عمر :بتعملي ايه يا هنا يا حنين ومين ده
حنين :ابيه عمر
عمر :هه ردي عليا مين ده وانت ليه مش في الجامعه
حنين : ممكن تهدي وتقعد نتكلم بالراحه
نظر لها نائل :طيب هستاذن انا يا حنين وهبقي اكلمك
انصرف نائل وتبعه عمر بنظره حتى اختفي من أمامه
جلس عمر أمام حنين :هه انا هديت اهه وقعدت ممكن اعرف مين ده وانت بتعملي ايه هنا
تنهدت حنين ثم قالت :ده نائل زميلي في الجامعه و
عمر :وايه
حنين :واحنا مرتبطين ومتفقين انه يتقدم لي
شعر عمر كان قلبه انشق نصفين عند سماعه لكلامها
عمر وهو يحاول يسيطر على مشاعره :وليه مجاش أتقدم لجاسر عشان يطلبك منه
حنين :هو لسه في سنه ٢ واحنا متفقين انه يتقدم لي لما يخلص دراسه
عمر :وطول الفتره دي هتفضلوا تتقابلوا كده من ورانا
حنين :انا عارفه ان اللي بعمله ده غلط بس مش عارفه اعمل ايه
عمر :بتحبيه
حنين :ايوه
شعر عمر وكان العالم يضيق عليه ويريد ان يصرخ بها انا أحق منه بحبك انا اعشقك منذ الطفوله انا حبيبك وليس هو ولكنه استطاع ان يخفى مشاعره
حنين :طبعا يا ابيه عمر انت مش هتقول لأبيه جاسر
عمر بابتسامه جانبيه :اطمني انا مش هقول لجاسر بس انت اوعديني انك مش هتقابليه بره الجامعه تاني
حنين :اوعدك
عمر :وهو مشي ليه وسابنا مش المفروض كان وقف وعرف انا مين
حنين :لا مهو عارفك انا حكيت له عنك وعن ابيه جاسر
عمر :تمام يلا عشان اوصلك الجامعه
حنين :يلا بس هو انت كنت جاي هنا ليه
عمر بتلعثم :هه اه كان عندي مقابله مع واحد صاحبي هنا
حنين :طيب هتمشي مش هتستناه
عمر :لا مهو مش جاي
حنين :اوك يلا بينا شكرا ليك انك اتفهمت موقفي
عمر :انت زي اختي يا حنين ولو احتاجتي اي حاجه ما تتردديش في لحظه انك تحكي لي
وانصرف عمر مع حنين واوصلها الي الجامعه ثم ذهب هو يسير بسيارته لا يعلم أين يذهب
عند جاسر
ارتدي ملابسه وتوجه الي الشركه وعندما وصل وجد مني السكرتيره في انتظاره
مني :صباح الخير يا جاسر بيه قهوه حضرتك هتبقى جاهزه بعد ثواني
اومأ لها جاسر ودلف الي مكتبه
أحضرت مني القهوه ووضعتها على المكتب
جاسر :شكرا يا منى بعد اذنك ممكن تطلبي من عمر ييجي عشان نجهز الاجتماع
مني :بشمهندس عمر لسه مجاش يا فندم
جاسر بدهشه :ايه لسه مجاش ليه الساعه ١٠ وهو عارف ان اجتماع الشركه الفرنسيه الساعه ١٠ونص
مني :ممكن اتصل بيه
جاسر :لا خلاص هتصل بيه انا شكرا ليكي ممكن تتفضلي انت
انصرفت مني وحاول جاسر الإتصال بعمر ولكنه لم يجيب على الهاتف
جاسر :وبعدين معاك يا عمر انت كمان مش بترد ليه عند حنين
وصلت حنين الي الجامعه وجدت نائل في انتظارها
نائل :حنين حبيبتي ايه اللي حصل
نظرت له حنين نظره غضب ثم قالت :انت مشيت ليه وسبتتي معاه لوحدي
نائل :انا قلت يعني عشان تعرفوا تتكلموا براحتكم مش ده يبقى عمر بن عمك
حنين :ايوه بس انت المفروض كنت تقعد وتقوله اننا بنحب بعض ومتفقين على الجواز
نائل :ايه هو انت قولتي له كده
حنين :اه طبعا امال كنت عايزني اقوله ايه
نائل بعصبيه :انت غبيه انت ازاي تقولي له حاجه زي كده
حنين :غبيه ليه هي مش دي الحقيقه
نائل :ايوه الحقيقه بس مش وقته انه يعرف الكلام ده انت كده بتدبسبني
حنين :ايه بدبسك ازاي يعني انت قصدك ايه من كلامك ده كنت عايزني اقوله ايه وهو شايفني قاعده معاك في كافيه بره الجامعه
نائل :كنت قولي له أي حاجه غير اننا بنحب بعض دي
حنين :انا مش فاهمه انت تقصد ايه لو علاقتنا ببعض انت بتعتبرها تتدبيسه عادي احنا ممكن كل واحد يروح لحاله
شعر نائل انه سوف يخسر حنين فعاد للهدوء في الحديث
نائل :لا ياحبيبتي انت فاهمه غلط انا مش قصدي انا قصدي ان لسه بدري على موضوع الخطوبه ده وان هو ممكن يعمل لك مشاكل مع اخوكي انا عمري ما هسمح ان يحصل لك مشاكل بسببي
حنين :ما تخافش هو وعدني انه مش هيقول لأبيه جاسر حاجه
نائل بابتسامه صفراء :خلاص بدال انت واثقه فيه مفيش حاجه وبعدين اوعي اسمعك تقولي كل واحد يروح لحاله دي تاني انا مقدرش اعيش من غيرك يا قلبي يلا بقى نخرج عشان ناكل
حنين :لا مهو انا وعدت ابيه عمر اني مش هخرج معاك من الجامعه تاني
نائل :ياسلام ناقص تقولي لي كمان انك مش هتطلعي معايا شرم
حنين :لا هطلع بس انا قولت لك اني لسه هكلم ابيه جاسر واستأذن منه
نائل :خلاص يا قلبي أمري لله تعالى ناكل في الكافتيريا هنا ولا ده كمان ممنوع
حنين :لا مش ممنوع يلا بينا
عند عمر
كان يسير بالسياره لا يشعر بشئ شارد الذهن ليس في عقله سوي صوره حنين مع نائل ولا يسمع سوي صوتها
احنا مرتبطين ومتفقين ييجي يتقدم لي
اه بحبه
قاللي الوداع..وانا قول له ايه
هو الوداع..يتقال فيه ايه
اخترته ليه...واختارني ليه
كان قلبي ليه ..وقلبه مش ليّا
حسيت اني لقيت حلم السنين
وصحيت فجأة بقيت من المجروحين
يا ريته قال حيروح يغيب
ولاكانش قال بقى له حبيب
يا ريته راح من غير جراح
هـ يفيده ايه.. يسيب جراح فيّا
حسيت اني لقيت حلم السنين
وصحيت فجأة بقيت من المجروحين
ثم فاق من شروده على دمعه حاره نزلت من عيونه ثم امسك هاتفه فوجد جاسر قام بالاتصال به اكثر من ٢٠ مره وأرسل له رساله
انت فين يا زفت مش كان فيه اجتماع قلَقتني عليك
قام عمر بالرد عليه برساله
انا بخير ما تقلقش انا بس حسيت بشويه تعب وهروح معلش اعمل الاجتماع من غيري سلام
ثم قام بالاتصال برحيل
كانت رحيل تجلس في المطبخ تذاكر وفي نفس الوقت تقوم بتحضير الطعام فهذا هو الوقت المناسب المذاكره حيث أن المنزل يعتبر خالي من سكانه حيث الجميع ذهب بما فيهم عاليا هانم ولم يبقى سوي راشد باشا في غرفته
سمعت رحيل صوت الهاتف ونظرت له وجدته عمر
رحيل :عمر ياترى نسيت ايه زي كل مره
رحيل :انا بذاكر ومش هطلع اوضتك اقفل اللاب ولا ابعته لك
عمر بصوت حزين :رحيل محتاج اتكلم معاكي
رحيل :خير يا عمر مالك صوتك زعلان ليه
عمر :انت في البيت
رحيل :ايوه
عمر :في حد عندك
رحيل :مفيش غير راشد باشا
عمر :انا جاي في الطريق
رحيل :تمام وانا هستناك
عند عاليا هانم
كانت تجلس في النادي وتتحدث في الهاتف
عاليا :انت متأكد من الكلام ده
شخص :ايوه يا هانم ما تقلقيش كل الأوراق اللي تثبت انها بنت مراد بيه الله يرحمه انا اخدتها من سنين زي ما حضرتك امرتي ليه حضرتك رجعتي تفكري في الورق ده تاني
عاليا :خلاص خلاص خليك في حالك واغلقت الهاتف ووضعته أمامها
كان يجلس أمامها زوجها :مالك قلقانه ليه
عاليا :مش مطمنه لكلام بابا امبارح
حسين زوجها :كلام ايه
عاليا :انه حاسس بالذنب ناحيه فيروز وانه ندمان انه مصدقهاش او انها ممكن تكون البنت اللي كانت معاها دي بنت مراد فعلا
حسين :الكلام ده مفيش منه أي خوف راشد باشا خلاص مبقاش يقدر يعمل حاجه وكل اللي يقدر عليه الكلام وبس وانت فكرتي صح من الاول انك قدرتي توصلي لمكان رحيل بعد موت امها وخلتيها تيجي تعيش عندنا هي وفاطمه اللي كانت بتربيها وفهمتي راشد باشا ان فاطمه كانت بنت صابر السواق اللي مات وراشد باشا كان بيعزه
عاليا :تفتكر لو حاول يدور عليها هيقدر يوصل ان رحيل تبقى بنته
حسين :انت مسحتي اي دليل يثبت ان رحيل تبقى بنت مراد وحتي فيروز خافت من تهديدك لها ورحيل معروفه باسم رحيل مراد كامل ابراهيم واسم الجارحي مش موجود ولا اسم راشد باشا يعني مفيش معاهم اي شئ يثبت انها بنته
عاليا :لازم محدش فيهم يطول حاجه من الفلوس دى دي فلوس امي اللي ماتت بعد عذابها مع راشد باشا وجوازه من غيرها بعد اسبوع واحد من موتها وفلوسها اللي صرفها عليهم ثم نظرت لحسين :انت مروحتش الشركه ليه
حسين :جاسر بيه عامل اجتماع مع شركه فرنسيه بس مفيش حد هيحضره غيره هو وعمر
عاليا :لازم نعرف هو ناوي على ايه بس لو بنتك شهد الغبيه دي تسمع كلامي هنسيطر على كل حاجه
عند عمر
وصل عمر الي المنزل ودلف الي المطبخ فشاهدته رحيل
رحيل :عمر مالك انت كنت بتعيط
عمر :بتحبه يا رحيل
رحيل :مين بتحب مين
عمر :حنين بتحب نائل
رحيل :نائل مين
عمر :زميلها في الجامعه بتحبه ومتفقين انه يخطبها لما يخلص الجامعه
رحيل :بس انا لما اتكلمت معاها قالت لي ان مفيش حد في حياتها
عمر :بتحبه يا رحيل قالت بتحبه ثم وضع يده على وجهه وبدأ في البكاء
رحيل :اهدي يا عمر ما تعملش في نفسك كده انت برده غلطان بتحبها من سنين وساكت ليه مصارحتهاش بحبك ده ليه ماقولتلهاش انك بتحبها يمكن تكون كانت بتحبك بس لما انت ما اتكلمتش راحت لأول واحد قال لها بحبك
عمر :انا مش قادر اقعد في البيت ده واشوفها كل يوم وانا عارف انها نازله كل يوم تقابله وان هييحي اليوم اللي تتخطب له وتتجوز
رحيل :بلاش التفكير ده محدش عارف ايه اللي جاي وبعدين يمكن انت تكتشف انه مكانش حب
عمر :لو مشاعري لحنين مش حب امال يبقى ايه الحب انا مش بحبها انا بعشقها انا بتنفسها انا مقدرش اعيش من غيرها
رحيل :عشان خاطري اهدي بقى انا مش متعوده عليك كده سيب كل حاجه للايام والايام كفيله انها تداوي الجرح
ثم ابتسمت في محاوله لازاله حزنه
رحيل :بقولك ايه انت ما شربتش نسكافيه من ايدي من زمان انا هعمل اثنين نسكافيه وصايا ليا وليك
عمر :لا مش عايز
رحيل :لا لا لا ده النسكافيه ده موصوف للشخص اللي لسه مصدوم عاطفيا طازه زيك كده هتشربه وتقول مزاجي عال العال
فابتسم عمر :كنت عارف اني مش هعرف احكي لحد غيرك
رحيل :طبعا هو فيه غيري يقدر يفرفشك يا عموري
جهزت رحيل النسكافيه وجلست هي وعمر يتحدثوا ويحتسوا النسكافيه ثم قطع حديثهم دلوف جاسر لهم
جاسر :ما انت زي القرد اهه امال محضرتش الاجتماع ليه
عمر :انا كنت تعبان فعلا بس رحيل كتر خيرها عملت لي نسكافيه عشان افوق والصداع يروح
نظر جاسر الي رحيل :عامله ايه دلوقت
رحيل :الحمد لله تمام
جاسر :طيب اعملي حسابك سامح هييجي يطمن عليكي الساعه ٨
عمر :سامح مين سامح بتاعنا
جاسر :اه
عمر :ليه يا لولو انت تعبانه
رحيل :لا ده دور برد بسيط وراح لحاله انا الحمد لله بقيت تمام
جاسر :انت خلصتي شغل
رحيل :اه هجهز السفره للغدا وخلاص
جاسر :تمام ده مفتاح المكتب اتفضلي ولما تحبي تذاكري ادخلي ذاكري فيه
رحيل :شكرا لحضرتك
جاسر لعمر :ايه هتتغدي معانا ولا هتنام
عمر :لا هشرب النسكافيه واطلع انام
جاسر :انا كمان ماليش نفس هشرب النسكافيه واطلع انام
رحيل :دقيقه واحده هعمل لحضرتك نسكافيه
جاسر :هتعملي ليه
رحيل :امال حضرتك هتشرب ايه
جاسر :هشرب ده ثم حمل الكوب الخاص برحيل
رحيل :بس انا شربت منه
نظر لها جاسر واخذ رشفه من الكوب ثم انصرف والكوب معه
