فزع عمر وسامح عند سقوط رحيل ونزل لها سامح وحاول افاقتها
سامح:رحيل رحيل فوقي يا رحيل رحيل رحيل
فتحت رحيل عيونها
عمر: إيه يا رحيل هتخوفينا عليكي أنت كمان
قام سامح بمساعدتها علي النهوض
رحيل: أنا كويسه أنا لازم امشي
عمر:استني أنا هاجي اوصلك
رحيل:ما تتعبش نفسك أنا هعرف اروح
سامح:ما تزعليش من جاسر يا رحيل هو بس زعلان عشان حنين وبعدين موضوع والدته ده موتره
رحيل ببكاء: أنا والله مكنش قصدي اخبي عليه حاجه أنا بس خفت علي حنين انه لو عرف أنها بتكلم والدتها يمنعها منها وأنت يا عمر عارف حنين كانت تعبانه إزاي وهي بعيده عن والدتها
عمر:عارف يا رحيل وعارف أنك مش قاصدك حاجه يلا عشان اوصلك وترتاحي شويه ثم نظر لسامح: أنا هوصل رحيل وهرجع تاني
أنصرف عمر مع رحيل وكانت رحيل عيونها تبكي في صمت ويتردد علي مسامعها كلمات جاسر: أنا مش عايز أسمع صوتك ولا أشوف وشك تاني
عند جاسر
قاد سيارته وانطلق بها لا يعلم إلي إين يذهب فكان شارد الذهن يفكر في ماضيه مع والدته وتحول العلاقه بينهم بعد أن كان متعلقا بها إلي ابعد حد اصبح لا يريد حتي سماع إسمها فعاد بذاكرته إلي الماضي
Flashback
كان جاسر في الثامنه عشر من عمره وكان يجلس في غرفته يذاكر حتي سمع صوت شجار بين والدته ووالده
مديحه: أنا مش قادره علي العيشه دي
علي:عيشه إيه يا مديحه إللي مش قادره عليها احنا كويسين واحسن من غيرنا
مديحه: أنت إللي كويس أنا مش كويسه
علي:يعني إيه يا مديحه
مديحه: أنا عايزه نرجع زي زمان ويبقي معانا فلوس زي زمان
علي: الفلوس دي كانت ورث بابا إللي وزعه علينا وأنا بشتغل اهه والحمد لله وضعنا كويس والشركه بتاعتي بتشتغل كويس
مديحه:شركه إيه وشغل إيه إللي بتتكلم عنه أسمع ده ما ينفعش
علي: والمطلوب
مديحه:الورث إللي كتبه اخوك مراد لجاسر كبر بيه الشركه بتاعتك
علي: أنت بتقولي إيه يا مديحه ورث مراد اخويا الله يرحمه ده امانه سايبها لبنته
مديحه:بنته هي فين بنته دي هو انت مصدق ان فيروز الخدامه خلفت من اخوك فعلا دي نصابه ولما معرفتش تاخد حاجه من اخوك وطلقها قالت تلعب لعبه البنت دي يمكن تطلع لها بحاجه وبعدين الفلوس دي بإسم جاسر تبقي من حقنا
علي: اسمعي يا مديحه أنا صبرت كتير علي إللي أنت عملتيه من زمان وبتعمليه عشان خاطر الأولاد بس لما تيجي لحد ورث اخويا إللي سايبه أمانه عندي لبنته يبقي لا يا مديحه وأنا هقف لك
مديحه:طيب اسمع بقي يا علي اخر كلام عندي يا إما كلامي يتنفذ يا إما كل واحد يروح لحاله
علي:بقي كده يا مديحه تمام وأنا هعمل إللي أنت عايزه وكل واحد يروح لحاله وأنا هاخد الاولاد وانزل مصر
مديحه:لا طبعا أنا مش هسيب لك العيال
علي: يعني إيه أنا عمري ما هسيب أولادي
مديحه: أسمع يا علي خلينا نتفق أنت تاخد جاسر وأنا هاخد حنين لأنها صغيره وهتبقي محتاجه ليا
دلف جاسر إليهم وهو يبكي: يعني إيه يا ماما أنت هتاخدي حنين وتسيبيتي
مديحه: أنت خلاص كبرت يا جاسر وحنين اختك لسه صغيره وأنت هتعرف تعيش مع ابوك
جلس جاسر علي الأرض يبكي:لا أنا مش عايز ابعد عنك
تركته مديحه وقامت بجمع اشيائها وأشياء حنين
مديحه: أنا هنزل في فندق يا علي وأنت يا ريت تخلص إجراءات الطلاق بسرعه
نهض جاسر من علي الأرض:لا يا ماما أنا مش عايز اسيبك
تركته مديحه وأخذت حنين وانصرفت وظل جاسر يبكي أيام وايام وهو بتمني أن تأتي والدته مره أخري
وفي يوم دلف إليه والده
علي:جاسر عامل إيه يا حبيبي
جاسر والدموع في عيونه: الحمد لله يا بابا
علي: أنساها يا جاسر
جاسر: إزاي يا بابا انسي أمي
علي:امك ما تستاهلش أنك حتي تفكر فيها أنا كنت فاكر أنها طلبت الطلاق عشان موضوع الورث وبس
جاسر: آمال عشان إيه
علي: أنت مش هتفهم دلوقت أنا قصدي إيه أنا كل إللي عايز اقوله لك أنها اتجوزت صاحبي عصام
Black
أنا فهمتك يا بابا كان قصدك إيه مديحه هانم باعتك وباعت أبنها وخربت بيتها عشان تتجوز عصام
فاق جاسر من ذكرياته عندما تذكر حنين فقام بالاتصال بسامح
سامح: أيوه يا جاسر
جاسر:حنين عامله ايه يا سامح
سامح: أنت بتتصل تسأل علي حنين ولا علي رحيل
جاسر:رحيل مالها
سامح: رحيل بعد ما أنت مشيت أغمي عليها
جاسر: إيه وهي عامله ايه دلوقت
سامح:تمام فاقت وعمر راح يوصلها بس هي ناويه تسيب الشقه وتمشي
جاسر: تمشي فين
سامح:هو ايه معني كلامك ليها أنا مش عايز أشوف وشك تاني
جاسر: طيب أقفل دلوقت وأنا هتصرف
جاسر لنفسه: إيه إللي أنا هببته ده غبي
عند رحيل قام عمر بتوصيلها إلي شقه جاسر ففتحت لهم سعيده
داده سعيده: إيه مالك يا بنتي
عمر: مافيش حاجه يا داده هي بس تعبانه شويه خليها تدخل ترتاح
رحيل:يلا يا ماما إحنا لازم نلم حاجاتنا ونمشي من هنا
سعيده: نمشي نروح فين يا بنتي هنرجع القصر
عمر:لا مش هتمشوا ولاحاجه يا داده
سعيده:في إيه يا عمر
عمر:مفيش حاجه يا داده خليها بس ترتاح شويه أنا هنزل دلوقت وانت خدي بالك منها
انصرف عمر وجلست رحيل تبكي
عند مهاب
قام مهاب بالاتصال بوالدته
عاليا: أيوه يا مهاب فيه جديد
مهاب: أيوه يا ماما جاسر بيدور علي بنت عمي مراد
عاليا: إيه عرفت إزاي
مهاب:لقيت ورقه ادم جايب له فيها معلومات عنها
عاليا: ووصل لحاجه عرف هي مين
مهاب:لا يا ماما لسه معرفش
عاليا: أسمع يا مهاب أنا هرجع النهارده وأول ما ارجع عايزه أشوفك ضروري
مهاب: حاضر يا ماما
عند نائل
كان يجلس مع صديقه
نائل:هه قولي بقي في دماغك إيه
صديقه: أنت هتروح لها المستشفي بس من غير ما حد يشوفك
نائل: أنت بتخرف بتقول إيه هي عمرها ما هتقابلني
نائل: أسمع مني بس هي هترفضك مره واثنين بس أنت هتفهمها أنك عملت كده عشان إللي اسمه عمر ده هو إللي قالك تعمل كده وهددك أنه هيلفق لك قضايا بمساعده الظابط إللي اسمه آدم وشغل بقي شغل الحب والعواطف بتاعك ده بقي أنا هقولك وبعدين ترجع لك وتكمل باقي خطتك مش أنت معاك نسخه من الورقه
نائل: آه
صديقه:خلاص نلاعبهم بيها
نائل:تمام أوي
عند رحيل
كانت تجلس تبكي حتي سمعت صوت رنين جرس الباب
نهضت وقامت بفتح الباب فوجدت جاسر يقف أمامها ويبتسم
جاسر: ممكن أدخل
رحيل: آه طبعاً دي شقه حضرتك اتفضل أنا بس بستاذن حضرتك اديني فرصه ساعه واحده هلم حاجاتي وامشي أنا وماما عزيزه
دلف جاسر إلي الداخل ونظر إلي رحيل
جاسر: أنا آسف يا رحيل أنا مش عارف أنا قلت لك كده إزاي بس أنا مش هسامح نفسي لو دموعك دي نزلت بسببي
رحيل بدموع: أنا والله مش قاصده إني اخبي عليك أنا كنت خايفه علي حنين ومش عايزاها تزعل او تتعب تاني أنا حتي ما اعرفش إيه إللي بينك وبين والدتك وكنت
قاطعها جاسر: وأنا مش عارف أنا ليه زعلت لما خبيتي عليا تفتكري كبرت الموضوع شويه بس أنا مش متخيل انك يغمي عليكي وتزعلي لما اقولك إني زعلان منك
رحيل:يمكن عشان مش بتعرف تتخيل
جاسر:نعم
رحيل:ولا حاجه
جاسر: أنا مخنوق أوي يا رحيل أنا مش عارف اعمل ايه أنا خايف علي حنين بس مش قادر إني اشوفها تاني أو اتعامل معاها ثم سرد لرحيل ما حدث من والدته
رحيل: وأنت زعلان عشان هي سابتك واخدت حنين
جاسر:ده سبب وفيه حاجه تانيه
رحيل: إيه
جاسر:في يوم لقيت حنين بتكلمي ومنهاره من العياط الكلب إللي هي انجوزته كان كان
رحيل:خلاص فهمت
جاسر:ولما راحت تشتكي لها كدبتها وصدقت جوزها وبعتتها هنا عشان تعيش مع جدي وأنا نزلت لها واضطريت ارجع تاني عشان شغلي
رحيل:وفي الفتره دي حنين تعبت وهي جت ولما حنين فاقت سافرت تاني
جاسر أنا خلاص هعمل إللي هما عايزينه
فجاءه شهقت رحيل وسعلت
نظر لها جاسر باندهاش ثم رن هاتفه برقم ميار
جاسر:دي ميار
رحيل: احم ما أنا عرفت
جاسر: أيوه يا ميار
ميار:حبيبي ألف سلامه علي حنين عمر حكي لي
جاسر:الله يسلمك
ميار: علي فكره أنا علي اتصال بطنط مديحه لو تحب اكلمها
جاسر: ماشي يا ميار كلميها وعرفيني
ميار: اوكيه يا بيبي
نظر جاسر لرحيل:ده عمر حكي لها وهي متواصله مع مديحه هانم وهتكلمها
رحيل:اه
جاسر: أنا همشي وأنت ارتاحي واشوفك بكره في الشركه وبعدين نروح لحنين مع بعض
رحيل:تمام
جاسر: رحيل ممكن اطلب منك طلب
رحيل: اكيد
جاسر :ممكن ما تخبيش عليا حاجه تاني بعد كده
رحيل بتوتر:حاضر
عند مهاب وعاليا
عاليا: إحنا لازم نتصرف ونخلص من البنت دي
مهاب: بنت إيه يا ماما هو إحنا نعرفها
عليا:رحيل هي بنت عمك مراد
مهاب: إيه
