كان جاسر وشهد وحنين يقفوا أمام غرفه رحيل
جاسر: ينفع ندخل لها يا سامح
سامح: آه طبعاً بس هي نايمه ومش هتحس بيكم
دلف جاسر وحنين وشهد وجدوا رحيل في ثبات عميق ويدها موصله بمحاليل
أقترب منها جاسر وأمسك يدها
حنين: يلا يا شهد نستني بره
شهد:طيب
خرجت شهد وحنين وتركوا جاسر مع رحيل
جلس جاسر بجوارها وقبل يدها: أنا آسف سامحيني غصب عني أنا بموت من غيرك ومش قادر أشوفك كده قومي يا رحيل وقاومي وانسيني واكرهيني أنا مقدرتيش احافظ علي حبنا أنا ما استهلش حبك ليا أنت اغلي عندي من كل الدنيا اغلي من روحي غصب عني
وكانت دموعه تنزل من عيونه
دلف سامح
سامح:لما أنت بتحبها أوي كده ليه
نظر له جاسر وعيونه كلها دموع:غصب عني والله غصب عني
سامح: غصب عنك إزاي يعني
جاسر: أنا
سامح: أنت إيه
جاسر :تعالي نطلع بره ونتكلم
خرج جاسر وسامح
جاسر: أنا كلمت عمر عشان يوصلكم
حنين:لا أنا مش هسيب رحيل
سامح: رحيل مش هتفوق إلا الصبح وملوش لازمه القعده دي
جاسر:اهو عمر وصل
وصل عمر:في إيه رحيل مالها
سامح:ما تقلقش هي الحمد لله بقت كويسه
جاسر:يلا يا عمر وصل حنين وشهد البيت وأنا هفضل هنا
نظرت حنين لعمر نظره كره
عمر:طيب يلا يا شهد
ذهب عمر وخلفه شهد وحنين واتجه إلي سيارته وقامت رحيل بفتح الباب الخلفي وجلست في الخلف وجلست شهد بجواره
عند جاسر
جلس جاسر وسامح أمام غرفه رحيل
سرد له جاسر ما حدث
سامح: وأنت إزاي مش فاكر إللي حصل
جاسر:مش عارف هي بتقول إننا شربنا واكيد أنا لما شربت معرفتش أنا بعمل إيه ونسيت كل حاجه
سامح: وأنت اتاكدت أنها حامل
جاسر: قصدك إيه
سامح:يعني ممكن تكون بتعمل عليك تمثيليه عشان تتجوزها
جاسر:لا معتقدش أنها هتسوء سمعتها وبعدين حتي لو مكانتش حامل أنا لازم اتجوزها عشان ما تبقاش فضيحه لها
سامح:مش عارف يا جاسر اصل أنت مش بتشرب إيه إللي خلاك تشرب الليله دي وانت كنت بتقول لها انك مرتبط برحيل إيه إللي يخليك تتجوزها
امسك جاسر رأسه: أنا خلاص مش قادر افكر حاسس إن دماغي وافقه وخايف أوي علي رحيل
سامح:ما تقلقش هي أن شاء الله هتبقي كويسه
عند حنين
وصل عمر أمام القصر ونزلت شهد وظلت حنين
حنين:اوعي تفتكر إني عشان ركبت معاك العربيه تبقي خلاص لا أنا لسه بكرهك وبستحقرك وكل يوم بيعدي عليا بكرهك اكتر
تنهد عمر واغلق عيونه:انزلي يا حنين
حنين: أخرس اوعي تنطق إسمي علي لسانك تاني أنا هنزل ومش عايزه اشوف وشك تاني وأنا عند كلمتي طردك من الشركه والقصر هيبقي علي ايدي
صرخ فيها جاسر: انزلي بقولك انزلي
نزلت حنين وصفعت الباب خلفها
عمر:يا خساره حبي ليكي
عند مهاب
كان يجلس مع عاليا
مهاب: وبعدين إحنا كده ما استفدناش حاجه
عاليا: قصدك إيه
مهاب: يعني مديحه هانم هتخلي جاسر يتجوز ميار وهي هتسفاد وهتتجوز كمال بيه وتتمتع بثروته وأحنا
عاليا:مش إحنا قلنا انك هتتجوز رحيل
مهاب:لا سكه الجواز دي مش هتنفغ رحيل عمرها ما هتوافق تتجوزني
عاليا: آمال أنت بتفكر في ايه
مهاب: تنازل
عاليا: إيه
مهاب:ورقه تنازل صغيره بكل ثروه رحيل تمضيها وتتنازل لحسابي
عاليا: تنازل إيه وازاي أنت ناسي أن جاسر وصي عليها ولازم هو كمان يمضي على التنازل ده
مهاب: أنا فيه فكره في دماغي اصبري بس تكمل وأنا هاخد التنازل وفوق منه رحيل
عاليا:طمني يا مهاب أنت ناوي علي إيه
مهاب:اطمني أوي يا عاليا هانم
في الصباح
كانت رحيل تغفو وبجوارها جاسر ممسك بيدها
تململت رحيل في نومها وفتحت عيونها وجدت جاسر ينظر لها
جاسر: ألف سلامه عليكي
نذعت رحيل يدها من يده: أنا فين وأنت قاعد هنا ليه
جاسر: أهدي أنت تعبتي امبارح عشان اخدتي حبوب مهدئ كتير وجبناكي هنا امبارح
رحيل: وأنت قاعد معايا ليه أنا مش عايزه اشوفك ابعد عني
جاسر: أنا كنت عايز اطمن عليكي
رحيل:اطمن أنا مكنتش بنتحر عشانك أنا بس كنت عايزه انام وافتكرت أن الحبوب دي هتخلبني أنام يعني لو ضميرك تاعبك خليه يرتاح ولو أني اشك أنك عندك ضمير
جاسر:ماشي يا رحيل أنا هامشي ومش هتشوفي وشي تاني
انصرف جاسر وظلت رحيل تبكي
في القصر
اتجه مهاب إلي غرفه سعيده
سعيده:خير يا مهاب بيه
مهاب: ازيك يا داده سعيده
سعيده: الحمد لله يا ابني
مهاب: أنت طبعا عارفه أنا بعذك قد إيه
سعيده: طبعاً يا ابني
مهاب: بصراحه يا داده أنا خايف عليكي أنك بعد السن ده وخدمتك لينا كل السنين دي تتبهدلي او تتسجني
سعيده بفزع: إيه ليه يا ابني أنا عملت إيه
مهاب: أنا سمعت أن مديحه هانم اتسرق منها فلوس وهي بصراحه شاكه فيكي أنت
سعيده: أنا يا ابني والله ما شفت حاجه
مهاب : أنا عارف يا داداه أنك ما تعمليش حاجه زي كده بس هي مصممه تبلغ البوليس وأنت عارفه البوليس لو جه هياخدك لحد ما الحقيقه تبان
سعيده: أنا مظلومه والله يا ابني
مهاب: أنا عارف يا داده عشان كده ماما قالت لي أني اخدك من هنا ونروح مكان تقعدي فيه لحد ما نلاقي الحاجه إللي ضايعه او مديحه هانم تهدي
سعيده: بس أنا هروح فين يا ابني
مهاب: أنت ملكيش حد في البلد
سعيده:البلد أنا مرحتهاش من سنين
مهاب: بس لازم نلاقي مكان تستخبي فيه
سعيده: أنا ممكن اروح عند جيراني بتوع زمان
مهاب: فين المكان ده وحد يعرفه
سعيده:لا مفيش حد يعرفه غير آدم باشا
مهاب:آدم يعرفه منين
سعيده:مهو كان بيدرو علي فيروز الله يرحمها ووصل للبيت القديم بتاعنا
مهاب: آه طيب كويس أنه يعرفه حتي يبقي يطمن رحيل عليكي
سعيده: بس أنا مش هينفع امشي قبل ما رحيل تيجي واطمن عليها
مهاب:لا ما تقلقيش أنا هبقي اطمنك عليها واطمنها عليكي بس أنت ما تتصليش بيها هي إللي هتبقي تكلمك عشان محدش يعرف مكانك يلا قومي لمي حاجاتك بسرعه عشان اوصلك
سعيده: حاضر يا ابني كتر خيرك
مهاب: أن شاء الله هتظهر الحقيقه قريب وترجعي تاني
عند رحيل
دلف سامح إليها الغرفه
سامح: عامله ايه
رحيل: الحمد لله أنا عايزه امشي
سامح: أنا فعلا كتبت لك علي خروج وكلمت عمر عشان ييجي يوصلك
رحيل: تمام
سامح: رحيل أنا عايزك تاخدي بالك من نفسك وتحاولي
رحيل:ما تقلقش يا دكتور سامح أنا كويسه أنا مكنتش عايزه انتحر
سامح: أنا عارف
رحيل: أنا شفت في حياتي كتير أوي واتعودت خلاص أن الدنيا مش هتديني اي حاجه أنا عايزاها
سامح:ممكن نكون ظالمين جاسر وهو غصب عنه عمل كده
رحيل:ظالمينه إيه إللي يخليه بخطب ميار غصب عنه جاسر تفكيره من دماغه ومحدش يقدر يفرض عليه حاجه ارجوك يا سامح أنا مش عايزه أتكلم في الموضوع ده تاني أنا عايزه ألملم قلبي واللي فاضل لي واعيش حياتي من غيره
قطع حديثهم دلوف عمر
عمر:حمد الله على السلامه يا حبيبتي جاهزه عشان نمشي
رحيل: أيوه يلا
انصرف عمر ورحيل وتوجهوا إلي السياره
رحيل: مالك يا عمر
عمر: مالي أنا تمام
رحيل:مش باين
عمر:مفيش حنين بس مهدداني أنها هتطردني من القصر ومن الشركه
رحيل: إيه إزاي يعني
سرد لها عمر ما حدث
رحيل:لا دي اكيد اتجننت أنا هكلمها
عمر:لا يا رحيل خلاص حنين بقت ماضي في حياتي
ابتسمت رحيل: فاكر لما قلت لي أننا شكلنا هنفصل نشتكي لبعض كتير
عمر: آه حنين وأخوها
رحيل: أرجوك يا عمر ساعدني أنساه
عمر وهو يحاول تغير الموضوع
عمر: آه صحيح هي داداه سعيده كلمتك
رحيل:لا ليه
عمر:مهاب النهارده قال إنها مشت وسابت القصر
رحيل:سابت القصر ليه وراحت فين
عمر: بيقول أنها رجعت البلد
رحيل: إزاي دي ما رحتش البلد من سنين وليه راحت البلد
عمر: مش عارف
وصلت رحيل إلي القصر وذهبت إلي مهاب
رحيل: ماما سعيده فين
مهاب: حمد الله على السلامه يا لولو
رحيل: رد عليا ماما سعيده فين
مهاب: راحت البلد
رحيل: ليه
مهاب: معرفش أنا لقيتها لامه هدومها ولما سالتها رايحه فين قالت لي أنها رايحه البلد
تركته رحيل وخرجت
عمر: إيه
رحيل: مش عارفه بيقول راحت البلد وبرن عليها تليفونات مقفول أنا لازم اروح لها
عمر:طيب ارتاحي النهارده وبكره نبقي نروح مع بعض
رحيل:لا أنا مش هستني أنا هروح دلوقت
عمر: اسمعيني يا رحيل أنا هاجي معاكي بس اصبري الشركه بتقع وجاسر مش بيبحي الشركه وعندنا بكره اجتماع عشان نمضي الصفقه هخلص الاجتماع واجي معاكي
تنهدت رحيل:طيب تمام
عمر: يلا اطلعي نامي دلوقت وارتاحي
مرت الليله واتي الصباح واتجه عمر إلي العمل وقامت رحيل
رحيل:لا أنا مش هقدر استني عمر أنا لازم أسافر دلوقت ثم فكرت لثواني:طيب هروح إزاي آه آدم
قامت بالاتصال بآدم
آدم: رحيل صباح الخير
رحيل: صباح الخير يا آدم أنا عايزه اطلب منك طلب
آدم:خير طلب إيه
رحيل: أنا عايزه أسافر البلد عند ماما سعيده أنا مش عارفه هي مشت ليه وتليفونها مقفول
آدم: أنا هاجي لك دلوقت عند القصر
رحيل: وأنا مش هتاخر
عند جاسر
بعد إنهاء الاجتماع
عمر: أنا هامشي بقي
جاسر:ليه لسه عندنا شغل كتير
عمر: مسافر مع رحيل البلد
جاسر:ليه
عمر:داده سعيده مشت ومش عارفين ليه هنروح لها
جاسر:هتمشوا أمتي
عمر:هكلمها اهه اخليها تجهز
قام عمر بالاتصال برحيل
رحيل: أيوه يا عمر
عمر: أنا هاجي دلوقت احهزي عشان نسافر
رحيل: أنا أسفه يا عمر أنا مقدرتش استني أنا خلاص مسافره مع آدم
عمر:ليه كده أنا قولت لك مش هتاخر
رحيل: خلاص بقي مش مشكله مهو آدم معايا
اغلق عمر الهاتف
جاسر: إيه
عمر:سافرت مع آدم
جاسر: إيه إزاي تسافر معاه
عمر: خلاص بقي أهدي
مرت الساعات واظلم الليله وكانت رحيل مع آدم في السياره ولكن فجاه توقف آدم
رحيل:في إيه وقفت ليه
آدم:في حاجه وقعه قدام العربيه هنزل أبعدها
نزل آدم ولكنه فجاءه شعر بضربه قويه على رأسه وسقط علي الأرض
وفجاه شعرت رحيل بأحد يفتح باب السياره ويضع يده علي فمها ثم غابت عن الوعي
