلا لمى هدومك وارجعي للشارع اللي انت وامك جيتوا منه
وقف جاسر أمام عاليه
جاسر :ليه كده يا عمتي
عاليه :معلش يا جاسر مكنتش عايزاك تشوف كده اول ما توصل بس البنت دي زودتها اوي
قام جاسر بمساعدة رحيل على النهوض :خلاص يا عمتي اتفضلي انت يا انسه شوفي شغلك
عاليه :انا قلت البنت دي تمشي
جاسر :لا يا عمتي مش هتمشي حتى عشان خاطري بلاش قطع العيش
عاليه :طبعا انت خاطرك كبير عندي يلا غوري وروحي على المطبخ ومش عايزه اشوف وشك النهارده ابدا فاهمه
ركضت رحيل وهي تبكي حتى وصلت للمطبخ
داده سعيده :مالك يا بنتي بتعيطي ليه
سردت لها رحيل ما حدث
داده سعيده :معلش يا بنتي ربنا موجود
رحيل :انا معملتش حاجه عشان انضرب
داده سعيده :احنا غلابه يا بنتي ولو مشينا من هنا هنروح فين
رحيل :مهو ده اللي مصبرني ربنا يقويني لحد ما اخلص الجامعه ومحدش هنا هيشوف وشي تاني
مر اليوم بسلام ولكن كانت رحيل تبكي طول اليوم ولم تتناول الطعام
في المساء ذهب الجميع الي النوم
داده سعيده :مش هتقومي ترتاحي يا حبيبتي
رحيل :لا يا ماما سعيده انا هخلص بقيه الشغل واذاكر شويه
داده سعيده :خلي الشغل لبكره وذاكري احسن
رحيل :حاضر يا ماما تصبحي على خير
داده سعيده :وانت من اهل الخير
ذهبت سعيده للنوم وتركت رحيل تذاكر
شعر جاسر بأنه يحتاج إلى كوب من القهوه بعد يومه الطويل وحديث عمته معه فقرر النزول الي المطبخ ليصنع لنفسه القهوه ولكنه وجد رحيل تجلس في المطبخ ولم تشعر به لأنها كانت تذاكر ظل ينظر لها وهي تضع القلم في فمها وتعبث بخصلاتها الحريريه بيدها فشعر كأنها حوريه من الجنه وظل يتأمل فيها وفي جمالها ثم فاق من شروده فيها وتنحنح
جاسر :احم احم
نهضت رحيل بسرعه ونظرت له :جاسر بيه
جاسر :اسف لو كنت خضيتك انا كنت نازل اعمل فنجان قهوه ومكنتش اعرف ان فيه حد لسه صاحي
رحيل :انا كنت بذاكر
جاسر :انت بتدرسي ايه
رحيل :انا في أولى ألسن
جاسر :برافو ألسن كويس اوي انت اسمك رحيل مش كده
رحيل :ايوه
جاسر :تشربي قهوه معايا
رحيل :العفو يا فندم ارتاح حضرتك وانا هعمل القهوه
جاسر :لا انت اقعدي كملي مذاكره وانا هعمل القهوه هه تحبي اعملك قهوه معايا ولا اعملك نسكافيه بصي انا عندي فكره حلوه انا هعمل نسكافيه ليا وليكي
رحيل :مش عايزه اتعب حضرتك
جاسر :مفيش تعب ولا حاجه انا قعدت لوحدي بره كتير ومتعود اخدم نفسي انا مش هعطلك عن المذاكره هشرب معاكي النسكافيه واقوم
رحيل :لا مفيش عطله ولا حاجه
جاسر :انت ليه بتذاكري في المطبخ ليه مش بتذاكري في اوضتك
رحيل :اصل الاوضه اللي في الجنينه مش ليا لوحدي معايا ماما سعيده وهي بتكون تعبانه طول اليوم وعايزه ترتاح فبذاكر هنا عشان مازعجهاش
جاسر :اتفضلي النسكافيه ثم جلس أمامها خلاص مكتبي تحت امرك كل يوم بالليل تدخلي وتقفلي عليكي وتذاكري فيه
رحيل :ده كرم كبير من حضرتك انا مش عايزه اسبب ازعاج لحضرتك
جاسر :ازعاج ايه مفيش اي ازعاج انا بخلص شغلي على الاب توب في اوضتي
فجأه سمعوا صوت عمر وهو يهتف :لولو حبيبتي سمعت ان الساحره الشريره ضربتك ثم صوت حنين شقيقه جاسر
حنين :على رأي داده سعيده :ضربتك ليه اللي تنشك في ايدها
ثم دلفوا الي المطبخ ووجدوا جاسر في الداخل يقف وينظر لهم ويضع زراعيه حول صدره
جاسر :بتقولوا ايه بقى سمعوني تاني
حنين :ابيه جاسر